தேன்200: ஜி. ராகவன்

தேன்200 என்று தொடராய் பதிவர்கள் இந்த தேன் பதிவுபற்றி எழுதியிருந்தார்கள். நம்ம ஜி. ராகவன் லேட்டா வந்தாலும் லேட்டஸ்ட்டா வந்திருக்கார். படியுங்க.

தேன் சிந்துதே வானம்

தேன் சிந்துதே வானம்னு கவியரசரு சொன்னாரே அது உண்மையாகுமான்னு யோசிச்சுப் பாத்தா ஆகும்னு ஒருத்தர் நிரூபிச்சிருக்காரு. ஆமாங்க. சிறில் அலெக்ஸ்தான். ஒருதுளி இருதுளின்னு கூடிக் கூடிச் சிறுதுளி பெருவெள்ளமாகி எரநூறு பதிவுகள் போட்டிருக்காரு. அந்தப் பெருவெள்ளத்துல ஒரு டம்ளர் மோந்து குடிக்கலாமா?

சிறில் இருக்குற நாடு அமெரிக்கா. ஊரு ஷிகாகோ. அதாங்க சிக்காகோன்னு சொல்லுவோமே. அந்த ஊருதான். அந்த ஊருல இருந்துக்கிட்டு குளிருல நடுங்கிக்கிட்டு (ரஷ்ய நாட்டு மருந்து வேலையா இருக்குமோ?) தேன் வலைப்பதிவுல 200 பதிவுகள் போட்டிருக்காரு. பைபிள் கதைகள்ல ஒரு 32. முட்டத்துல 21. இப்பத் தமிழ்ச்சங்கத்துல ஒன்னு. இப்படிப் பதிவுகளை வாரி வாரி வழங்கும் வள்ளல் சிறில்.

எல்லாருக்கும் ரொம்ப நாள் கழிச்சுதான் விருது குடுப்பாங்க. ஆனா சிறில் வரும் போதே ஆஸ்காரோடதான் வந்தாரு. ஆஸ்காரோட வந்து? கெடா வெட்டுனாருங்க. கெடான்ன கெடா பெருங்கெடா. இன்னைக்குக் கெடாக் கெடா. சொவைச்சுப் பாருங்க. நல்லாயிருக்கும்.
கெடா வெட்டுன கையோட போலிக்கு ஒரு வேண்டுகோள் வெச்சாரு. அது நியாயமான வேண்டுகோள்தான். போலியப் பத்திப் பேசுனா புனிதத்தைப் பத்தியும் பேசியாகனும்ல. அதான் ஒருவர் புனிதராவது எப்படீன்னும் பதிவு போட்டாரு.

தூத்துக்குடி கன்யாகுமரி நாகர்கோயில்காரங்களுக்குப் பழக்கமான சில பக்திப்பாட்டுகள் உண்டு. ஆமா. கிருத்துவ பக்திப் பாட்டுக. கேளுங்கள் தரப்படும்ல தொடங்கி, மண்ணுலகில் இன்று தேவன் இறங்கி வருகிறார்னு தொடரும். நீலக்கடலின் ஓரத்தில் பாட்டுக் கேக்கும் போது அப்படியே சிலுத்துக்கும் பாருங்க. அடடா! தேவராஜன் மாஸ்டர் இசையில கண்ணதாசன் எழுதி டி.எம்.சௌந்தர்ராஜன் பாடியது. எனக்குப் பிடிச்சக் கிருத்துவப் பாட்டுகள்ள அதுக்குத்தான் முதலிடம். இப்படிப்பட்ட பாட்டுகள அடுக்கி அவரு ஒரு பதிவு போட்டாரு. அதுலதான் ஏவாளை ஏமாற்றுவேன்னு எல்.ஆர்.ஈஸ்வரி மெல்லிசை மன்னர் இசையில பாடிய பாட்டு கிடைச்சது. அடடா! அது பாட்டு.

ஆனா பாருங்க....நம்ம எப்படி கிருத்துவப் பாட்டுகளையும் கேட்டு ரசிக்கிறோமோ..அதே போல சிறில் நல்ல இந்துப்பாட்டுகள ரசிச்சிருக்காரு. இன்னமும் ரசிக்கிறாரு. அதுக்குச் சாட்சிதான் இந்தப் பதிவு. தமிழ்ப் பாட்டுன்னா முருகன் பாட்டு இல்லாமலா? கற்பனை என்றாலும் கற்சிலை என்றாலும் கந்தனே உனை மறவேன் பாடலுக்கு மயங்காதார் யார்? சிறிலையும் சேத்துத்தான். இந்தப் பாட்டு வாலி எழுதி டி.எம்.எஸ் இசையமைச்சுப் பாடியது. திரைப்படத்துல பிரபலமாகும் முன்னாடி வாலி எழுதி ரயில்வே ஸ்டேஷன்ல வெச்சி டி.எம்.எஸ் கிட்ட குடுத்தாராம். அவரும் பக்தியா வாங்கி இசையமைச்சிப் பாடியிருக்காரு. இப்படித்தான் வாலி கொஞ்சம் கொஞ்சமா புகழடைஞ்சது. ஆனா பாருங்க...வாலி முருக பக்தராம். ஆனா ஆனந்த விகடன்ல ராமாயணத்தையும் மகாபாரதத்தையும் புதுக்கவிதைல எழுதுனாரே....கந்தன் கருணைய மறந்துட்டாரே! வாலி இது ரொம்ப மோசம். :-(

நம்ம சினிமாக்காரங்க திருட மாட்டாங்க. திருடுனாலும் ஒத்துக்க மாட்டாங்க. ஆனாலும் சிறில் அந்த மாதிரி திருடப்பட்ட படங்களப் பட்டியல் போடுறாரு. படிச்சுப் பாருங்க. அதே நேரத்துல ஒரேடியா சினிமாவுக்குள்ளயும் போயிராம தான் சார்ந்திருக்கும் மதத்தில் சாதீய நிலையைப் பற்றி நேர்மையா ஒரு அலசல் செஞ்சிருக்கார் சிறில். Good show Cyril.

நடுவுல மதுமிதா திடீர்னு வலைப்பூக்கள வெச்சி ஒரு சர்வே எடுத்தாங்களே. அதுக்கு சிறில் தன்னுடைய விவரங்கள இந்தப் பதிவுல குடுத்திருக்காரு. அதுல நம்மளையும் அவர் நண்பர் கூட்டத்துல சேர்த்திருக்காரு. நன்றி சிறில். அடடா! நண்பருக்கு நன்றி சொல்லக் கூடாதோ! :-)

ஒரு படத்தப் பாத்துட்டு அதப்பத்தி விமர்சனம் பண்றது ரொம்பக் கஷ்டம். ஆனா தான் பாத்த புதுப்பேட்டை படத்தை இப்படி விமர்சனம் செஞ்சிருக்காரு சிறில். இந்த விமர்சனத்தப் படிச்சாலே படம் பாக்குற ஆச வருதுல்ல?

