தேன்

nach

2007-12-20T09:10:00.001-06:00

nach
Originally uploaded by cvalex

Test

இனிமேல் இங்கே எழுதப்போவதில்லை.

2007-09-17T14:46:00.000-06:00

பதிவர்கள் விலகுவதும் விலகியவர்கள் உள்ளே வருவதும் சகஜமாயிருக்கும் இந்த நாட்களில் நானும் ஒரு அறிவிப்போடு இங்க எழுதுறத நிறுத்தப் போறேன். இதுக்கு மேல பில்ட் அப் குடுக்க விரும்பல தனிக்குடித்தனமா போயி cyrilalex.com தளத்துல எழுதலாம்னு இருக்கேன். உங்க ஆசியோட!
எல்லாரும் புதுவீடு புகுவிழாவுக்கு வந்திடுங்க.

என்னுடைய பதிவுகள் சிலவற்றை ஒன்றாக ஒரே தளத்தில் காணும் வசதியை விரைவில் ஏற்படுத்தவிருக்கிறேன்.

பதிவுகளுக்கான புதிய செய்தியோடை : http://cyrilalex.com/?feed=rss2
பின்னூட்டங்களுக்கான புதிய செய்தொயோடை : http://cyrilalex.com/?feed=comments-rss2

அடுத்த பதிவு எப்ப போடுவேன்னு தெரியாது. ஆணியப் புடுங்க சொன்னா பரவாயில்ல இங்க ஆபீஸ்ல சுத்தியலையே புடுங்க சொல்றாங்கப்பா.

தள வடிவமைப்பு சிந்தாநதியும், ரவுசங்கரும் சற்றுமுன்னுக்கு செய்ததிலிருந்து சிறிய முன்னேற்றங்களுடன் நான் ஆக்கியது. தேன், அலைகள் பாறைகள் மணல்மேடுகளுக்கான லோகோ நானே செய்தது. இதுக்கெல்லாம் வீட்ல ஸ்பெஷல் பெர்மிஷன் வாங்கிட்டேன்.

மறக்காம உங்க கருத்துக்கள சொல்லுங்க.

தமிழில் வார்த்தைகள் எத்தனை லட்சம்?

2007-09-05T20:56:00.000-06:00

என் மகனுக்கு தமிழ் சொல்லித் தரலாம் என ஒரு புத்தகம் இந்தியாவிலிருந்து வாங்கி வந்தேன். அதுல என்னண்ணா...படம் பார்த்து புரிந்து கொள்ளுங்கள்.

ட - டயர்
வ - வல்கனைசிங்

ஐ - ஐஸ்கிரீம்
ப - பலூடா

ஏ - ஏரோபிளேன்
ஓ - ஓம்னி பஸ்

கலர் கிளி
கறுப்பு வெள்ளை காகம்

வான்கோழி பிரியாணி சாப்பிட்டதில்லையா இவரு?

'சற்றுமுன்' புதுப் பொலிவுடன்

2007-09-04T19:49:00.000-06:00

சற்றுமுன் செய்தித் தளம் புதுப் பொலிவுடன் satrumun.com எனும் தனி வலைப்பதிவுத் தளமாக இன்றுமுதல் இயங்குகிறது. புதிய தளத்தில் உங்களுக்கென பயனர் கணக்கை துவங்கிய பின்னர் பின்னூட்டமிடும் வசதிகள் உள்ளன.

தமிழ்மணம் புதிய தளத்தை திரட்டுவதில் தாமதம் இருப்பதால் தமிழ்மணப் பயனர்கள் நேரடியாக satrumun.com சென்று செய்திகளைப் பெறலாம்.

'ஜன கன மன' வாத்திய இசை

2007-08-20T08:06:00.001-06:00

சர்வேசனின் ஜன கன மன நேயர் விருப்பத்திற்கு என்னுடைய Casioவில் வாசித்து பதித்த வாத்திய இசை.

Get this widget

Track details

Rush Hour 3 - No rush

2007-08-11T11:16:00.000-06:00

அமெரிக்கத் திரையரங்கில் சிவாஜிக்கு அடுத்தபடியாக வரிசையில் நின்று பார்த்தபடம் ரஷ் ஹவ்ர் 3. படத்தில் கதை எனப் பெரிதாய் ஒன்றுமில்லை. எதிர்பாராத திருப்பங்களுமில்லை. வழக்கமாக ஜாக்கிசான் படங்களுக்கு் ரூம் போட்டு கதை எழுதும் பழக்கமில்லை எனத் தெரியுமென்பதால் இதில் பிரச்சனையில்லை. ஆனா் படத்தில் பழைய ஜாக்கிசான் இல்லவே இல்லை. பழசான ஜாக்கிதான் இருக்கிறார்.

சண்டைக்காட்சிகள் மிகவும் சாதாரணமானதாயுள்ளன. அவ்வப்போது வெடிக்கிறது க்ரிஸ்டக்கரின் காமெடி. சிவாஜிக்கும் ரஷ் அவர் 3க்கும் சிவாஜிக்கும் அப்படி ஒரு ஒற்றுமை(வரிசையில் நிற்பதை் தவிர்த்து).

வயதான ஹீரோக்கள். பழக்கப்பட்ட கதை. காமெடியனின் அதீத ஆதிக்கம். ஹீரோவே காமெடியனாவது. அங்கவை சங்கவைபோல இனம்சார்ந்த கிண்டல்கள். இன்னும் பல.

இனம்சார்ந்த கிண்டல்களுக்கு அமெரிகாவில் எதிர்வினைகள் அதிகம் இருப்பதில்லை. இங்கே ஈர்க்குச்சி விளக்குமாறு இல்லாததால்கூட இருக்கலாம்.

படம் காமெடி கலாட்டா. ஏனோ, ஜாக்கியின் பழைய படங்களை பார்க்கவேண்டும் என்கிற ஏக்கத்தை தவிற வேறெதுவும் தாக்கமில்லை.

பழைய ஜாக்கி சான் படத்தொகுப்பு

'சற்றுமுன்...'் மின்னஞ்சல் சேவை

2007-08-08T15:54:00.000-06:00

சற்றுமுன் செய்தித் தளம் ஒரு மின்னஞ்சல் சேவையை செய்துவருகிறது. உங்கள் மின்னஞ்சல் முகவரியைத் தந்தால் சற்றுமுன் செய்திகள் தினம் காலை (இந்திய நேரம்) உங்கள் மின்னஞ்சல் முகவரிக்கு வந்து சேரும்.

சற்றுமுன் தளத்தின் இடதுபக்கப் பட்டையில் இதற்கான குறும்பெட்டி ஒன்றுள்ளது. இதில் உங்கள் மின்னஞ்சல் முகவரியைத் தந்து சேவையைப் பெறுங்கள். உங்கள் நண்பர்களுக்கும் வீட்டில் உள்ளவர்களுக்கும் அறிமுகப் படுத்துங்கள்.

ஏற்கனவே 70 பேர் இதில் கலந்து பயன்பெறுகிறார்கள். தேன் பதிவின் இடப்பக்கத்திலும் இதற்கான குறும்பெட்டியைக் காணலாம்.

தமிழ் செய்திகளை மின்னஞ்சல் மூலம் வழங்கும் ஒரே சேவை சற்றுமுன்னாகத்தான் இருக்கும் என நினைக்கிறேன். (இல்ல இது ரெம்ப டூ மச்சா?:)))

பட்டறையில் பங்குகொள்ளாததன் சோகங்கள்

2007-08-07T09:36:00.000-06:00

தமிழ் பதிவர் பட்டறை எந்த அளவு வெற்றி பெற்றுள்ளது என்பதை அதை குறித்த பதிவுகள் செய்திகள் மூலம் தெரிந்துகொள்ள இயல்கிறது. நண்பர்கள் அனைவருக்கும் வாழ்த்துக்கள். என்னால் பங்களிக்க இயலவில்லையே எனும் ஏக்கம் இப்போதைக்குப் போகாது. தமிழ் இலக்கிய வட்டம் போல பதிவர் வட்டம் என ஒன்று தெளிவாக உருவாகியுள்ளதன் வெளி அடையாளமாக இந்தப் பட்டறையை எடுத்துக்கொள்ளலாம்.

இந்த வட்டத்தில் நானும் இருக்கிறேன் என்பதில் பெரும் மகிழ்ச்சி. பட்டறையில் கலந்துகொண்டவர்கள் துவங்கியிருக்கும் பதிவுகளைப் பார்க்கையில் இன்னும் இந்த வட்டம் விரிந்து இணையத் தமிழ் சிறப்படையச் செய்யும் என்பது தெளிவாகிறது.

வேலைப் பழு அதிகமாயிருப்பதால் பதிவுலகில் கவனமில்லை. மொத்தம் 3 ப்ராஜக்ட்களில் வேலைசெய்துகொண்டிருக்கிறேன்... கூடவே ஆஃப்ஷோர் வேறு. (எவனோ கண்ணு போட்டுட்டான்).

மீதமிருக்கும் பதிவுலக வேலைகள்
1. சற்றுமுன் போட்டி முடிவுகளை அறிவிப்பது
2. சற்றுமுன்னை விரிவு செய்து புதுப்பிப்பது
3. புதிய குழுப் பதிவு ஒன்றை ஆரம்பிப்பது (சர்ப்ரைஸ்)
4. சிகாகோவில் பட்டறை நடத்துவது குறித்து திட்டமிடுவது

எப்ப செய்வேனோ தெரியல.

நம்ம பட்டறையில் பட்டையை கிளப்பிய அனைத்து பதிவர்களுக்கும் மனமார்ந்த வாழ்த்துக்களும் பாராட்டும். ஊடகங்களுக்கும், மக்களுக்கும் நம் இருப்பினை வெளிச்சம் போட்டு காட்டியது உங்கள் உழைப்பு. இன்னும் தொடர்வோம்...

பட்டறைக்கு தோள் கொடுப்போம்

2007-08-02T15:55:00.000-06:00

பதிவர் பட்டறைக்காக பல தோழர்கள் கடுமையாக உழைக்கின்றனர். இதன் பலன்களை நாம் அனைவரும் அனுபவிக்கப் போவது உறுதி.

இல்லையென்றே ஆனாலும், பதிவர் பட்டறைக்கு நம் ஆதரவைத் தெரிவிக்க பதிவுலகைச் சாராத வெளி ஆதரவாளர்களின் தளங்களின் சுட்டியை உங்கள் பதிவுகளில் தரலாம், அவற்றைச் சென்று பார்வையிடலாம். இதனால் தற்போதைய ஆதரவாளர்கள் நிறைவு கொள்ளவும் நாளைய நிகழ்வுகளுக்கு ஆதரவு திரட்டவும் இயலும்.

