கீழே போட்டு மிதிப்போம்

தனிமை இருள் நீக்க
சிந்தனைச் சுடர் இருக்கு
அந்த மின்மினி சிகரட்டின்
சிறு வெளிச்சம் இனிஎதற்கு

புண்பட்ட மனம் ஆற்ற
பண்பட்ட நட்பு போதும்
வெண்குழல் ஊதும்போது
புண் புரையோடிப் போகும்

இளமை அழிக்கும் புகை
இனிமை குலைக்கும் புகை
இனிமேல் நமக்குப் பகை
இனிமேல் நமக்குப் பகை

உதடு கள் நடுவே
உபத்திரம் இருக்குதே
உடலினை கெடுக்குதே
உயிரினை சுருக்குதே

வெள்ளாடை போர்த்தி அது
சொல்வதுவும் புரியலியா
உள்ளே உன் உறுப்பெல்லாம்
கரிவதுவும் தெரியலையா

இன்றே முடிப்போம்
இந்த வெள்ளையனின் கதையை
பெறுவோம் மீண்டும் ஒரு சுதந்திரம்
அந்த கடைசி சிகரட்டை கீழே போட்டு மிதிப்போம்.