ஆறு மனமே ஆறு அந்த ஆண்டவன் கட்டளை ஆறுன்னு பாடிக்கிட்டே சிவாஜி ஆறுபடை வீட்டுக்கும் போயிட்டு வருவாரு. அதுமாதிரி நம்ம வலைப்பூ நண்பர்கள் எல்லாருமே ஆறிப் போகுமுன்னே ஆறு பதிவு போட்டாங்கள்ள. அதுல சிறிலோட வேலை இதுதான். அதுல பாருங்க...அதுக்குத் தலைப்பு 6..6..6ன்னு வெச்சதுலதான் அவருடைய குறும்பு தெரியுது.
டாவின்சி கோடு. யார் மறக்க முடியும் அந்தப் புத்தகத்தை. மிகவும் விறுவிறுப்பான மசாலா புத்தகம். அது புத்தகமாக வந்ததை விட திரைப்படமாக வந்த பொழுது எழுந்த எதிர்ப்புகள் இருக்கிறதே...அடடா! அதுவும் இந்தியாவில்! அந்த எதிர்ப்பில் சிறில் தன்னுடைய கருத்தையும் எடுத்து வைத்தார். அவருடைய கருத்தோடு நான் ஒத்துப் போகவில்லை என்றாலும் அவரோடு அந்தப் பதிவில் கலந்துரையாடினேன். அந்தப் படத்தை தடை செய்வது என்பது கருத்துச் சுதந்திரத்தை மறுப்பதாகும் என்பது என் நிலை. வாட்டர் படத்திற்கு நடந்தது அதுதானே. படத்தில் சொல்லப்பட்டிருப்பது பொய்யென்று கருதினால் அது நிச்சயம் நிலைக்காது என்பதே என் கருத்து.

நடிப்புக் கலையின் நிலையைச் சிலையில் சொல்ல விரும்பினால் அதற்கு நாம் கொடுக்க வேண்டிய விலை தமிழகம் முழுவதும் நடிகர் திலகம் செவாலியே சிவாஜி கணேசனின் சிலையை வைப்பதுதான் என்பது சிறிலின் கருத்து. என்னுடைய கருத்தும் கூட.
அறிவியல் புனைவுக் கதைகள் எழுதுவது எளிதன்று. ஆனால் மிகவும் எளிமையாகச் சரியாகச் சுவையாக ஒரு கதை. முடிவில் ஒரு முடிச்சு போடுகிறார் பாருங்கள். அடடா! சிறில்....எங்கயோ போயிட்டீங்க. ஞானசம்பந்தரப் பாத்து அப்பர் நெனச்சதுதான் எனக்கு இப்பத் தோணுது. :-)

சுதந்திரதின வாழ்த்து எப்படிச் சொல்வோம். வாழ்த்துகள்னு சொல்லித்தான. ஆனா சிறில் தாகூரின் ஒரு கவிதையை எடுத்து மொழி பெயர்த்து அது வழியா வாழ்த்துச் சொல்லீருக்காரு. ரொபீந்ர ஷொங்கீத் கேப்பீங்களா சிறில்?

பொற்கிளின்னா என்ன? பொன்னால் செய்யப்பட்ட கிளின்னு சொல்லொரு சொல் பதிவு எழுத மாட்டேன். பயப்படாதீங்க. துணிய டர்ருன்னு கிழிச்சு அதுல பொன்ன வெச்சுக் கொடுத்தா அதுதான் பொற்கிளி. அந்தப் பொற்கிளிய இலவசக் கொத்தனார் எப்படி தள்ளிக்கிட்டுப் போனாருன்னு தெரியுமா? இந்தப் பதிவப் படிச்சுப் பாருங்க. ஆயிரம் தலை வாங்கிய அபூர்வ சிந்தாமணி மாதிரி...ஆயிரம் பின்னூட்டம் வாங்கிய சிறில்னு ஒங்களுக்குத் தெரியும்.

கோவி.கண்ணனுடைய புகழ் நாளிதழ்களில் வந்ததை யாரும் அத்தனை எளிதில் மறந்திருக்க முடியாது. அப்பொழுது பதிலளிப்பாரா கோவி என்று துணிச்சலோடு பதிவிட்டதை நாம் இங்கு குறிப்பிட்டே ஆக வேண்டும். இந்தத் துணிச்சலோடுதான் இன்னொரு பதிவும் போட்டார். போப் அவர்கள் இஸ்லாம் பற்றிச் சொன்னதாக ஒரு பிரச்சனை எழுந்ததே நினைவிருக்கிறதா? அது பற்றி வந்த கார்டூன் படங்களையெல்லாம் தொகுத்து ஒரு பதிவு போட்டார். அவர் சார்ந்துள்ள மதத்தையும் அவரது நம்பிக்கையையும் தாண்டி அவர் போட்ட பதிவு இது. கடவுள் நம்பிக்கையையும் மத நம்பிக்கையையும் சரியாகப் புரிந்து வைத்துள்ளார் என்று நினைக்கிறேன்.

மரண தண்டனை. மரணமே அனைவருக்கும் அச்சத்தைத் தருவது என்பது மறுக்க முடியாத உண்மை. அந்த மரணமே ஒருவருக்குத் தண்டனை என்றால்? தமிழ்மணமே பற்றி எரிந்த பதிவுகளைத் தொகுத்து ஒரு பதிவு. படித்துப் பாருங்கள். அப்படியே கொஞ்சம் மேலே வந்தால்....இலவசத்துக்கான கதை. படிக்கப் படிக்கச் சிரிப்புதான். இந்த வரிகளைப் படியுங்கள். உங்களுக்கே விளங்கும். "நாங்ககூட ஸ்பெசல் இபஃக்ட்ல சீரியல் வழியாத்தான் மக்களப் போய் சேரமுடியுது. இருந்தலும் நீங்க கிரிஸ்டியன். மதத்த மார்கெட் பண்றதுல ஒங்கள விட்டா வேற யாரு இருக்க முடியும் சொல்லுங்க? சும்மா கடவுள் ஒரு விசிட் அடிச்சத வச்சே ஒரு டைட்டிலப் போட்டு மதத்த உருவாக்கி பெரிய மதமாக்கிட்டீங்க. இன்னைக்கும் மூல முடுக்கெல்லாம் ஒளிஞ்சிருக்குறவனயெல்லாம் பிடுச்சு தண்ணி தெளிச்சு மாத்திர்றீங்க. உங்களுக்கில்லாத ஐடியாவா?".

இன்னும் நிறைய சொல்லிக் கொண்டே போகலாம். இருநூறு பதிவுகளையும் தாண்டி இன்னமும் சிறப்பாக எழுதிக் கொண்டிருக்கிறார். அவருடைய அத்தனை பதிவுகளையும் பற்றிச் சொல்வதென்றால் நேரம் பத்தாது. அதிலும் நான் அவரது சமீபத்திய பதிவுகளை விடுத்துப் பழைய பதிவுகளை அறிமுகப் படுத்தியுள்ளேன். தமிழில் படிக்கக் கிடைக்கும் வலைப்பூக்களில் சிறில் அலெக்சின் தேன்....பலபடித்தேன் என்பதால் அவரது பதிவுகள் பல படித்தேன். வாழ்க. வளர்க.