முகத்தில் முகம் பார்க்கலாம்!!!

2007-08-01T22:14:00.000-06:00

மைதாஸ் - திண்ணையில் வந்த சிறுகதை

2007-07-30T08:04:00.000-06:00

மைக்கேல் தாஸ் பங்களாவிலிருந்து வெளிவந்தார் ஜேசுராஜன். 'இங்கேர்ந்து ஆட்டொவுல போணும்னா நாப்பது அம்பது ரூவாயாது ஆவும்' யோசித்தார்.

"தம்பி ரிக்சா வருமா?"

"எங்க சார்?"

"எக்மோர்."

"ஸ்டேசனுக்கா?"

"ம்."

"வாங்க."

அதுவரை சைக்கிள் ரிக்சாவிலேயே ஏறியதில்லை ஜேசுராஜன். துருபிடித்த பாகங்களில் எண்ணை வைத்து தேய்த்ததில் தீபாவளி காலையில் ஜட்டியுடன் சுற்றும் சிறுவர்களைப் போல ரிக்சா முழுவதும் எண்ணை வழிந்துகொண்டிருந்தது. ரிக்சாவின் இருக்கையில் போடப்பட்டிருந்த 'மெத்தை'யின் ஓட்டைவழியே தேங்காய் நார்த்தும்புகள் குத்திவிட்டதில் எரிச்சல் அதிகமானது. சில அரசு பேருந்துகளின் இருக்கைகளை நியாபகப் படுத்தியது. பார்க்க மெத்தைபோலத் தெரியும் ஒரு பொருள் இத்தனைத் திடமாக இருப்பது ஏமாற்றமளித்தது.

'விழாக் கமிட்டிக்காரனுவளுக்கு எவ்ளோ சொன்னாலும் புரியாது. ஆட்டோ செலவுக்கு காசு தந்தா என்னா? டொனேசனக் கொண்டு குடுத்தா மட்டும் வாயப் பொழப்பானுவ' நொந்துகொண்டார்.

"இன்னா வெயிலு சார்?" ரிக்சாக்காரர் உரையாடலை ஆரம்பித்தார்.

"ஆமாப்பா."

'இவனோடு என்ன பேசுவது?' சலிப்புடன் நினைத்தார் ஜேசுராஜன்.

"எங்க ஊர்ல நல்ல மழ." ஏதாவது பேசலாமெனத் தொடர்ந்தார்.

"இன்னா ஊரு சார்?"

"தூத்துக்குடி பக்கத்துல..."

"மைக்கேல்தாஸ் ஊரா நீங்கோ?"

"ஆமா. மைக்கேல்தாசத் தெரியுமா?"

"ஆமா சார். அவர் வீட்டாண்டதான் நம்ம குடிச கீது. எம்பொஞ்சாதி மைக்கில்தாஸ் வூட்லதான் வேலைக்குப் போவ்து. ஒரு பத்து வர்சமாத் தெரியும் சார். அல்லாரும் ஒரே கோயில்தானே."

"நீ க்ரிஸ்டீனா?"

"ஆமா சார்." கழுத்திலிருந்த செபமாலையை இழுத்துக் காண்பித்தான். அதில் நூல் முழுவதும் அழுக்காயிருந்தது. சில மணிகள் உடைந்திருந்தன. சிலுவையில் பாதியில்லாமல் இருந்தது. "பேரு சிலுவப்பிச்ச. மாதாக் கோயில்ல வெள்ளக்கார சாமியாரிருந்தப்பவே எங்க தாத்தாவெல்லாம் க்ரிஸ்ட்டீனாயிட்டாங்க."

ஜேசுராஜனுக்கு கொஞ்சம் சலிப்பாயிருந்தது. வெயிலா, சாக்கடை நாற்றமா, வாகனப் புகையா, விழாக்கமிட்டியா அல்லது சிலுவைப்பிச்சையா எனத் தெரியவில்லை, ஏனோ அவருக்கு எரிச்சலாயிருந்தது.

"இன்னும் எவ்ளோ நேரமாவும்பா?"

"ஒரு பாஞ்சு நிமிஷமாகும் சார்."

'பதினஞ்சு நிமிஷம்ணா ஆட்டோவுலேயே போயிருக்கலாமே?' யோசித்தார்.

"மைக்கில் தாச இன்னா விஷ்யமா பாக்காந்த சார்?"

"எங்க ஊர் மாதாவுக்கு தங்கக் கிரீடம் செய்யுறோம். நன்கொடை வாங்கலாம்ணு வந்தேன். மகராசம்பா மைக்கில,் அள்ளிக் குடுக்கிறாரே"

மைக்கில் தாசைப் பற்றிய பேச்சு அவருக்கு திடீர் உற்சாகத்தை தந்தது.

"மாதாவுக்கு தங்க கிரீடமா?" பீடியை பற்றவைத்துக்கொண்டு சிறிது இருமினான் சிலுவைப்பிச்சை.

"ஆமா. எங்க ஊர் கோயிலக் கட்டி 30 வருசமாவப்போது. அதுக்குத்தான். ஊருக்குண்ணா அள்ளிக் குடுப்பாரு மைக்கிள்தாஸ். எங்க ஊர்ல அவர மைதாஸ்னுதான் சொல்வோம்."

"மைதாஸ்னா?"

"மைதாஸ் தெரியாதா?"

"இதெல்லாந் தெரிஞ்சா எதுக்குசார் நானு ரிச்சாவ்ல கெடந்து சாவ்றேன்?"

"மைதாஸ் கதை தெரிஞ்சுட்டா கலெக்டர் வேலையா கெடைக்கும்?"

"சர்தான். கலாஞ்சுட்ட போ". சப்தமாய் சிரித்தான் சிலுவைப் பிச்சை. பேச்சின் சுவாரஸ்யத்தில் மூலத்தைக் குத்தும் எரிச்சல்கள் மறக்க ஆரம்பித்திருந்தன ஜேசுராஜனுக்கு.

"மைதாஸ்ண்றது ஒரு கதையில வர்ற ஆளு."

"ஓகோ."

"அவன் தொட்டதெல்லாம் பொன்னாகும்."

"எப்டி அது?"

"ஒரு தேவத மைதாசுக்கு என்ன வரம் வேணும்னு கேட்டுச்சாம்.. அவன் தான் தொட்டதெல்லாம் பொன்னாகணும்னு கேட்டானாம். அதுபோல சாதாரண ஒரு ஏழக் குடும்பத்துல பொறந்த மைக்கேல் தாஸ் இண்ணைக்கு இத்தன பிசினஸ், காரு பங்களான்னு கொடிகட்டி பறக்குறாண்ணா அவன் தொட்டதெல்லாம் பொன்னாகுதுண்ணுதானே அர்த்தம். இங்க்லீஸ்ல இத மைதாஸ் டச்னு சொல்வாங்க."

"நீ வாத்தியாரா சார்."

"ஹெட்மாஸ்டர்."

"அதான் சோக்கா கத சொல்ற. அப்பால என்னாச்சு?"

"ம். அப்புறம் என்னாச்சு மைதாஸ் தொட்டதெல்லாம் பொன்னாச்சு."

"என்ன கத பாத்தியா சார்? கஷ்டப்பட்டு ஒழச்சு சம்பாதிக்கிறமாதிரி எவ்னாவது கத எய்தி வெச்ருக்கானா சார். அல்லாம் ஏதோ மேஜிக்ல ஒசந்துரலாம்ணுதான் கத வெச்ருக்கான் சார்."

இப்படி ஒரு கோணத்தில் மைதாஸ் கதையை ஜேசுராஜன் நினைத்துப் பார்த்திருக்கவில்லை.

"நான் முழுசா ஒனக்கு கத சொல்லலியே? வரம் வாங்குன மைதாஸ் தோட்டம், வீடுன்னு எல்லாத்தையும் தொட்டான். எல்லாம் தங்கமாயிடுச்சு. இன்னும் இன்னும்ணு என்னவெல்லாம் அவங் கண்ல பட்டுச்சோ எல்லாத்தையுந் தொட்டான் எல்லாமே தங்கமாய்ச்சு. சந்தோசத்துல சாப்ட உக்காந்தான்."

"புரியுது சார்? சாப்பாட்ட தொடங்காட்டியும் சாப்பாடும் அப்டியே தங்கமாயிருக்கும்."

"ஆமா. சாப்பாடு தங்கமானா எப்டி சாப்டுறது? பட்டினியாயிருந்தான். அவன் பொண்டாட்டியத் தொட்டான் அவ தங்கச் செலையானா, அவன் மகளத் தொட்டான் அவளும் தங்கமாயிட்டா. அப்புறந்தான் மைதாசுக்கு வாழ்க்கையில எது முக்கியம்ணு தெரிஞ்சுது."

சென்னையின் சேரியிலிருக்கும் ரிக்சாக்காரனுக்கும் நல்லொழுக்கப் பாடம் சொல்லித் தந்ததில் பெருமிதம் கொண்டார் ஜேசுராஜன்.

கொஞ்ச நேரம் மௌனமானான் சிலுவைப் பிச்சை.

'ஹ்க்கும் ஹா' கிண்டலாய் சிரித்தான்.

"என்னப்பா சிரிக்க?"

"நீ சொன்னது சர்தான் சார்."

"என்னது?"

"மைக்கில்ராஜ் மைதாசேதான்."

"ஆமா சொன்னேன்ல. அவர் தொட்ட.."

"அதச் சொல்லலா சார். மைக்கில்தாஸ் ஒயிஃப் தெரியுமா?"

"ப்ரின்ஸ் டீச்சர். நல்லாவேத் தெரியும். அத்தப் பொண்ணத்தான் கட்டிப்பேன்னு கட்டிகிட்டாரு."

"ம். அந்தம்மா எப்டி செத்துச்சு?"

"தூக்கு போட்டுகிச்சு."

"எப்டின்னு தெரியுமா?"

அத்தனை விபரமாகத் தெரிந்திருக்கவில்லை ஜேசுராஜனுக்கு.

"பணம் இருந்த சூட்கேஸ் ஒண்ண எடுத்துப் போட்டு அதுக்குமேல ஸ்டூல வெச்சி தூக்கு மாட்டிகிச்சு."