அன்புடன்,
கோ.இராகவன்

========================================
அன்பு நண்பருக்கு நன்றிகள்.

என்னடா இவன் அடுத்தவங்கள கேட்டு இப்படி பதிவாப் போடுறானேன்னு யோசிக்கிறீங்களா. உண்மையச் சொல்லப்போன என்னுடைய படைப்புக்கள் மீது எனக்கு நம்பிக்கை மிகக் குறைவு. யாராவது நல்லா இருக்குன்னு சொன்னாதான் நம்புவேன். நம் பதிவு ஏதாவது தாக்கத்த உருவாக்கியிருக்குதா, இல்ல மக்கள் தேனில் படித்த எதையாவது நினைவில் வைத்திருக்கிறார்களா என அறியும் முயற்சிதான் இது. கூடவே ஒரு விளம்பரமும். :))

தேன்200ல் தங்கள் மேலான கருத்துக்களை முன்வைத்த அன்பு நண்பர்களுக்கு நன்றி.

தேன்200:உஷா, நிர்மல்

நிர்மல்
வலைபதிவுகளும் தமிழ்மணம் திரட்டியும் அறிமுகமானது சிறிலின் வலைப்பதிவுகள் மூலம்தான். குகிளின் தமிழ் தொடர்பான வார்த்தை தேடுதலின் போது பாறைகள் , அலைகள் மற்றும் மணல்மேடுகளில் முடிந்தது. ஆராவரமற்ற இயல்பான நடை கொண்ட அந்த பதிவுகள் தொடர்ந்து அவற்றை படிக்க வைத்தன.

பின் சிறிலின் தேன் பக்கங்கள் பழக்கமாயின. நகைச்சுவை பூசிய கருத்துக்கள் கொண்ட எழுத்துக்களை அங்கே காண முடிந்தது .

முதலில் படித்தது கிடா எனும் சிறுகதையைதான். உரையாடல் வடிவில் நகரும் அந்த கதை விரிசல்கள் இல்லாமல் உடையும் உறவுகளை படம் பிடித்துக் காட்டும் . வட்டார மொழியில் சிறிலின் ஆளுமை யை அக்கதையினில் பார்க்கலாம். பின்னொரு பொழுதில் மரணம் என்ற தலைப்பிலான தேன்கூடு போட்டிக்கு அந்த கதையை அனுப்பாறு சிறிலிடம் கேட்டிருந்தேன் .
கடவுளைபற்றிய சிறிலின் சிந்தனைகள் அவரது பதிவுகளில் நகரும. அண்மையில எழுதிய அகர முதலெல்லாம் எனும் குறளை கதைகள் வாயிலாக அறிமுகப்படுத்தும் பதிவிலும் அதை பார்க்கலாம் . அந்தணி டி மெலாவின் எழுத்துகளில் அவருடைய ஈர்ப்பையும் அதன் ரீதியிலான தனது கருத்துகளையும் புனிதராவது எப்படி, கடவுள் 100 கி.மீ மற்றும் கடவுள் பற்றிய விசாரணைகள் போன்ற பதிவுகளின் வாயிலாக வெளிப்படுத்தியிருந்தார் .
சாதியின்மதம் தாண்டிய தாக்கங்கள, தலித் முன்னேற்றம் பற்றிய அவரது கருத்துகளை பதிவுகளில் பதிவு செய்துள்ளார். மதத்தை மதிப்பவராயினும் அதை விமர்சிக்க அவர் அஞ்சவில்லை. சுய பரிசோதனைக்கும், விமர்சனத்திற்கும் தான் சார்ந்த மதத்தை உட்படுத்தும் நேர்மையும் அவருக்கு உண்டு .

கட்டாய மத மாற்றம் பற்றிய அவரது கருத்துகளையும் பொதுவில் பதிவு செய்து விவாததுக்கு உட்படுத்தியிருக்கிறார். டாவின்சி கோட் பற்றிய சிறிலின் பதிவு அவரது மதம் பற்றிய விமர்சனங்களை நோக்கி அவரது கருத்துகளை வெளிப்படுத்தும் விதமாய் வந்துள்ளது .மரபுடைக்க நினைக்கும் குரல்களை நோக்கிய அவரது எதிர்வினையையும் மரபுடைத்தலின் சிதம்பர ரகசியத்தில் பதிந்திருக்கிறார்.

தனக்குதெரிந்த தனக்கு பிடித்த நல்ல தகவல்களை பகிர்ந்து கொள்ள சிறில் காட்டும் ஆர்வமுடையவர். ஆதிக்கு ஆஸ்கர் என்ற பெயரில் ஆஸ்கருக்கும் ,இந்திய படங்களுக்கும் உள்ள உறவை மிக அருமையாய் சித்தரித்துள்ளார். நான் அதிகம் ஆர்வம் காட்டாத குளிர்கால ஒலிம்பிக்ஸ் பற்றிய அவரது பதிவு அதை பற்றி மேலும் தெரிந்து கொள்ள உதவியது. பெட்டகம், யாகூவின் பீட்டா சேவை , டெலிஸியஸ் வலை தொகுப்பு போன்ற தொழில்நுட்ப விஷயங்கள் குறித்தும் தனக்கு தெரிந்ததை மற்றவருடன் பகிர்ந்துள்ளார்.

அவரதுபுகைபட ஆர்வத்தின் விளைவாய் வலைகளில் சிகாகோ தாவரவியல் பூங்காவையும் இலையுதிர் காலத்தையும் பார்க்க முடிந்தது .விடாமல் இன்னும் நிறைய முயற்சி செய்தால் சிறில் சிறந்த புகைப்பட கலைஞராய் வரலாம் . முயற்சி உடையார் இகழ்ச்சி அடையார்.
தன்னைசிறுகதை எழுத்தாளராய் சிறில் அடையாளம் காட்டிக் கொள்வதை சில பதிவுகளில் படித்திருக்கின்றேன்.. கற்கோவில்கள் , நிலவில் நாளை போன்ற கதைகள் எனக்கு அவர் எழுதியதில் விருப்பமானவை. போர்களின் உட்சத்தில் மனித இனத்தின் நிலைமையை விளக்குவதாய் நிலவில் நாம் அமைந்திருந்தது . கோவில்களின் இருப்பையும் அதன் சமூக பயன்பாட்டையும் குறித்த கேள்விகளை தாங்கி கற்கோவில்கள் இருந்தது.