"அப்டியா?"

"நாந்தான்சார் போலீஸ் வரக்குள்ள அந்தப் போட்டிய தூக்கிவச்சேன்."

ஊரில் கேள்விப்பட்டிருந்தாலும் சிலுவைப் பிச்சை சொல்வதை முழுவதாக நம்ப இயலவில்லை.

"அப்புறம் அவர் பொண்ண?" சிலுவை கேட்டான்.

"அவளுக்கு என்னாச்சு ."

"அவர் பொண்ண யாருக்கு கட்டிக் குடுத்தாரு தெரியுமா?"

"அற்புதம் டிராவல்ஸ் பையனுக்கு."

"அந்த நேரத்துல மைக்கில்தாஸ் பிசினஸ் படுத்துட்டதால அந்தப் பையனுக்கு கெட்டி வச்சாரு. காசு சார். காசு. அற்புதத்தோட பையன் ஊதாரி சார். மைக்கில்தாசுக்குந்த் தெரியும் ஆனா அற்புதம் பிசினஸ்ல பைசா போடுறேன்னு சொன்னாங்காட்டியும் கல்லாணம் நடந்துச்சு."

"ஓகோ."

"மாதா செல மாறி இருக்கும் சார் அந்தப் பொண்ணு. கல்யாணத்துக்கப்பால ஒரு நாகூட சந்தோசமாயில்ல சார். எம் பொஞ்சாதி எங்கிட்ட வந்து அழும்.

நீ சொன்னது சர்தான் சார். மைக்கில்தாஸ் மைதாஸ்தான். பணம் சேக்குறதுலேயே குறியா இருந்தான்.. குடும்பத்த முள்சா மறந்துட்டான்."

அதற்குப்பின் அவனோடு பேச இயலவில்லை ஜேசுராஜனால். சிலுவைப் பிச்சையும் தீவிர சிந்தனையில் மூழ்கியிருந்தான். வாகன இரைச்சலுக்கிடையே அவர்களுக்குள்ளிருந்த மௌனம் தெளிவாகக் கேட்டது.

"சார். ஸ்டேசன் வந்தாச்சு."

ரிக்சாவிலிருந்து இறங்கினார் ஜேசுராஜன்.

"எவ்வளவுப்பா?"

"வழக்கமா இர்வது ரூபா வாங்குறது. பாஞ்சு ரூபா தாங்க சார். ஒங்க ஊர் மாதாவுக்கு எம் பேர்ல 5 ரூபாய் டொனேசன்." சிரித்தான்

மைக்கிள்தாசின் ஐம்பதாயிரம் ரூபாய் செக் இருந்த கவர் கைப்பையில் இருக்கிறதா எனப் பார்த்துக்கொண்டார் ஜேசுராஜன். அந்த வெள்ளைக் கவரில் இருந்த அழுக்கு அப்போதுதான் அவர் கண்ணில் பட்டது.

============================================

நன்றி: திண்ணை

சிகாகோ படங்கள் - Bubble at the Millenium Park - 2

2007-07-27T13:09:00.000-06:00

சிகாகோ படங்கள் - Bubble at the Millenium Park - 1

2007-07-27T13:08:00.000-06:00

சிகாகோ படங்கள் - தெருக்கள் 3

2007-07-27T13:07:00.000-06:00

சிகாகோ படங்கள் - தெருக்கள் 2

2007-07-27T13:06:00.000-06:00

சிகாகோ படங்கள் - தெருக்கள் 1

2007-07-27T13:05:00.000-06:00

சிகாகோ படங்கள் - Sears Tower மேலிருந்து

2007-07-27T13:03:00.000-06:00

சிகாகோ படங்கள் - Sears Tower 2

2007-07-27T13:02:00.000-06:00

சிகாகோ படங்கள் - Sears Tower

2007-07-27T13:00:00.000-06:00

சிகாகோ படங்கள் - நேவி பியர் (Navy Pier)

2007-07-27T12:56:00.000-06:00

iphoneல் சுட்டது

2007-07-17T16:02:00.000-06:00

Apple iPhoneல சுட்ட சில படங்கள்.

iPhonல பாக்கிறதுக்கு இன்னும் அழகாகத் தெரியும் .. :)))

லில்லி மலருக்கு கொண்டாட்டம்...

2007-07-17T10:24:00.000-06:00

நம்ம நண்பர்கள் நடத்தும் புகைப்படப் போட்டிக்காக சில படங்கள். (போட்டிக்கான படங்கள் அவ்வாறே குறிக்கப்பட்டுள்ளன).

போட்டிக்கான முதல் படம்.
இரண்டாம் படம்
கொசுறு...

சுசிலாவைக் கேளுங்க கேளுங்க கேட்டுகிட்டேயிருங்க...

2007-07-12T13:28:00.000-06:00

பி. சுசுலா அவர்களின் எத்தனையோ பாடல்கள மெய், பொய் எல்லாம் மறந்து கேட்டிருப்பீங்க. 'நாளை இந்த வேளை பார்த்து' எனக்கு மிகவும் பிடித்த பாடல். அவங்க பாடல கேட்டதோட இல்லாமா, கேள்வியும் கேட்க வாய்ப்பு தந்திருக்கார் நம்ம ராகவன். கீழ உள்ள படத்துல மெதுவா, அவங்களுக்கு வலிக்காம ஒரு சுட்டு சுட்டி ராகவன் என்ன சொல்றாருன்னு கேளுங்க.

வருமானவரி டிஸ்கி- இந்த விளம்பரத்துக்கு காசு வாங்கப்படவில்லை...

பிறந்த நாள் பரிசு

2007-07-06T22:13:00.000-06:00

7-7-7 சூப்பர் நாள் இல்ல?
எனக்குந்தான்... இன்னைக்கு ஒரு சிறப்பான பிறந்த நாள் பரிசு கிடைத்தது. அது இன்னாண்ணா...
விரைவில் மேல் விபரங்கள் எதிர்பாருங்கள்.

வருத்தமளிக்கும் வலைப்பதிவுகள்?

2007-07-03T12:58:00.000-06:00

அன்பு பதிவர் உலகமே..
கீழுள்ளதைப் படியுங்கள். வலைப்பதிவுகள் பற்றிய பொதுவான அபிப்பிராயங்கள் என்ன என்பதை உணர ஒரு வாய்ப்பு.

இத்தனை அருமையான சிந்தனைகளும், படைப்புக்களும் இருந்தும் நம்மை பலரும் கவனிக்காமல் இருப்பதன, வெறுப்பதன்் காரணங்களை ஆராய ஒரு வாய்ப்பு. கருத்துக்கும் எழுத்துக்கும் தொடர்பில்லாமல் நாம் பலநேரங்களில் செயல்படுவதன் விளைவு இது.

நாயே பேயே எனத் திட்டுபவர் சமத்துவம் பேசுவது நகை முரணா இல்லை வெறும்் முரணா?

இனி நண்பரின் ஆதங்கம்.

இணையத்தில் அடி வாங்காமல் இருக்க.....

தமிழ் இணைய உலகத்தில் சுமார் 9 மாதங்கள் சுற்றிய பிறகு கற்றுக் கொண்ட சில விஷயங்களை தங்களிடம் பகிர்ந்து கொள்கிறேன். இணையத்தில் அடி வாங்காமல் இருக்க இதை பின்பற்றலாம்.

1. திகவை எதிர்த்து கருத்து சொல்லாதீர்கள் - நீங்கள் மேல்சாதி வெறியர் என்று தாக்குதலுக்கு உள்ளாவீர்கள்.

2. திமுகவை எதிர்த்து கருத்து சொல்லாதீர்கள் - நீங்கள் தமிழின துரோகி என்று முத்திரை குத்தப்படுவீர்கள்.அல்லது நீங்கள் அதிமுக என்று சொல்லி மேலும் அவமானப்படுத்திவிடுவார்கள்.

3. நதி நீர் பிரச்சனை கிருஷ்ணா - ஆந்திர பக்கமும் நியாயம் இருப்பதாக நீங்கள் எழுதிவிட்டால் நீங்கள் ஆந்திராகாரர் என்று முத்திரை இடப்படுவீர்கள். முல்லைபெரியாறு - கேரள பக்கம் நியாயம் இருப்பதாக நீங்கள் எழுதிவிட்டால் நீங்கள் மலையாளக்காரர் என்று அடி வாங்குவீர்கள் காவிரி - கர்நாடக பக்கம் நியாயம் இருப்பதாக நீங்கள் எழுதவும் வேண்டுமா. அடி வாங்க ஆசையா

4. ஹிந்தி ஹிந்தி படித்தால் நல்லது பயனுள்ளது இப்படியெல்லாம் எழுதினால் நீங்கள் வடநாட்டுக்காரர். தமிழை அழிக்க முயலுபவர். வடநாட்டவரின் கைக்கூலி.

5. எழுத்தாளர் ஒரு எழுத்தாளரை பாராட்டி பதிப்போ வலைப்பூவிலோ எழுதுவதற்கு முன்பு அவர் என்ன சாதியை சேர்ந்தவர் என்று தெரிந்துக் கொள்வது மிகவும் அவசியம். அது தெரியாமல் எழுதி மாட்டிக் கொள்ளாதீர்கள். அவர் சாதி பெரும்பான்மையாக இருந்தால் அவர் கதை நல்ல கதை என்று எழுதி தப்பித்துக் கொள்வது நல்லது.

6. திரைபடம் எஸ்பிபி நன்றாக பாடுகிறார் என்று நீங்கள் எழுதினால் நீங்கள் ஆந்திரா ஜால்ரா யேசுதாஸ் பற்றி எழுதினால் நீங்கள் மலையாளக்காரர் ஏஆர் ரகுமான் பற்றி எழுதினால் நீங்கள் முஸ்லீம் என்று சொல்லி இந்துக்களின் தாக்குதலுக்கு உள்ளாக நேரிடலாம்

7. இதிகாசம்-புராணம் ராமாயணம் மஹாபாரதம் பற்றி முடிந்த அளவு தவிர்க்கவும். அது ஆரியர்கள் எழுதியது. அதனால் திராவிடர்களுக்கு பிடிக்காது. ஏன் வம்பு. நீங்கள் ஐயோ நான் திராவிடன் தான் இருந்தாலும் ராமாயணம் பிடிக்கும் என்று சொன்னால் உங்கள் Birth Certificate ஐ இணையத்தில் போடுமாறு கேட்பார்கள்.