ரவிந்தீரரின்கீதாஞ்சலியில் இருந்து தனக்கு பிடித்த வரிகளை பதிந்திருக்கும் சிறில் தான் எழுதிய கவிதைகளையும் பதிந்திருக்கிறார் . வெறுப்புணர்வின் உச்சம் குறித்த அவரது கவிதையின்

என் உடல் உழுது,
இரத்தமிறைத்து இவன் விதைத்துச்செல்லும் தோட்டாக்கள்
விருட்சமாகும்போது,
இப்போது இயலாமல் நான் விடும்
என் மூச்சுக் காற்று கவசமணிந்த இவன் நெஞ்சைத் துளைக்கும்,
அப்போது இவன் முனகல் கேட்காதபடி
என் புலன்கள் மரத்துப் போயிருக்கும்.

போன்றவரிகள் மிகவும் ஆழமாய் உணர்வுகளில் பரவுகின்றது. கடவுள் குறித்த அவரது இன்னும் இருக்கிறது ஆகாயம் என்ற கவிதை தமிழ் சங்கத்தின் பரிசு போட்டியில் முதலிடம் பெற்றது.. கண் கட்டி வித்தையாய் கடவுளை காட்டுவதை அதில் கண்டித்து இருப்பார் .

மரணதண்டனைகுறித்து பல பதிவுகள் வந்த போது அவற்றை தொகுத்து தனிப்பதிவாக சிறில் வெளியிட்டார்.பலவகை தரப்புகளின் பதிவுகளை ஒரு இடத்திலிருந்து படிக்க அவரது தொகுப்பு உதவியது . அப்பதிவுகளை விமர்சித்து அவரது கருத்துகளையும் வெளியிட்டு இருந்தார் இது எனக்கு தெரிந்து ஒரு புது முயற்சியாய் இருந்தது. மற்ற சமூக விஷயங்கள் குறித்த பதிவுகளை தொகுத்து வழங்கும் ஒரு சேவையை வலைத்தள திரட்டிகள் வழங்க இது ஒரு முன்மாதிரியாய் கூட இருக்கும்.

எழுத்துதுறையில் எதேனும் சாதிக்க வேண்டுமென்ற ஆர்வத்தின் வெளிப்பாடாய் கடவுள் பற்றிய விவாதம் புரிய அழைப்பொன்றையும் விடுத்திருந்தார். பின் பொழுதில் வாரம் ஒரு தலைப்பில் ஏதேனும எழுத கோரி பதிவர்களுக்கு அழைப்பு விடுத்து சில வாரம் நடத்தினார் . அவருடைய ஆர்வத்திற்கு தீனியாய் இப்போது தமிழோவியம் ஆசிரிய குழுவில் பணியாற்ற வாய்ப்பு கிடைத்துள்ளது.
தொடருங்கள் உங்கள் எழுத்துகளை. வாழ்த்துகள்!

இராமச்சந்திரன் உஷா

அன்புள்ள சிறில்,
விமர்சனம் என்றாலே கொஞ்சம் உதறல் எனக்கு. சன் டீவி விமர்சனம் பாணியில் கால்மேல் கால் போட்டுக் கொண்டு உட்காந்துக்கொண்டு அருமை என்றோ அறுவை என்றோ ஒற்றை வார்த்தை சொல்வது சுலபம். ஆனால் பழையவைகளை எடுத்துப்படிக்க எந்த அவசியமும் இல்லாமல், மனதில் பசைப்போடு உட்கார்ந்திருக்கும் சிலவற்றை சொல்வது சுலபம் என்ற தைரியத்தில் இதோ ஆரம்பித்துவிட்டேன். முட்டம் என்ற பெயரைப் பார்த்ததும், (கடல் என்றால் மோகம் அதிகம்) பாரதிராஜா ஈரோயினி போல் ஸ்லோ மோஷனில் வராமல் வேகமாய் ஓடோடி வந்து படிக்கத் தொடங்கியது, கத்தோலிக்க கிறிஸ்துவ சபைகளில் இருக்கும் சாதி வேற்றுமைகளை பற்றி போட்ட பதிவே உங்கள் எழுத்துக்களைக் கூர்ந்து கவனிக்க வைத்தது. சிவந்த மண் என்ற கிராமத்தின் பெயர், அந்த கடலோர சிற்றூரில் இருந்து பள்ளிக்கூடம் போனக் கதை, மண்டைக்காடு சம்பவம், மீனவர்களின் வாழ்க்கை முறை, டிகிரி படித்த பெண்கள்கூட கருவாடு காயப்போடும் பரிதாபம் என்று அனைத்தையும் ஒரு நாவல் ஆக்கிவிடலாம். ஆனால் அங்கேயே வாழ்ந்த சிறில் உங்களால் மட்டுமே சம்பவங்களுக்கு உயிர் கொடுத்து பாத்திரங்களாய் படைக்க முடியும். அப்படிப்பட்ட எழுத்துக்களே வெல்லும் என்பது நியதி. நாவல் எழுதப் போகிறேன் என்று சொன்னது நினைவிருக்கிறதா :-)

எல்லாரும் வலைப்பதிவின் மூலம் இவ்வளவு சம்பாதிச்சேன், அவ்வளவு சம்பாதிச்சேன் என்று வயிற்றெரிச்சலைக் கொட்டிக் கொள்ளும்பொழுது, நீங்களும் உங்க பங்குக்கு ஒரு கணக்கு காட்டியிருந்தீர்கள். இதைவிட நான் அதிகம் "சம்பாதித்திருக்கிறேன்" என்று மட்டும் தன்னடத்துடன்கூறிக்கொள்கிறேன். இப்படிப்பட்ட குசும்பு அவ்வப்பொழுது எட்டிப் பார்க்கட்டும், ஆங்... முதல் பரிசு வாங்கி தந்தோமே "சொர்க்கம் இலவசம்" மறக்கமுடியுமா அதை? எனக்குக்கூட சொர்க்கம் கிடைக்க சான்ஸ் இருக்க என்று சொன்னீங்களே, அதுக்கேஓட்டுப் போட்டேன். நல்ல எழுத்து நிற்கும், அதற்கு எந்த சார்பும் தேவையில்லை. சில சமயம் குறும்பும், நையாண்டியும், அதே சமயம் சிந்தனையை தூண்டும், பிறர் மனதை புண்படுத்தாத எழுத்துக்கு என் வாழ்த்துக்கள். இன்னும் எழுதுங்கள், முன்னூறு, எண்ணூறு என்று நானும் வாழ்த்துப்பாட வருகிறேன்.
வாழ்த்து வயதில்லை, வணங்குகிறேன் (மூத்த பதிவர் இல்லை)
இப்படிக்கு,
உஷா

தேன்200:ஜோ, தேவ், வெட்டிப்பயல்

பதிவுகளுக்குள் காலடி வைக்க உதவிய அருமை நண்பர். எங்க (பக்கத்து) ஊர்க்காரர். என்றைக்கும் ஊக்கம் தருபவர்.. கடற்புறத்தான் ஜோ ..