8. பிறப்பாலா வளர்ப்பாலா நீங்கள் வலைப்பூவில் பின்னூட்டம் இடுவதற்கு முன்பு வலைப்பதிவர் பிறப்பால் தமிழரா வளர்ப்பால் தமிழரா என்று பார்த்து பிறகு பின்னூட்டம் இடவும். ஒருவேலை வளர்ப்பால் தமிழராக இருந்தால் உங்களுக்கும் ஆப்புதான்.

9. ஷ ஜ ஸ க்ஷ இது போன்ற வடமொழி எழுத்துக்களை எழதினால் நீங்கள் தமிழில் கலப்படம் செய்கிறீர்கள். சமஸ்கிருதத்தை ஆதரிக்கிறீர்கள். தமிழ் ஆவலர்களால் உங்களுக்கு கண்டனம் வரலாம். அதனால் ஷாஜஹானை சாசகான் என்றும் கமலஹாசனை கமலகாசன் என்றும் ரஹ்மானை ரகுமான் என்றும் கிருஷ்ணனை கிருட்டிணன் என்றும் குறிப்பிடுவது நல்லது.

10. அடிவாங்காமல் தப்பிக்க எல்லா இடத்திற்கும் போய் வாருங்கள். படித்து வாருங்கள். அநாவசியமாக கருத்தை எழுதி கெட்ட பேர் வாங்காதீர்கள்.

11. பின்னூட்டம் பின்னூட்டம் இடவேண்டும் என்று கை அரித்தால்- ஒருவேளை நீங்கள் கருத்துக்களங்களில் உறுப்பினராக இருந்தால் விவாகாரமான தலைப்புகளுக்கு பின்னூட்டம் இடுவதற்கு முன்பு கவனிக்கவேண்டியவை. அந்த தலைப்பிற்கு சுமார் 10 பின்னூட்டம் வரை காத்திருங்கள். பிறகு அதில் பெரும்பான்மை அந்த தலைப்பிற்கு ஆதரவாக பேசினால் நீங்களும் அதற்கு ஆதரவாக எழுதிவிட்டு போவது நல்லது. நடுநிலையுடன் பேசுகிறேன் பேர்வழி என்று எதையாவது எழுதி வம்புக்கு ஏன் போகிறீர்கள்.

12. தினமலர் ஹிந்து போன்ற பத்திரிக்கைகளை மேற்கோள் காட்டினால் நீங்கள் ஆரிய கைக்கூலி. தினகரன் தமிழ் முரசு மேற்கோள் காட்டினால் நீங்கள் திராவிட கைக்கூலி. இணையத்தில் எது பெரும்பான்மை என்பதை பார்த்து நடந்துக் கொள்ளுதல் மிகவும் அவசியம்

13. சோ என்று தெரியாமல் கூட எழுத வேண்டாம். அச்சோ என்று எழுத நினைத்தால் அச் என்று நிறுத்திக் கொள்ளுதல் நல்லது

14. முடிந்த அளவு தமிழ் நாடு செய்வதெல்லாம் சரி தமிழர்கள் செய்வது எல்லாம் சரி என்றே எழுதுங்கள். நம் பக்கமும் தவறு இருக்கிறது என்று சொல்லி துரோகி என்று முத்திரைக்கு ஆளாகாதீர்கள்.

15. கடவுள் கடவுளை பற்றி எழுத நினைத்தால் சைவ மதத்தை பற்றி மட்டும் எழுதினால் தப்பிக்க வாய்ப்பிருக்கிறது. சிவனை பற்றி மட்டும் எழுதினால் நல்லது. வேறு கடவுள்களை எழுதினால் அவர்கள் ஆரிய கடவுள் என்பதனால் நீங்கள் ஆரியர் என்ற அவபெயருக்கு ஆளாக நேரிடலாம். முடிந்தால் கடவுளை பற்றி எழுதுவதையும் மதங்களை பற்றி எழுதுவதை பற்றியும் தவிர்க்கலாம். கேட்கமாட்டேன் என்றால் அனுபவியுங்கள்

16. ஆக நீங்கள் அரசியல் எழுதினால் கட்சிக்காரர் என்றும் நீங்கள் இந்தியராக நினைத்து எழுதினால் பிற மாநிலத்தவர் என்றும் நீங்கள் கடவுளை பற்றி எழுதினால் இந்த மதத்தவர் என்றும் அதிலும் குறிப்பிட்ட கடவுளை பற்றி எழுதினால் இந்த இனத்தவர் என்றும் பார்த்து பார்த்து தாக்குதல் நடத்த ஒரு கூட்டம் கணினி படித்து தமிழ் பயின்று இணையத்தில் அலைகிறது. அவர்களுக்கு வேலையே இது போன்ற பதிவுகளை தேடிப்பிடித்து அசிங்கப்படுத்துவது தான்.

17. போகக்கூடாத இடங்கள் 1. மறைந்த தலைவர்களை பற்றி அசிங்கமாக எழுதும் வலைப்பூக்கள் 2. தமக்கு பிடிக்காத கருத்தை கூறும் வலைஞர்களின் பிறப்பை பற்றியும் குடும்பத்தை பற்றியும் தரக்குறைவாக எழுதும் வலைப்பூக்கள் 3. தமிழை எத்தனை கேவலப்படுத்தமுடியுமோ அத்தனை கேவலமான வார்த்தைகளை வரிக்கு நாலாக பயன்படுத்தும் தளங்கள்.

18. நான் செய்த தவறு நான் செய்த தவறை நீங்களும் செய்யாதீர்கள். முதலில் தமிழ் இணையதளங்களை கண்ட மகிழச்சியில் எல்லா இடங்களிலும் நிஜ பெயர் விபரம் கொண்டு பதித்துக் கொண்டேன். தமிழ் இணைய உலகம் மிகவும் தரம் குறைந்த நிலையில் இருப்பதால் Anoymous ஆக இருப்பதே நல்லது. எனக்கு இப்போது முழுவதும் நனைந்துவிட்டதால் முக்காடு எதற்கு என்று விட்டுவிட்டேன். 19. மதநல்லிணக்கமா - ஹா ஹா நீங்கள் ஒரு மதத்ததில் இருந்து மற்ற மதத்தையோ பாராட்டி பேசினால் உங்களுக்கு இருமுனை தாக்குதல் தங்கள் மதத்திலிருந்தும் மற்ற மதத்தவர்களிடமிருந்தும் வரும். உங்கள் மதத்தவர்கள் - மத துரோகி என்றும் மற்ற மதத்தவர்கள் - உளவாளி என்றும் உங்களை சொல்லக்கூடும். இதே ஃபார்முலா சாதிக்கும் பொருந்தும்.

19.. கொசுறு - எதை செய்தால் இணையத்தில் பிரபலம் அடையலாம். நீங்கள் ஏதோ நல்ல கவிதை கட்டுரை கதைகள் எழுதினால் இணையத்தில் பிரபலம் அடையலாம் என்று எண்ணியிருந்தால் நீங்கள் ஒரு முட்டாள். வலைப்பூவை துவங்கி மிகவும் கேவலமாக கெட்ட வார்த்தைகள் அதிகம் கொண்ட பதிப்புகளை இடவேண்டும். அதை தமிழ் வலைப்பூ திரட்டிகளுக்கு அனுப்ப வேண்டும். பிறகு அவர்களே அதை பிரபல படுத்திவிடுவார்கள்.
பரிமாற்றம் தொடரும்.....

பி:கு - நண்பரின் அனுமதியின்றி இதை வெளியிடுகிறேன். அவருக்கு ஆட்சேபமிருப்பின் மின்னஞ்சல் செய்யலாம்.

மேலும் சில ஆதங்கங்களை அவரது பக்கத்திலேயே சென்று படியுங்கள்

http://tamilamudhu.blogspot.com/2007/04/5.html

http://tamilamudhu.blogspot.com/2007/04/4.html

http://tamilamudhu.blogspot.com/2007/03/3.html

http://tamilamudhu.blogspot.com/2007/03/2.html

http://tamilamudhu.blogspot.com/2007/03/blog-post.html

ஷங்கரின் அடுத்த படம் கதை தயாராகிவிட்டது

2007-07-02T11:26:00.000-06:00

இயக்குநர் ஷங்கர் சிவாஜிக்கு அடுத்ததாக எடுக்கப்போகும் படத்தின் கதை இப்போதே லீக் ஆகிவிட்டது.

ஒன் லைனர்: தேவைக்கதிகமாக காசு போட்டு சினிமா எடுக்கும் சினிமாக் காரர்களை ஒரு 'பாதிக்கப்பட்ட' உதவி இயக்குநர் 'தட்டிக்' கேட்டால் எப்படி இருக்கும்.

திரக்கதை: எடுத்த உடனே புரட்சித்தலைவர் எம்.ஜி.ஆர் திரையில் தோன்றுகிறார். 'நான் ஆணையிட்டால்' பாட்டுக்கு சாட்டையை சுழற்றுகிறார். அதே செட், கொஞ்சம் பழையதாயிருக்கிறது. தூணில் ஒருவரை சங்கிலியில் கட்டிவைத்திருக்கிறார்கள். அவரை சரமாரியாக சாட்டையால் அடிக்கிறார். பாடல் பாதியிலேயே நிற்க. புரட்சித் தலைவர் வசனம் பேச ஆரம்பிக்கிறார்.

"டேய் மூதேவி. இதுவரைக்கும் எத்தன படம் எடுத்திருக்க?"
கட்டிவைக்கப்பட்டிருப்பவர் வலியால் முனகுகிறார்.
"சொல்லமாட்ட?" எம்.ஜி.ஆர் முகம் சிவக்கிறது. சிவப்பு வெளிச்சம் முகத்தில் அடிக்கிறது. சாட்டை சுழல்கிறது.
"நாலு.. நாலு படம் எடுத்திருக்கேன்"
"ம்.. ஒவ்வொண்ணும் எவ்வளவு செலவு?"
"முதல் படம் 10 கோடி, ரெண்டாவது 25, முணாவது 40 4வது 60 கோடி."
சாட்டை சுழல்கிறது.
"இல்ல 70.. 70"
"எத்தன கோடி லாபம் பாத்த?"
"நூறு கோடிக்கும் மேல."
"எத்தன கோடி கணக்குல காமிச்ச"
"25"
"அடப்பாவி."
"ஊர்ல ஒலகத்துல இல்லாததயா நான் செஞ்சுட்டேன். ஒவ்வொரு எம் எல் ஏவும் எவ்வளவு சம்பாதிக்கிறான், மந்திரி, எதிர்கட்சி, வட்டம், மாவட்டம்ணு அரசியல்ல என்னவெல்லாமோ நடக்குது."
"டேய் அதெல்லாம் தட்டிக்கேக்க அன்னியன், இந்தியன் தாத்தா, முதல்வன் எல்லாம் இருக்காங்கடா ஆனா உன்னப்போல அநியாயம் செய்யுற சினிமாக்காரங்கள தண்டிக்கத்தாண்டா நான் இருக்கேன்."
"நீ யாரு"
"இயக்குனன் ஹா ஹா ஹா" சிரிப்போடு சீன் மறையுது. பெயர் போட ஆரம்பிக்கிறாங்க.