தேன் கூட திகட்டி விடும். ஆனால் சிறிலின் வலைத் தேன் திகட்டியதில்லை. தமிழ்மண முகப்பில் சிறில் அலெக்ஸ் என்று பார்த்தவுடன் தன்னையறியாமலேயே எலிக்குட்டி அதனை நோக்கி நகர வைத்தவர் நீங்கள். உங்கள் வலைத்தேனுண்ணும் வண்டாக இருப்பவர்களில் நானும் ஒருவன் என்பது மட்டுமல்ல, இந்த தேன் கூட்டுக்கு முதல் நாளிலிருந்து வரும் மூத்த வண்டுகளில் நானும் ஒருவன்.

அலைகள் பாறைகள் மணல்மேடுகள் என்ற வலைப்பக்கம் ஜெயமோகனையே இழுத்து வந்தது. அதன் பின் கதை, கவிதை, புனைவு, கட்டுரை, நகைச்சுவை என்று உங்கள் தளங்கள் விரிந்தது. இயல்பாகவே சிறிலுக்கு அமைந்த எழுத்துக் காய் பழமாக கனிந்தது. தனிப்பட்ட முறையில் நானும் உங்கள் போல அலைகள் பாறைகள் மணல்மேடுகளுக்கு நடுவில் வளர்ந்தவன் என்பதால் எனக்கும் சேர்த்துத் தான் நீங்கள் எழுதியது போல உணர முடிந்தது.

பல்வேறு போட்டிகளில் வென்று வந்து நாஞ்சில் நாட்டின் பெருமை காத்தீர். புதிது புதிதாக நீங்கள் தளங்களில் நுழைந்து முத்திரை பதிக்கும் போது 'அட! சிறில் இப்படியும் எழுதுவாரா?" என்று ஆச்சரியமும் மகிழ்ச்சியும் பெருகியது.

சில தளங்களில் உங்களோடு கருத்து மோதியதுண்டு. தமிழ் மேல் நான் கொண்ட அதீதப்பற்றால் அது நிகழ்ந்தது என்பதை நீங்கள் புரிந்து கொண்டு பகிர்வை தொடர்ந்தது உங்கள் முதிர்ச்சியைக் காட்டியது.

"யாதும் ஊரே யாவரும் கேளிர்" என்பதை நான் மறந்தவனில்லை என்றாலும் ,நம்மூர் காரர் பெருமையடையும் போது மகிழ்வதை மறைக்கத் தெரியவில்லை.

200 பதிவுகளுக்கு இதயம் கனிந்த வாழ்த்துக்கள்!

அன்பன், ஜோ

====================================

இணைய பார்ட்னர் தேவ்

தேன் பதிவு பற்றி சுருக்கமாய் சொல்லுவது என்றால்...
சிறிலின் மன ஓட்டங்களைப் பதிவு செய்யுமிடம் அது.. சில நேரங்களில் மனம் வருடும் காற்றாய் அமைந்திருக்கும் அவரது சில பதிவுகள்.. சில நேரங்களில் பெருங்காற்றாய் வீசும் அவர் கருத்துக்கள்.. இன்னும் சில நேரங்களில் புயலாய் கூட வீசும் விவாதங்களைக் கிளப்பும் அவர் பதிவுகள்...
எனக்குப் பிடித்தமானவை சிறிலின் நகைச்சுவைப் பதிவுகளே..

தேன் மழை இன்னும் பொழியட்டும்.. நனையக் காத்திருக்கிறோம்.. பார்ட்னர் 200க்கு என் வாழ்த்துக்கள்

====================================

வெட்டிப்பயல் பாலாஜி

பொதுவாக ஒரு புது பதிவை திரட்டியில் பார்க்கும் பொழுது அதில் என்னஎழுதியிருக்கும் என்று மனதில் ஒரு எண்ணம் எட்டி பார்க்கும். அது பொதுவாகஒரே மாதிரி பதிவாக கொடுக்கும் வலைப்பூவாக இருக்கும் பட்சத்தில் அந்தவலைப்பூ தொடர்ந்து படிக்க முடியாமல் போய்விடுகிறது. அல்லது ஒத்திபோடப்படுகிறது.

'தேன்'என்னை கவர்ந்து இழுப்பதற்கு ஒரு முக்கிய காரணம் அதுதான். உள்ளேவரும் பொழுது எந்த வகையான பதிவு என்று ஒரு எண்ணத்துடன் உள்ளே வரமுடியாது. ஆனால் எந்த வகையிலும் நம்மை ஏமாற்றாத பதிவாக இருக்கும். என்னைபெரும்பாலும் கவருவது நகைச்சுவை பதிவுகளும், கதைகளுமே.அந்த வகையில் தேன் இது வரை என்னை ஏமாற்றவில்லை.பொதுவாக அதிக சர்ச்சையில்லாத பதிவுகளை தருவதும் 'தேனின்' சிறப்பு.

எதிர்பார்ப்பு:எளிதாக ஆங்கிலம் பேச சொல்லி தர உதவிய இந்த பதிவு தொடராமல் போனது ஒரு வருத்தம்.பைபிள் கதைகளும் அதிக இடைவெளி இல்லாமல் கொடுத்தால் நலம்.மேலும் தங்களிடமிருந்து பல நல்ல பதிவுகளை எதிர்பார்க்கிறோம்!!!

தேன்200: பாஸ்டன் பாலா

பாஸ்டன் பாலா நல்ல நண்பர். வித்தியாசமான பதிவர். நல்ல இன்ஸ்பிரேஷன். அப்பப்ப புரியாத புதிர். அவர் எனக்கு சோதனையா கேட்டிருக்கும் சில கேள்விகள் கீழே.

பாபா கேட்ட கேள்வி
1. தமிழகத்தில் அடுத்த தேர்தலில் (நாடாளுமன்றம் அல்லது சட்டசபை)விஜய்காந்த்தின் தேமுதிக + பா.ஜ.க. பெரும்பான்மை பிடிக்கும். அதிமுகஏற்கனவே பயப்படுகிறது. வைகோ தேசிய அளவில் ஆளுங்கட்சி எதுவோ, அதன் பின்வளைந்து கொடுப்பார். பா.ம.க.வும் பாலாறு, பாபா என்று முறுக்கிக் கொண்டுசமயம் பார்த்து வெளிநடப்பு நாடகத்தில் கலந்து கொள்ளும். விஜயகாந்த்முதலமைச்சர்: கனவா? நனவா? நடக்கப் போவதா? ஏன்?

கேட்க வந்த கேள்வி: தமிழ்நாடு பாலிட்டிக்ஸ் தெரியுமா?

கேட்டதுக்கு பதில்: வி. காந்த் புதியவர் என்பதால் வந்ததும் பெரிய எதிர்பார்ப்பு இருந்தது (எனக்கு) அவரும் இப்ப மத்த அரசியல்வாதிகள் மாதிரி நடந்துக்கிறது வருத்தத்தை அளிக்கிறது. இருந்தாலும் அவருக்கு ஒரு வாய்ப்பு வரலாம் என்பதில் சந்தேகமில்லை.

கேட்க வந்ததுக்கு பதில்: 'அரசியல் பேசாதீர்'

பதில் கேள்வி: தேர்தல் 2060 கதைகள் நியாபகம் இருக்குதா?

================================================

பாபா கேட்ட கேள்வி
2. இந்தியாவின் அனைத்து ஜனாதிபதிகளிலும், அப்துல் கலாம் மட்டுமே பதவியைசரிவர பயன்படுத்தவில்லை என்னும் குற்றச்சாட்டு சரியா? ஏதோ கொஞ்சமாய்மிரட்டிய ஜெயில் சிங், தன் உடம்பை பேணிக் கொண்ட சங்கர் தயாள் சர்மாபோன்றவர்கள் போல் இல்லாமல் குழந்தைகளை உற்சாகப்படுத்துவது மட்டுமே 'முதல்குடிமகனின்' முழு நேர வேலையா?

கேட்கவந்த கேள்வி: பால் தாக்கரே நல்லவரா கெட்டவரா?

கேட்டதுக்கு பதில்: ஒரு வித்தியாசத்துக்கு ஜனாதிபதி இன்ஸ்பையரிங்கா இருக்கிறது நல்லதுதானே. சேனைகளை உற்சாகப் படுத்துவதத விட குழந்தைகளை உற்சாகப்படுத்துவது சிறப்பான சேவை என்றே நினைக்கிறேன்.

கேட்கவந்ததுக்கு பதில்: 'தெரியலியே'

பதில் கேள்வி: பால் தாக்ரே புளித்தால் என்ன ஆவார்?
==========================================

பாபா கேட்ட கேள்வி
3. க்ளிண்டனுக்குப் பிறகு பொருளாதாரம் வீழ்ச்சியான நேரத்தில் அரியணைஏறியவர் ஜார்ஜ் புஷ். பணவீக்கத்தை ஏற்றாமல், வேலையில்லாத்திண்டாட்டத்தைக் குறைத்து, திடீர் எதிரிகளை அவர்களின் கோட்டைக்கே சென்றுஎதிர் கொண்டிருக்கிறார். ஜனாதிபதி புஷ் வல்லவரா? முட்டாளா? கால் போனபோக்கில் அலைந்து நாட்டை செலுத்துபவரா?

கேட்கவந்த கேள்வி: அமெரிக்காவில் தொடர்ந்து இருக்கலாமா?

கேட்டதுக்கு பதில்: புஷ் முட்டாளாயிருப்பதில் வல்லவர்.

கேட்கவந்ததுக்கு பதில்: தாவீது ஆண்டாலும் கோலியாத் ஆண்டாலுமமென்அக்கொரு கவல இல்ல.

பதில் கேள்வி: பாஸ்டனில் குளிர் எப்படி? (புஷ் பத்தி கேள்விகேட்குமளவுக்கு ஒண்ணுமில்லாததால்)
==========================================

பாபா கேட்ட கேள்வி
4. இராக்கின் உள்நாட்டுக் குழப்பத்திற்கு இரு குழுக்களைக் காரணமாகசொல்கிறார்கள். பாதர் ப்ரிகேட்ஸ் மற்றும் மெஹ்தி படை. இரண்டுக்குமே இரான்போதிய அளவு பணம், படைக்கலம் தந்து உற்சாகப்படுத்தும் நிலையில், இராக்கைவிட்டு இந்த நொடியே அமெரிக்கா வெளிவருவது உத்தமமா? இரானையும் போட்டுத்தாக்குவது உசிதமா? இராக்கில் மட்டும் தற்போதைய துரத்தல் படலம் தொடரவேண்டுமா?

கேட்க வந்த கேள்வி: உலக அரசியல் தெரியுமா?

கேட்டதுக்கு பதில்: இராக்கின் இன்றைய நிலமைக்கு காரணம் அமெரிக்கா. அமெரிக்காவை மற்ற உலக நாடுகள் போருக்கு தார்மீகப் பொறுப்பேற்று வெளியேற்றவேண்டும். பின்னர் இராக்கை அமெரிக்க கூட்டு நாடுகள் தவிர்த்த உலக நாடுகள் சேர்ந்து ஸ்திரப் படுத்த வேண்டும்.

கேட்க வந்ததுக்கு பதில்: ஏதோ டீ கட பெஞ்ச்காரர்களுக்குத் தெரிந்த அளவுக்கு தெரியும்.

பதில் கேள்வி: மத்திய கிழக்கு நாட்டுக்கு வேலைக்குப் போவீங்களா?
==============================================

பாபா கேட்ட கேள்வி
5. நாளைக்கு சூப்பர் பௌல். உங்க அணி ஜெயிக்குமா? என்ன ஸ்கோர் இருக்கும்?

கேட்க வந்தது: விளையாட்டு பிடிக்குமா?

கேட்டதுக்கு பதில்: கரடிங்க வென்றா நமக்கு சந்தோஷந்தான் ஆனா எதிரணியில இந்தியர்களாமே.

கேட்க வந்ததுக்கு பதில் + பதில் கேள்வி: சூப்பர் பௌல்னா பெரிய பாத்திரம்னு அர்த்தமா?

கொசுறு: தாங்கள் ஏன் தற்கால நடப்புகளை அலசும் பதிவுகளில் பின்னூட்டம்மட்டும் கலக்கலாகக் கொடுத்து ஒதுங்கிவிட்டு, பதிவுகளாக எண்ணங்களைசேர்த்து வைப்பதில்லை?

பதிவுகள் எண்ணங்களை சேர்த்துவைக்க மட்டும் என்றால் பரவாயில்லை அதை வெளிப்படுத்தவும் செய்கின்றனவே.
:)

தேன்200:சுப்பையா, சிவபாலன், கோவி கண்ணன்

சுப்பையா சார்

முட்டத்தின் அழகு பற்றியும், நீங்கள் பள்ளிக்குச் சென்றுவந்தது பற்றியும் எழுதிய அருமையான, ஆரம்ப காலப் பதிவுகளால் ஈர்க்கப்பெற்றுத்தான் உங்களுடைய'தேனை'ச சுவைக்க ஆரம்பித்தேன். நன்றாக எழுதுகிறீர்கள்.தொடர்ந்துஎழுதுங்கள். 200 பதிவுகள் என்பது சாதாரண விஷயமல்ல! தொடர்ந்துஎழுதுங்கள்.வாழ்த்துக்கள்.ஜா.சுதா போன்ற பதிவுகளை மட்டும் தவிர்த்து விடுங்கள். இது என அன்பானவேண்டுகோள்.