படம் பேரு 'இயக்குனன்'

இயக்குனனோட ஸ்டைல் என்னண்ணா அளவுக்கதிகமா காசப்போட்டு படம் எடுக்கிற இயக்குநர்கள், தயாரிப்பாளர்கள், அவங்களுக்கு பணம் குடுக்கிற கந்துவட்டிக்காரர்கள் எல்லோரையும் போட்டுத்தள்ளி ஒரு 'மெசேஜ்' சொல்ல வர்றாரு. ஒவ்வொரு கொலைக்கும் ஒவ்வொரு வேஷத்துல வருவாரு. அதாவது முதல்ல எங்க வீட்டுப்பிள்ளை எம்ஜிஆர் மாதிரி வந்தார்ல அதுபோல 16வயதினிலே கமல், பாட்சா ரஜினி, கடலோரக் கவிதைகள் சின்னப்பதாஸ், கட்டபொம்மன் சிவாஜின்னு பல வேஷங்களில் வந்து கொலை செய்வார்.

ஏன் இயக்குனனுக்கு இந்தக் கொல வெறி?

வழக்கம்போல ஒரு கிராமத்துப் பின்னணி ஃப்ளாஷ் பேக்.. எடுத்துக்காட்டு.

கிராமத்துல சினிமாக் கொட்டக முன்னால இட்லிக் கட வச்சிருக்கிறாங்க இயக்குனனோட அம்மா. அவங்க எவ்வளவு சினிமா பைத்தியம்ணா, ஊர்ல இருக்கிற அவங்க பண்ண வீட்ட வித்துட்டு சினிமா தியேட்டர் முன்னால கட வச்சிருக்காங்க. பாட்டுக்குள்ளாக அவங்க இட்லிக்கடையில எப்படி சந்தோஷமா இருக்காங்கண்ணு காமிக்கிறாங்க. பிரமாண்டத்துக்காக தங்க இட்லித் தட்டுல அவங்க இட்லி அவிக்கிறதா காமிக்கிறாங்க. பண்ண வீட்ட வித்த காசையெல்லாம் வச்சி கலக்குறாங்க. ரெண்டு ரூபா வடையிலேந்து எண்ணைய பிழிஞ்சு எடுக்கிறதுக்கு 100 ரூபா நோட்ட குடுப்பாங்க. அம்மாவோட சினிமா பைத்தியத்துல சொத்தெல்லாம் கரைஞ்சுடுது. அப்பா குடிக்கிறதுக்குண்ணு வச்சிருந்த காச எடுத்து சினிமாவுக்குப் போறாங்க. அப்பா துக்கம் தாங்காம சினிமா கட் அவுட்ல தூக்குல தொங்கி எறந்து போறாரு. ஒரு கட்டத்துல அம்மாவுக்கு சினிமா பைத்தியம் முத்திப் போயி பசங்களோட பாடப் புத்தகங்கள கிழிச்சி ஹீரோ அறிமுகக் காட்சியில பேப்பர் தூவுறதுக்கு எடுத்துட்டுப் போறாங்க. இதுனால பசங்க படிப்பு கெடுது. இயக்குனன் குறைஞ்ச படிப்ப வச்சிட்டு நிறைய சம்பாதிக்க என்ன வழின்னு யோசிக்கிறான்.

அவன் அம்மா தலைவர் படத்துக்கு வச்சிருந்த முதல் ஷோ டிக்கெட்ட ப்ளாக்ல வித்து 'சென்னைக்குப் போய் ஒரு பெரிய இயக்குநர் ஆயிடுப்பான்னு அனுப்பி வைக்கிறாங்க'. மிகவும் சோகமான காட்சி. "அம்மா ஒன்னோட டிக்கெட்ட வித்து...?" உருகுகிறார் ஹீரோ. அம்மா ஒரு சி.டிய எடுத்துக் காமிக்கிறாங்க. "திருட்டு வி.சி.டில நேத்தே பாத்துட்டேன்பா."

சினிமாவால பாழான தன் வாழ்க்கைய சினிமாவாலயே மீட்டெடுக்க கனவோடு சென்னைக்கு வர்றான்.

சினிமா உலகத்துல இவனோட சிம்பிள் கிராமத்து கதைகளை படமா எடுக்க யாரும் முன்வரல. எல்லாரும் ஹீரோவ பச்சையா காமிக்க முடியுமா?, இந்துமா சமுத்திரத்த செட்டிங் போட்டு பாட்டு செய்ய முடியுமா? நிலாவுல லொக்கேஷன் பண்ணலாமாண்ணு இவன டார்ச்சர் பண்ணுறாங்க.

ஒரு கட்டத்துல இயக்குனன் இது வேலைக்காகாது ஏதாவது பிசினஸ் பண்ணலாமாண்ணு பேங்க்ல போய் லோன் கேக்கிறான். பேங் மேனேஜர் இவனத் திட்டி வெளிய விடுறார். இவன் ஜன்னல்வழியா பாக்கும்போதே ஒரு ப்ரொட்யூசருக்கு கோடிக்கணக்குல காச அள்ளிக்குடுக்கிறாரு மேனேஜர். இதேபோல ஒரு கந்து வட்டிக்காரரும் சினிமாவுக்கு காசு குடுக்கிறாரு ஆனா இவனுக்கு மறுக்கிறாரு. அதுலேந்து சூடாகிறான் இயக்குனன்.

சுஜாதா டையலாக் சூடு பறக்குது.
"இண்ணைக்கு இந்தியாவுல ஒரு வருஷத்துக்கு இத்தன படம் எடுக்கிறாங்க. தமிழ்ல எடுக்கிற படங்கள் இத்தன, அதுக்கு ஆகிற செலவு இத்தன, இதுல பேங்க் லோன் இவ்வளவு, சேட்டு இவ்வளவு, கந்து வட்டி இவ்வளவு, ப்ரொட்யூசர் சொத்த வித்தது இவ்வளவு. படத்துக்கு A செண்டர்ல 10% வருமானம், Bல 10% மீதி 80% C, D செண்டர்லேந்து வருது. ஏண்ணா திருட்டு சிடி அவங்களுக்கு கிடைக்கிறதில்ல. இந்த C,D செண்டர்ல உள்ளவனுக்கு மாத வருமானம் இவ்வளவு, அவனுக்காக அரசாங்கம் செலவு செய்யுறது இவ்வளவு கோடி, அங்க நடக்குற தோழில் முதலீடு இத்தனகோடி... அப்படி பாக்கும்போது கிராமங்கள்ல நடக்கிற தொழில் முதலீட்ட விட அவங்க பாக்குற சினிமாவ்ல முதலீடு அதிகமாயிருக்குது.." அப்படியே புள்ளிவிபரங்கள அடுக்குறார் சுஜாதா.

"சினிமாவுல முதலீடு குறஞ்சா வங்கிகள் என்ன மாதிரி தொழில் செய்யுறவங்களுக்கு கடன் தரலாம்ல, ்தரலாம்லதொழில் முதலீட்டுக்கு கந்துவட்டிக் காரன் குறஞ்ச வட்டியில கடன் தருவான்ல?" இதுதான் படத்தின் மையமா இருக்குது.

க்ளைமேக்ஸ்ல 'இயக்குனன்' சீர்திருத்தத்த கொண்டு வர்றான். மக்களெல்லாம் சினிமாவுக்கு ஒருதரம் போய் பாத்துட்டு அவங்கவங்க வேலையப் பாக்குறாங்க. ரசிகர் மன்றங்கள் ஒவ்வொண்ணா குறையுது, எல்லாரும் வங்கி, தனியார்கிட்ட கடன் வாங்கி சிறப்பா தொழில் செய்யுறாங்க.

அதோட படம் முடியல.. கடைசியா ஒரு ட்விஸ்ட் பண்ணுறார் டைரக்டர். டி.வி.யில வரக்கூடிய செல்வி, செல்வி, செல்வி பாட்டு கேக்குது, திரையில செல்வியா ராதிகா வர்றாங்க. "நீதானேடா சீரியல் டைரக்டர்? சீரியல எப்ப முடிப்ப?" கத்திய ஓங்க. 'சினிமா கில்லர சீரியல் கில்லராக்கிட்டீங்களே'. படம் முடியுது.

அறிமுகம் - தமிழ் பீட்டர்ஸ்

2007-06-29T15:18:00.000-06:00

நண்பர்களே... தமிழ் பீட்டர்ஸ் என தமிழ் வழி ஆங்கிலம் பேச/எழுத உதவும் குழு பதிவொன்றை ஆரம்பித்துள்ளோம். தமிழ்மணத்தில் தெரிய சில நாட்கள் ஆகலாம். அதுவரை நேரடிகாகச் சென்று படிக்கவும்.

இதில் இணைந்து பதிவிட விரும்பும் மக்கள் பதிவிலுள்ள முகவரிக்கோ என் மின்னஞ்சலுக்கோ மடல் செய்யுங்கள். உங்கள் ஆதரவு இருக்கும்வரையே இந்த முயற்சி தொடரும் எனும் மிரட்டலையும் முன்வைக்கிறேன்.

என் ஆங்கிலம்ம் பேசலாம் வாங்க பதிவைப் படித்த அண்ணன் பாலபாரதி மற்றும் பொன்ஸ் அவர்களின் வேண்ட்டுகோள்களுக்கிணங்க, ரவிஷங்கர் மீண்டும் நினைவூட்டியதில் பீட்டர்ஸ் ஆரம்பமாகிவிட்டது.

:)

பீட்டர்ஸ் தளத்துக்குச் சென்று நோக்க நோக்க நொடியில் நோக்க

தமிழ்நாட்டில் கட்சி துவங்குகிறார் டோனி ப்ளேர்

2007-06-28T15:58:00.000-06:00

முன்னாள் இங்கிலாந்து பிரதமர் டோனி ப்ளேர் தமிழகத்தில் புதிய கட்சி ஒன்றை துவங்கவுள்ளார். திராவிட, மக்கள், முன்னேற்ற, காமராஜ், ராணி எலிசபெத், அண்ணா, இராஜாஜி, பெரியார், சிவாஜி, வடிவேலு, புலி, சிறுத்தை, கரடி, சிங்க்கம் போன்ற வார்த்தைகளைக் கொண்டு தன் புதிய கட்சிக்கு பெயர் ஒன்ரை தயாரிக்கச் சொல்லி இதுவரை குறைந்தது மூன்று புத்தகங்களையாவது வெளியிட்டுள்ள கவிஞர்களிடம் கேட்டுள்ளார்.

இது போல ஜாலியா, பொய்யான சிலசமயம் உள்குத்துக்களோடான செய்திகளை ஆங்கிலத்தில் தருகிற தளம் The onion.

இதுபோல விளையாட்டாய் பொய் செய்திகளை தமிழில் தர ஒரு குழு பதிவை ஆரம்பிக்கலாமென நினைக்கிறேன். யாராவது ஆர்வமாயிருக்குறீங்களா?

நகைச்சுவையால் சமூகப் பார்வையை உருவாக்க இயலுமா? இதுதான் இந்த முயற்சியின் அடித்தளம்.

ஐ....ஐ-ஃபோன் !!!

2007-06-28T15:28:00.000-06:00

நாளை மார்க்கெட்டுக்கு வருகிறது ஐ-ஃபோன். ஏற்கனவே கடைவாசலில் வரிசை துவங்கிவிட்டதென்று செய்திகள்் சொல்கின்றன.

சில குறுந்தகவல்கள்...

ஐ-ஃபோனின் டச் ஸ்க்ரீன் தோலால்தொடும்போதுதான் இயங்குகிறது. கையுறை போட்டுக்கொண்டு செயல்படுத்த இயலாது.
ஸ்பீக்கர் மர்றும் வைப்ரேட்டிங் கொஞ்சம் வீக்கா இருக்குதாம்
அநேகமான ஐபாட் துணைக்கருவிகள்(Accessories) இதற்கும் பயனாகும்
பாடல்களை ரிங்டோனாக மாற்ற இயலாது. ஐ-ஃபோன் கொண்டுவரும் ரிங் டோன்கள் மட்டுமே பயன்படுத்த இயலும்.
ப்ளூடூத் இணைப்புகள் ஹாண்ட்ஸ் ஃப்ரீ மற்றும் கார் கருவிகளோடு மட்டுமே இயலும்.
தானியங்கும்்ங்கி Wifi ஹாட்ஸ்பாட் தேடும் வசதி உண்டு ஏற்கனவே பயன்படுத்தியிருந்த ஹாட்ஸ்பாட்டோடு தானே இணைக்கும்.
அலை மோடமாக பயன்படாது (Wireless modem to computer)
USB வழியாக மட்டுமே கோப்பு பரிமாற்றம் செய்ய இயலும்
உங்கள் கணினியின் உரல் சேமிப்பை(Bookmarks) உட்கொள்ளும் வசதி உள்ளது

முழுதாய் படிக்க A FAQ on what the iPhone has and what it lacks - international herald
The iPhone matches most of its hype

ஐ-போன் திரட்டி

ஐ-போன் காமெடி

மூத்திரக் குழி - சிறுகதை

2007-06-28T09:56:00.000-06:00

மூத்திரக் குழி பத்தி எங்க ஊர்ல கொறஞ்சது முப்பது கதையாவது கேட்ருப்பேம். சின்னவயசுல பாம்படக் கெழவி சொன்ன கததான் மொதோமொதல்ல நாங் கேட்டது. வெத்தில போட்ட எச்சி தெறிக்க பாம்படக் கெழவி சொல்வா பாருங்க கத... சாய்ங்காலம் ஆத்தா தேடி வார வரைக்கும் அங்கனையே கெடப்போம்.

"அப்ப, கட்டபொம்மனுக்கு சமுத்திரம்னு ஒரு எதிரி இருந்தாம்." கெழவி சொல்லும். "சமுத்ரம் ஒரு கள்ளன். ராவெல்லாம் போய் களவாண்டுட்டு காலையில காணாமப் போவாங். கட்டபொம்மனுக்கு சேதி போச்சு. சமுத்திரத்த புடிக்க மாறுவேசத்துல அலஞ்சான் கட்டபொம்மன்.

ஒருநா சமுத்ரம் களவாணப் போவையில அங்கன ஒரு அழகானப் பொம்பளயப் பாத்தான். அழகுன்னா அவ்ளோ அழகு. கன்னமெல்லாம் பூப்போல இருந்துச்சு. கண்ணெல்லாம் வண்டுபோல ஓடுச்சு, அவ நடையும், ஒடையும்.. சமுத்ரம் மயங்கிட்டான். அவள எப்டியாவது புடிச்சிரணும்னு பின்னாலேயே போனாங். கொஞ்ச தூரம் கடந்த பொறவுதான் சமுத்திரம் கட்டபொம்மங் கோட்ட வாசல்ல வந்திருக்கோம்னு தெரிஞ்சுகிட்டான். அந்த அழகான பொம்புள கட்டபொம்மந்தான். அப்புறம் தப்பிக்க ஏலுமா?

பிடிபட்ட சமுத்ரத்துக்கு மரணம்னு விதியாச்சு. நம்ம மூழி மல இருக்குல்லா அந்த மல உச்சிலதான் அப்ப தலைய வெட்டுத மேட இருந்துச்சு. சமுத்ரத்துக்க கடசி ஆச என்னான்னு கட்டபொம்மங் கேட்டான். எந்தலய வெட்டும்போ அது எங்கன வுழுதொ அங்கன என்ன பொதைக்கணும்னான் சமுத்ரம். அட இவ்ளோதானான்னு சரிண்ணாங் கட்டபொம்மன். நெறஞ்ச பௌர்ணமி ராவுல ஊரே கூடி நின்னு பாக்கையில சமுத்ரந்தலய வெட்னான் ஏவலாளு. தல உருண்டு கீழ உளுந்துச்சு... அது கீழ அங்கன உளுந்து கெடக்கும்னு பாத்தா...தல மலையில உருண்டு கீழ வந்துட்டே இருந்துச்சு.. எல்லாரும் பின்னால ஓடியாராவ. தல உருளுது உருளுது உருண்டுட்டே இருக்கு. எல்லாருக்கும் ஆச்சரியம்ணா ஆச்சரியம். கடேசியா தல உருண்டு இங்க மூத்ரக்குழில இருக்க கெணத்துல வுழுந்துச்சு. கட்டபொம்மனும் அவங் கடேசி ஆசைய நெறவேத்தணுமேன்னு கெணத்துல பொணத்தபோட்டு மூடிட்டாங். அண்ணையிலேந்து அந்த எடத்துக்கு பேரு சமுத்ரக் குழின்னு ஆச்சு. நல்லா தண்ணி வந்துட்டிருந்த கெணத்துல தண்ணியே இல்லாம போச்சு. சமுத்ரக்குழிதான் பொறவு மாறி மாறி மூத்ரக் குழின்னு ஆச்சு."

பாம்படக் கெழவி சொல்லுத கதயில அந்தக் கெணறு இருக்கது மட்டுந்தான் உண்ம. கெழவிக்கு எப்டி இந்த கத தெரியும்னு யாருக்குந்தெரியாது. அவளா உண்டுபண்ணதா இல்ல அவளுக்கும் யாரோ சொன்னாவளான்னு யோசிச்சிருக்கேன். பாம்படக் கெழவி செத்தண்ணைக்கு இநதக் கதையுஞ் செத்துபோச்சி.

எங்க ஊர்ல வெளிக்குப் போற எடந்தாங்க மூத்திரக் குழி. சமுத்ரக் குழிங்கறதெல்லாம் கட்டுக்கத. கிராமத்துல கக்கூசா இருந்துச்சு? பக்கத்து ஊர்லயெல்லாம் அவனவன் வெளையில போயிருவானுவ. எங்க ஊர்ல வெளையெல்லாங்கெடையாது. ரெண்டே ரெண்டு பெரிய தெருதான். ரெண்டு தெருவுக்கும் நடுவுல மூத்ரக்குழி. சின்னக் குழியில்ல அது பெரிய எடம். காடு வளந்து கெடக்கும். பொதருக்கு நடுவுல பாழடஞ்ச கெணறு. கெணத்த தூரத்திலேந்து பாக்கத்தான் முடியும். பக்கத்துல போவமுடியாத அளவுக்கு முள்பொதரு. பாம்பும் ஓணானும் ஓடும். ராத்ரில ஒருத்தனும் போமுடியாது. அதுக்கு இருட்டு மட்டும் காரணமில்ல. மாடங்கோயில் பூசாரி சொல்த கததான் முக்கியமான காரணம்.

"திருவாங்கூர் மகாராசங்கிட்ட கரியாளுண்ணு ஒரு மந்த்ரவாதி இருந்தாங். மகா கெட்டிக்காரெய்ன். அவனுக்குத் தெரியாத மாந்த்ரீகமே கெடையாது. மழ வேணும்னா கொண்டு வருவான், போர்ல செயிக்கவெப்பாங், நோயக் கொணமாக்குவான், கரியாள் இருந்தவரைக்கும் மகராசாவுக்கு எதிரிண்ணு ஒருத்தனுமில்ல. நான் சொல்லுதது ஒரு அஞ்நூறு அறநூறு வருசத்துக்கு முன்னால. மனுசனுக்கு எந்த ஆச வந்தாலும் தப்பிச்சரலாம் பெண்ணாச வந்துச்சுண்ணா?" கண்ண உருட்டிட்டு எச்சரிக்கமாறி கேப்பாரு. "கரியாளு மகாராசாவுக்க மக மேல ஆச வச்சாங். அவள யாருக்குந்த் தெரியாம, அவளுக்கே தெரியாம மந்திர சக்தியால அடஞ்சான். அவளுக்கும் கொளந்த உண்டாச்சு.