தேனனா சிறிலின் தேன் பதிவுகள்!! - சிவபாலன்

சிறந்தவை! என் நான் கருதுபவை ( எல்லா தேனும் நல்ல சுவையே!! இருப்பினும் அவற்றில் சில)
1. இயேசு சொன்ன கதைகள்
2. நட்சத்திர பதிவுகள்!
3. சொர்க்கம் இலவசம் - முதல் பரிசு பெற்ற கதை
4. கற்கோவில்கள் - திண்ணையில் வெளிவந்த படைப்பு!
5. அன்னியர்கள் - தமிழோவியத்தில் வெளிவந்த படைப்பு!
6. சிக்காகோ தாவரவியல் பூங்கா
7. சிக்காகோவில் அந்துமதியும் லென்ஸ்மாமியும் - தமிழோவியத்தில் சிறப்பாசிரியராய் எழுதியது
8. தமிழோவியத்தில் சிறப்பாசிரியராய் எழுதிய கட்டுரைகள்
9. கடவுள் நம்பிக்கை
10. தமிழ் கிறித்தவர்களும் ஜாதி அமைப்பும்
11. ஓட்டுப்பெட்டி ஜனநாயகம்
12. ஒரு வழிப்போக்கனும் நம் நம்பிக்கைகளும்
13. புனிதராவது எப்படி
14. ஒரு ஊர்ல ஒரு இளையராஜா

அளவுக்கு மிஞ்சி நீலம் ஆன பதிவு( இந்த ஒரு பதிவு மட்டும் கொஞ்சம் என்னை வருந்த செய்த்தது.. நண்பர் சிறில் பிடிக்காதவற்றையும் சொல்லுங்கள் எனக் கேட்டுக் கொண்டதால்)
1. சிதம்பரத்தில் சிறில் அலெக்ஸ்


ஒரு தேன் ஈயின் (கோவி.கண்ணன்) ரீங்காரம் :

எடுத்தேன் கவிழ்த்தேன் என்று பரபரப்பு புகழ்பதிவுகளால் புகழடைந்தவர்களும், இகழடைந்தவர்களும் உண்டு. இதுக்கெல்லாம் உதாரணம் நான் சொல்லித் தெரியவேண்டியதில்லை. :)

நடுநிலமை என்ற பெயரில் ஜல்லி அடிக்கும் பதிவுகள் அதாவது அவர்களுடைய கொள்கையை விட்டுகொடுக்காத கொள்கையிலிருந்து நடுநிலமை(?) தவறாது இருக்கும் பதிவர்கள் 90%. மீதம் 10% பதிவர்கள் உண்மையான நடுநிலையாளர்கள். அல்லிக் குளத்தில் பூத்த தாமரைப் பூப்போல தனித் திறமையல் கவனம் ஈர்பவர்கள். அந்த வகையில் நானும் 'ஈ' யாக சென்று அடிக்கடி ரசித்து பார்த்து பருகும் பதிவு, நம் சிறில் அலெக்ஸ்சின் தேன். தேனில் ஊறிய பழாச்சுழைகள் போல ஒரு வருடகாலத்தில் 200 பதிவுகள் - உவமை கொஞ்சம் அதிகமோ ? :) கண்டுக்காதிங்க.

அரசியல், சிறுகதை, ஆன்மிகம், இலக்கியம், கவிதை, நகைச்சுவை எல்லாவற்றையும் தொட்டு என்று சொல்ல முடியாது எல்லாவற்றை தனித்தனியாக தேன் ஊற்றிப் பிசைப்பவர் நம் சிறில் அலெக்ஸ். 'நம்' என்று சொல்வதில் எவருக்கும் ஆட்சேபம் இருக்கமுடியாது. இவருக்கும் முத்திரை கொடுக்கப் பார்த்தவர்களும் கூட தங்கள் மீதான முத்திரை கொடுக்கும் பழக்கத்தை மாற்றிக் கொண்டு இருப்பார்கள் என்று நினைக்கிறேன். தன் வீட்டை சுத்தமாக வைத்திருந்து பக்கத்து விட்டுக்காரானின் வீட்டைப் பற்றி பேசு என்பது போல் கத்தோலிக்க கிறித்துவ மதத்தின் ஜாதி பாகுபாடுகளை முன்பு கண்டித்து இருந்தார்.

நான் விரும்பி பருகும் பதிவுகளில் தேன் மற்றொரு சிறந்த மாறுப்பட்ட பதிவு. நடுநிலைப் பதிவு.

நன்றி நண்பர்களே.

தேன்200:துளசி அக்கா

துளசி தளம் துளசி அக்காவின் ஆசியுரை(மடல்)

தேனின் மருத்துவ குணங்கள் சொல்லி மாளாது. தீப்புண்ணுக்குக்கூடத் தேன் தடவினால் (அதுவும் மயிலிறகில் தொட்டு) சுகமா இருக்குமாம்!

ஆமா, ருசியை நினைச்சுப் பார்த்தாலே இனிக்கும் தேனைப் படிச்சுப் பார்த்தா எப்படி இருக்கும்?

நம்ம சிறில் அலெக்ஸ் எழுதுறதைப் படிச்சுப் பார்க்கற மாதிரித் தா( தே)ன் இருக்கும்!
முட்டம் பத்தி சிறில் எழுத ஆரம்பிச்சதுலே இருந்து அவரோட பரம ரசிகை ஆயிட்டேன். மீனவ நண்பர்களைப் பத்துன ஒவ்வொரு விவரமும் ஆச்சரியத்துடன் தெரிஞ்சுக்க முடிஞ்சது. அள்ளித்தெளிச்ச இயல்பான நகைச்சுவை.

//கருவாட்டுக்கு இடம் விட்டுவிட்டு ரோடு போட்டிருக்கலாமோ? //

//'மாப்பிளைக்கு முகத்துவேலை ஆரம்பிக்க இருப்பதால்... அழைக்கப்பட்ட நண்பர்களும் உற்றார் உறவினர்களும் உடனடியாக மணமகன் வீட்டிற்கு வந்து சேருமாறு கேட்டுக்கொள்ளப்படுகிறார்கள்'//

//ஏட்டுச் சுறாமீன் புட்டுக்குதவாது என்பது இவர்களின் வாதம்.//

//அந்த சக்கரத்தை காண்டுபிடித்தவனை மட்டும் அப்புறமா கவனிச்சுக்க வேண்டியதுதான்.//

கடற்கரையிலேயே (விளையாட்டு) மைதானங்கள், திரைப்படம் பார்க்கத் தியேட்டர்(??)ன்னுஜாலியாத்தான் இருக்கு.

இதுக்கப்புறம் அவர் 'அலைகள். பாறைகள், மணல்மேடுகள்'ன்னு மணற்புறத்தைவிட்டுப் போயிட்டாலும் எனக்கு இன்னும் மனசுலெ நிக்கறதென்னவோ 'முட்டம்'தான்.

வளர்ந்தாத்தானே அது வளர்ச்சி. அவரும் அப்படியே ரொம்ப மேலே போயிட்டார்.தேன்கூடு & தமிழோவியம் போட்டிகளில் பரிசுகள், அப்புறம் தமிழ்ச்சங்கக் கவிதைப்போட்டியில் பரிசுன்னு மனுஷர் எல்லாத்தையும் தானே வாங்கித் தள்ளிக்கிட்டு இருக்கார். போதாக்குறைக்குப் பொன்னம்மான்னு இப்ப தமிழோவியம் ஆசிரியர் குழு அங்கம் வேற!