மகாராசா யாரையெல்லாமோ சந்தேகப்பட்டாரு ஆனா கரியாள மட்டும் சந்தேகிக்கவேயில்ல. அவ்ளோ நம்பிக்க, பாசம். கரியாளு நேராக் கேட்ருந்தா மகளக் குடுத்ருப்பான் ராசா. கோவத்துல ராசா கரியாளக் கூப்டான். எம் மவளுக்கு இதச் செஞ்சவன் அணுவணுவா சாவணும்னாம். கரியாளுக்கு அரசனுக்குத் துரோகம் பண்ணிட்டோமேன்னு வருத்தமாப் போச்சு. நேரா போனான் அரசன்ட. 'ராசா ஒம்ம மவளக் கெடுத்தவன அழிக்கப்போறேன். ஆனா நம்ம நாட்டு எல்லைய உட்டு வெளியப் போனாத்தான் இதச் செய்யமுடியும். எனக்கு ஒரு குதிர தா'ண்ணான். ராசா குதிரயக் குடுத்தான். அன்னைக்கு ராத்ரி கரியாளு குதிரயில ஏறி நம்மூரு மூத்ரக் குழிக்கு வந்தான். அங்க வச்சி அவனோட பூசைய ஆரம்பிச்சாங். மந்திரஞ் சொல்லச் சொல்ல அவன் ஒடம்பு கொஞ்சம் கொஞ்சமா அழிய ஆரம்பிச்சுச்சு. இதுக்கெடையில ராசாவுக்கு சந்தேகம் வந்துச்சு. கரியாளு ஏன் எல்லைய விட்டுப் போறாண்ணு அவன் போன தெசைக்கு அவனத் தேடி வந்தாரு.

ராசா வரச்ச பூச உச்ச கட்டத்துக்கு போயிட்டிருக்கு. வேண்டாம் வேண்டாம்னு கெஞ்சுறாரு ராசா. ஆனா... கரியாளு ஒடம்பு அழிஞ்சுபோச்சு. கரியாளு மந்த்ரவாதி செத்த பெறவு அவனோட மொத்த ஆயுதமெல்லாம் அங்கனையே சுத்திட்டிருக்கு. ராத்ரியில அங்கன சத்தங் கேக்கதும், கூத்தும் கும்மாளமும் நடக்கதும் அதுக செய்யதுதாம்ப்டே."

பூசாரிக் கத சொல்லையில அவரு மொகத்தப் பாத்துக் கேட்டியண்ணா இன்னும் பயந்துருவிய. கெடா மீச ஆடும், அவரு புருவமே மெரட்டுத மீசதான், பெரீய கிர்தா, நீண்ட தலமுடி தேகமெல்லாம் முடி, கம்பீரமான ஆளு. ஒரு கட்டத்துல கண்ண ஒரு உருட்டு உருட்டுவாரு, அப்பவே கரியாளு இவர்தானோண்ணு தோணும்.

மந்த்ரவாதியோட ஆயுதம்ணா கத்தி கபடாயெல்லமில்ல. அதெல்லாம் குட்டி பிசாசுவ. அவன் ஏவலுக்கு காத்துருந்து சொல்றதச் செய்யுற குட்டி பிசாசையெல்லாம் ஆயுதம்ணு சொல்வாவ.

நான் சின்னதாயிருக்கும்போ ஊர் தெருவுல வெளக்கெல்லம் கெடையாது. ஏழுமணிவாக்குல செமையா இருட்டிரும். அங்கன பண்ணையார் வீட்டு முத்தத்ல லாந்தருக்கு கீழ ஒக்காந்து ஊர் பிள்ளவ எல்லாம் படிக்கும். அந்த இருட்ல மூத்ரக்குழி பக்கம் யார் போவா? அதனால கரியாளு கதைய ஊர்ல நம்பவேண்டியதாத்தான் போச்சு.

இதுல அவனவன் கற்பனையும் சேந்துரும். நேத்து ராத்ரி பனமரம்போல ஒரு ஆளு நட்ந்து போச்சுண்ணு ஒருத்தஞ் சொல்வான், இன்னொருத்தன் முதுவுல யாரோ அடிச்ச மாறி இருந்துச்சு, திரும்புனா யாருமேயில்லம்பான், அந்தப் பக்கம் போனா எருக்கம் வாசன வருதும்பான், ஒருத்தஞ் சூடம்ணு சொல்வாங். ஆனா எனக்கு நம்பிக்கயில்லாமயிருந்துச்சு, எந்தாத்தா சாவுற வரைக்கும்.

அப்போ எனக்கு ஏழெட்டு வயசிருக்கும். 1965ன்னு நெனைக்கேன். விடியக்காலம். எங்க ஆத்தா ஒப்பாரி சத்தம் கேக்க முழிச்சேன். "எல ராசா. ஒங்க தாத்தா மூத்ரக் குழியில செத்து கெடக்காம்."ணா. எப்டி ஓடுணேன்னே தெரியாது புதரத்தாண்டி கல்லு முள்ளு பாக்காம ஒட்டிப் போனேங். கெணத்தடி பொதருக்குள்ள தாத்தா செத்து கெடந்துச்சு. வாயில கொஞ்சம் ரத்தம் ஒறஞ்சுபோயிருந்துச்சு. கண்ணு பெருசா யாரையோ பயத்துல வெறிச்சு பாத்தமாறி, கழுத்துல கருஞ்செவப்பா தோலு சுருங்கியிருந்துச்சி. எங்கப்பா கல்லுல உக்காந்து அழுதிட்டிருந்தாவ. என்னக் கூப்ட்டு பக்கத்துல நிக்கவச்சி கட்டி புடிச்சாவ. "தாத்தாவப் பாத்தியால?"ண்ணு அழுதுட்டே கேட்டாவ. பெறவு விசும்பிட்டே இருந்தாவ.

ஊரெல்லாம் இதாம் பேச்சு. மாவெளையான் பேய் நெரிச்சு செத்துட்டாண்ணு சொன்னாவ. அண்ணையிலேந்து இருட்டுனதுக்கப்புறமா மூத்ரக்குழி பக்கமே போமாட்டேன். தாத்தாவ பேயடிச்சுச்சுன்னு ஊர்ல எல்லாரும் இண்ணை வரைக்கும் பேசுவாவ.

ஒரு நாலு வருசத்துக்கு முன்னால ஒரு தற்கொல கேஸ் விசயமா பெரியாஸ்பத்ரி பொண அறைக்குப் போவேண்டியிருந்துச்சு. அங்க டாக்டர் நமக்கு தெரிஞ்ச ஆளு. ரெண்டு மூணு கேசக் காமிச்சாரு. அப்ப ஒரு பொணத்த பாத்தேன். அப்டியே எந்தாத்தா செத்த கணக்குலேயே கெடந்துச்சு. அதே முழி, வாயில ரத்தம் எந்தாத்தனுக்கு கழுத்துல இருந்தாப்ல செவப்பா தடம். டாக்டர்ட கேட்டேன் 'என்ன கேஸ் இதுண்ணு'. 'கழுத்த நெரிச்சு கொன்னுசுக்காங்கப்பா'ண்ணாரு. மூத்ரக்குழி பேயடிச்சு எந்தாத்தா செத்ருக்க வாய்ப்பில்லண்ணு தெரிஞ்சது. எந்தாத்தா செத்து கொஞ்ச நாள்லயே அப்பாவுக்கும் சித்தப்பாவுக்கும் தகறாறாயிருந்துச்சு. கூட்டி கழிச்சா தாத்தாவக் கொலதான் செஞ்சிருப்பானுவ. ஊர்ல இருந்த பேய் பயத்துல இதையெல்லாம் யாரு பாக்கா. அப்ப போலிஸ் ஸ்டேசனெல்லாம் டவுன்லதான் இருந்துச்சு. ஊர்ல வெட்டு குத்துன்னாலே போலிசுக்கு தெரியாது. கெழவன் செத்ததையா பாக்கப்போறானுவ? யாரு கொன்னதுண்ணு இப்பவா தேட முடியும்? எங்கப்பனாகூட இருக்கலாம்.

அந்த நாத்தம் புடிச்ச மூத்ரக் குழிக்கு இத்தன கதையாண்ணு யோச்சிச்சிருகேன். மாதாக் கோயில் சாமியார் ஒருத்தருண்டு. பேரு எரோணிமூஸ். பக்தியான ஆளு. எங்ககிட்ட நல்லா பழகுவாரு. அவர் காலத்துலதான் மாடன் கோயில் திருநாளைக்கு கீழ தெருவுல மாதா கோயில் வரைக்கும் லைட் போடுத பழக்கம் ஆரம்பிச்சுது. அவரு ஒரு மூத்ரக் குழி கத சொல்வாரு.

1600வாக்குல இங்கனோடி ஒரு வெள்ளக்கார சாமியாரு வேதம் பரப்பிட்டே போனாராம். அவரு இங்கோடி வரையில பயங்கர தாகம் எடுத்துச்சாம். அப்ப மூத்ரக்குழி இருக்க எடத்துலயெல்லாம் வயக்காடாம். வயலுக்கெல்லாம் அங்க இருந்த ஒத்தக் கெணத்துலேந்துதான் தண்ணியடிப்பாவளாம். அப்ப அந்த சாமியாரு இந்த கெணத்துபக்கமா வந்து தண்ணி கேட்ருக்காரு. ஆனா ஊர்க்காரனுவெல்லாஞ்சேந்து தண்ணி குடுக்கமாட்டேன்னுட்டாவ. அந்த சாமியாரும் கண்ண மூடிட்டு மந்திரம் சொல்லிட்டு சிலுவையத் தூக்கி காட்னாராம். எல்லார் கண்ணுமுன்னாலயும் கெணத்து தண்ணி வத்திப்போச்சாம். அண்ணையிலேந்து அந்தக் கெணத்துல தண்ணியிலாமப் போவ, வயக்காடெல்லாம் கருவேலங்காடாச்சுன்னு சொல்வாரு எரோணிமூஸ்.

இந்தக் கத நல்லாயிருக்கேண்ணு நம்ம இஞ்சினியர் பயகிட்ட கேட்டேன். ஒரு சிரி சிரிச்சான். "மாமா. இந்த எடத்துல வயக்காடு இருந்ததுக்கு எந்த ஆதாரமும் இல்ல. அந்தக் கெணறு இருக்கே அது தோண்டி, இங்க தண்ணி வராதுண்ணு பாதில மூடிட்டானுவ. இப்பவும் அங்கோடி தேடுனா தண்ணியே கெடைக்காது"ம்பான்.