ஆனா..ச்சும்மா சொல்லக்கூடாது..மனுஷர் கதை அதுவும் உள்ட்டா செய்யும் கதைகளில் பிச்சு வாங்கறார்:-)))'குழந்தைசாமியாவது வெளியிடுவாரா? ' படிச்சீங்கதானே? :-)
இந்த இருநூத்தம்பது வயசுலே எட்டுப் பதிவுகளை வச்சுக்கிட்டு( ஒரு பதிவுக்கு முப்பது வயசுன்னா கணக்குசரியாவருது இல்லே? ) மேய்ய்சுக்கிட்டு இருக்காருன்னா பாருங்களேன்.
தேனில் (அட, தின்ற தேனில்) எந்தப் பக்கம் ருசி அதிகம்? எல்லாமேதான். இதென்ன கரும்பா,ஒவ்வோர் இடத்துலே ஒவ்வொரு ருசின்றதுக்கு?

தேனில் 200வது பதிவாம்! 'எண்ணி'க்கூடப் பார்க்கலையே! அவ்வளவும் தேனய்யா. தேன்.
இன்னும் மேன்மேலும் வளர, வாழ்கன்னு வாழ்த்தி, நம்ம 'ட்ரேடு மார்க்' ஆசியையும் சொல்லிக்கறேன்.

நல்லா இருங்க சிறில்.


============================

மிக்க நன்றி. நானும் முட்டத்தப்பத்தி எழுதினதுபோல இன்னும் எதையும் எழுதலைன்னு நினைக்கிறேன். நினைவுகள அசைபோடுறது ஆத்மார்த்தமான அனுபவம்.

நன்றி! நன்றி! நன்றி!.

உங்கள் விமர்சனங்களை அனுப்ப cvalex at yahoo . com
முந்தைய தேன்200.

தேன்200:உடன்பிறப்பே...

கடிதம்

உடன்பிறப்பே,
இது எனது 200வது பதிவு. இப்போதுதான் 100போட்டு ஆடிக்கொண்டிருந்தேன் அதற்குள் 200 எகிறிவிட்டதை நினைக்க நினைக்க இருநூறு திருக்குறள்களை மனப்பாடம் செய்துவிட்ட பெருமை தோன்றுகிறது.

வலைப்பதிவராய் வெற்றிபெற்றிருக்கும் சிலரில் இந்த சிறிலும் ஒருவன் என்பதில் பெருமை கொள்கிறேன்.

நீ இன்றி இது சாத்தியமா? எண்ணிப்பார். உனது (பின்)ஊட்டங்களை அள்ளித் தந்து என்னை மேலும் மேலும் எழுதச் செய்து உன்னையே நீ சோதனைக்குள்ளாக்கிகொள்ளும் அந்த துயரத்தை எண்ணிப்பார். இரவுபகலாய் விழித்திருந்து (பகலில் விழித்திருப்பது எனக்கு கஷ்டம்) நான் எழுதிய இந்தப் பதிவுகளை அன்றே நீ படிக்காதிருந்தால் இன்று 200 போட்டிருப்பேனா எண்ணிப்பார்.

தமிழா விழித்தெழு. கீபோர்ட்மேல் நீ தூங்கி விழுந்து www.xxxxxxxxxxxxxxxxx என கணினியில் தெரியுது பார். 'தவறான' தளத்துக்குச் செல்வதற்குமுன் விழித்தெழு.

உடன்பிறப்பே. என் பதிவுகளை படித்ததோடல்லாமல் சில நேரங்களில் நான் போட்டியில் வென்று ஈ புத்தகப் பரிசுகளை வாங்கவும் உதவினாய். உண்மையில் அவை 'ஈ' புத்தகங்களே. படிக்க நேரம் ஒதுக்காமல் ஈ ஆடிக்கொண்டிருக்கின்றன. இருப்பினும் தேனைப் படித்த நீ ஒரு தேனீ.

சில நேரங்களில் நான் தவறிழைத்தபோது எனை தட்டிக்கேட்டாயே உன் நேர்மையை பாராட்டுகிறேன். இடித்துரைப்பதே நட்பு. இடியாய் உரைப்பது இணைய நட்பு என்பதை செவ்வனே உணர்த்தினாய்.

காமெடி செய்தால் :) எனவும் கவலையைச் சொன்னால் :( எனவும் உன் முகபாவங்களைக் காட்டி மகிழ்வித்தாயே மறக்க முடியுமா? சிறிய புன்னகை செய்துவிட்டு LOL எனப் புழுகினாயே (புகழ்ந்தாயே) மறக்க முடியுமா? பதிவுக்கு வந்த பின்னூட்டங்களுக்கே பின்னூட்டமிட்டாயே மறக்கமுடியுமா? என் பதிவுகளுக்கு இணைப்பைத் தந்தாயே மறக்கமுடியுமா? அல்ஸ்தைமர் வந்தபோதும் இந்த அன்பை மறவேன் மறவேன் எனச் சொல்லிக் கொள்கிறேன்.

இனிவரும் காலம் இனியகாலமாய் அமையட்டும். தொடர்ந்து தேனைப் பருகிவந்தால் உடல் நலம் கூடும் என்பது உனக்குத் தெரியாதா? (கூடவே லெமன் ஜூஸ் சேத்துகிட்டா இன்னும் நல்லது)

நான் 300 பதிவைத் தாண்டும்போதாவது நீ பதிவுகளைப் படிப்பதை நிறுத்தியிருப்பாய் என நம்புகிறேன். பதிவுகளைப் படித்து யாரும் திருந்துவதில்லை என்பதையும் நானே பதித்திருக்கிறேனே என எண்ணி வருந்துகிறேன்.

என்னை வாழ்த்திய நீ வாழ்க.
உன் குலம் வாழ்க.
உன் பதிவுகளில் பின்னூட்டம் செழிக்கட்டும்
உன் ஹிட் கவுண்டர் எகிறட்டும்
இணையம் இனியம் ஆகட்டும்
என்னை திட்டினாலும்
பின்னூட்ட எண்ணிக்கையை
உயர்த்தினாயே,
உடன்பிறப்பே!
'வரப்புயர' என்றாளே என் பாட்டி
நான் சொல்கிறேன்
மவுஸ் உயர
கீ போர்ட் உயர
மானிட்டர் உயர
என உயர உயர நீ நீடூழி வாழ்க.

(டிஸ்கி: யார் மனதும் புண்பட்டிருந்தால் மருத்துவரைப் பார்க்கவும்)

சீரியசா...
பதிவுலகில் என்னை அங்கீகரித்த அத்தனை உள்ளங்களுக்கும் நன்றி. வரும் பதிவுகளில் இந்த இருநூறு தந்த அனுபவங்களைப் பற்றி, நண்பர்களைப் பர்றி பகிர இருக்கிறேன். அவர்களும் தேனைப் பற்றி எழுத இருக்கிறார்கள். உங்கள் விமர்சனங்களை அனுப்பவேண்டிய மின்னஞ்சல் முகவரி cvalex at yahoo dot com

சிறப்பு நன்றி












நன்றி! நன்றி! நன்றி!