இப்டியாபட்ட மூத்ரக்குழி, என் தாத்தனுக்கு நெனவு தெரிஞ்ச நாள்லேந்தே ரெண்டு தெரு மக்களும் காலையில வெளிக்கு ஒதுங்குற எடமாத்தான் இருந்துச்சு.

அவனப் புடிச்சி இவனப் புடிச்சி 11 வருசத்துக்கு முன்னால, எங்க ஊர்வழியா பஸ் வுட்டானுவ. பஸ்ல வர்ற போற வெளியாட்கள் எல்லாரும் இந்த எடம் வந்துச்சுண்ணா மூக்கப் போத்திக்கிருவானுவ. எங்களுக்கு சங்கடமாயிருந்தாலும், ஊர் பயவ ஒதுங்க ஒரு எடம் வேணுமே?

அப்ப ஒருநா, நம்ம மஸ்கத் பண்ணையார் அங்க ரோட்டோரமா சைக்கிள உருட்டிட்டு வந்தாங். பண்ணையார்னா யாரோ எவரோன்னு நெனைக்காதிய. எங்கூட படிச்ச பய. கஞ்சப்பய. அப்பந்த் தாத்தன் சேத்துவச்ச சொத்த வச்சு பொழப்பு நடத்துதான். ஆனா எங்கூட நல்லா பழகுவான். வேல வெட்டி இல்லாததால சைக்கிள்ள போயி தோப்பு தொறவ பாத்துட்டு எங் கடைக்கு வந்து கத பேசுததுதான் அவன் பழக்கம். எதுல உட்டென்.. ஆங் பண்ணையாரு சைக்கிள உருட்டிட்டு வரும்போது 19ஆம் நம்பர் பஸ்லேந்து எவனோ மூத்ரக்குழியப் பாத்து காறித் துப்பிட்டான். அது நேரா மஸ்கத் பண்ணையார் மூஞ்சில போய் பட்டுச்சு. அண்ணைக்கு கடைக்கு வரும்போதே கெட்டவார்த்தயால அறுத்துட்டே வந்தான். எல என்னாச்சுண்ணேன். சொன்னாங். 'இந்த மூத்ரக் குழிய தூக்கணும்ல'ண்ணான்.

நானும் அவனும் போயி எம் எல் ஏவப் பாத்து பேசுனோம். அவன் பண்ணையாருக்கு தூரத்து சொந்தம். ரெண்டுவாரங் களிச்சு வாங்கண்ணான். போனோம். அண்ணாச்சி அந்த எடம் பூரா பொறம்போக்கு நெலந்தாண்ணான். இப்ப ஆட்கள் ஒதுங்குற எடத்த திடீர்னு தூக்க ஏலாது. அங்கன மொதல்ல ரெண்டு கக்கூஸ் கட்டுவோம். பெறவு பாக்கலாம்ணான். ரெண்டு மாசத்துல கீழ தெருவுல ரெண்டு செட்டு மால தெரிவுல ரெண்டு செட்டுன்னு அரசாங்க கக்கூஸ் கட்டி உட்டானுவ. ஊர்ல திருவிழா கணக்கா கொண்டாடுனாவ.

எம் எல் ஏ வந்திருந்தான். அப்ப ஒரு விசயஞ் சொன்னான். 'அண்ணாச்சி. இந்தப் பக்கத்துல நல்ல ஸ்கூல் எதுவும் இல்ல. ஊர்ல மூத்ரக் குழிய ஒதுக்கித் தந்தா ஒரு ஸ்கூலக் கட்டிரலாம்ணான்'. ரெண்டு தெருவுஞ் சேந்து முடிவெடுத்து இனி மூத்ரக்குழில ஒதுங்கக்கூடாதுன்னு முடிவெடுத்தோம். ஊர் கெணத்துலேந்து டாய்லெட்டுக்கு தண்ணி வசதியெல்லாஞ் செஞ்சோம். சுகாதார ஆபீஸ்லேந்து டாய்லெட்ல எப்டி போவணும்னு படமெல்லம் போட்டு காமிச்சானுவ.

அடுத்த ரெண்டு வருசத்துலேயே மூத்ரக்குழி இருந்த எடத்துல ஒரு உயர் நிலைப்பள்ளி வந்துச்சு.

அரசு உயர்நிலைப்பள்ளின்ன யாரும் அதக் கூப்பிடுறதில்ல. மூத்ரக்குழி பள்ளிக்கூடம்னுதான் கூப்டுதானுவ.

நன்றி: தமிழோவியம்

ஹிந்து + ஆர் எஸ் எஸ்

2007-06-27T08:47:00.000-06:00

தற்செயலாய் பார்த்த விபரம். ஹிந்து நாளிதள் செய்திகளுக்கும் பிற வெளியீடுகளுக்குமான RSS ஓடைகளை உருவாக்கியுள்ளது. Pageflakes.com அல்லது பிற RSS சேவைகளாஇ பயன்படுத்தி உங்களுக்கென ஒரு ஹிந்து நாளிதளை நீங்களே தினசரி வெளியிடலாம். நண்பர்களுடனும் பகிர்ந்து்து கொள்ளலாம்.

http://www.hindu.com/thehindu/rss/index.htm

எனக்கென நான் உருவாக்கியுள்ள ஹிந்து நாளிதள்

RSS குறித்த என் பதிவுகள
்
RSS தான் சிறந்தது - 1
ஒரு ஓடை நதியாகிறது - 2

மரமாய் வளர்ந்த செடி - என் முதல் ஆன்லைன் குறும்படம்

2007-06-26T08:16:00.000-06:00

சிகாகோ பூங்காவில் நான் எடுத்த குறும்படம். புகைப்படங்கள் பாத்தீங்கல்ல?

பூங்காவும் நானும்

2007-06-25T13:53:00.000-06:00

சிகாகோ தாவரவியல் பூங்காவில் எடுத்த சில புகைப்படங்கள்

பார்த்த ஞாபகம் இல்லையோ பாகம் - 9

2007-06-21T15:16:00.001-06:00

9 எனக்கு ராசி நம்பர். அதான் 9வது பாகம் எங்கிட்ட வந்திருக்கு. சிந்தாநதி சிம்பிளா ஒரு ஆரம்பத்தப் போட்டு நடையக் கட்டிட்டாரு அதன் பிறகு கதையின் கேரக்டர்கள போட்டு பதிவர்கள் பொம்மலாட்டம் நடத்திட்டு வர்றாங்க. எங்க போய் முடியப் போகுதோ. கதையின் முந்தைய பாகங்கள் இதோ..

சிந்தாநதி'யின் ஞாபகம் -1
வெட்டிப்பயல்'ன் ஞாபகம் -2
CVR'ன் ஞாபகம் 3
ஜி'யின் ஞாபகம் - 4
இம்சை அரசியின் ஞாபகம் - 5
வைகை ராமின் ஞாபகம் - 6
தேவின் ஞாபகம் - 7
ஜி. ராவின் ஞாபகம் - 8

முன்கதை சுருக்கம்
ரோட்டோரத்தில் வரும் போகும் பேருந்துகளைப் பார்த்துக் கொண்டிருக்கிறார் பொன்னுச்சாமி. பத்து வருடங்களுக்கு முன்னர் ஓடிப்போன மகளைப் பற்றி ஒரு செய்தி. அதான் வந்திருக்கிறார். காவேரி அவர் மகள். பள்ளிக்கூடத்தில் உடன் படித்தவன் வினோத். நல்ல பையன். ஒரு நாள் காதல் என்று உளற...நட்பு மறைகிறது. பட்டினம் போகிறாள் காவேரி. பொறியியல் படிக்க. அங்கு நண்பர்களாகிறார்கள் உமாவும் வசந்தும். வசந்தின் மீது ஒரு வித நட்பு கலந்த காதலில் இருக்கிறாள் காவேரி. உமா யாரையோ காதலிப்பதாகவும் அறிமுகப் படுத்த விரும்புவதாகம் உமாவை அழைத்துச் செல்கிறாள். அது பழைய வினோத். அப்பொழுது பூக்கொத்தோடு காவேரியிடம் தன்னுடைய காதலைச் சொல்கிறான் வசந்த்.
கதை மீண்டும் காத்திருக்கும் பொன்னுசாமிக்கு திரும்புகிறது. அவரை வினோத் சந்திக்கிறான். காவேரியும் அவர் பேத்தியும் இருக்குமிடத்தொற்கு கூட்டிச் செல்வதாக அவரை காரில் அழத்துச் செல்கிறான் வினோத்.

பார்த்த நியாபகம் இல்லையோ பாகம் - 9

கார் வயல்வெளிச் சாலையத் தாண்டி பிரதான சாலைக்கு வந்தது. குளிரூட்டியை இயக்கினான் வினோத். காருக்குள் மின் விசிறியின் மெல்லிய சப்தம் கேட்டுக்கொண்டிருந்தது. எண்ணற்ற கேள்விகள் நிறைந்த மௌன இடைவெளியில் வினோத்தும் பொன்னுசாமியும் வெகுதொலைவில் பிரிந்திருந்தனர்.

"மாமா." மௌன இடைவெளியின்் மோனக் கூக்குரலாய் அவன் விளிப்பு ஒலித்தது. சின்னசாமி அதற்குள் உறங்கிவிட்டிருந்தார். 'இரவு தூங்கியிருக்க் மாட்டார்' வினோத் நினைத்தான். நினைவுகள், தன் வாழ்வை மாற்றிப்போட்ட அந்த நாளை நோக்கித் திரும்பின.

"வினோத் என் ஃப்ரெண்ட் காவேரிகிட்ட வசந்த் ப்ரொப்போஸ் பண்ணப் போறான்."

"நிஜமாவா? வாவ்."

"என்ன நல்ல பொருத்தம் தெரியுமா. நம்ம விட அவங்கதான் ஐடியல்."

"அது எனக்கு அப்பவே தெரியுமே." சிரித்தான்.

"டேய். இப்ப நல்ல மூட்ல இருக்கேன் சண்டைய கெளப்பாத. நாளைக்கு ஒரு காதல் உருவாகப் போகுது. வசந்தப் பாத்தாவது ரொமாண்டிக்கா இருக்கிறது எப்டீன்னு கத்துக்க."

"ரொமான்ஸ் ஃபார் இடியட்ஸ் புக் எழுதியிருக்காரா அவரு?"

"இடியட்டுன்னு ஒத்துகிட்டியே."

"இல்லண்ணா ஒன்ன கா.... ஏ கிள்ளாத? நாம நாலு வரி பேசுனா அஞ்சாவது வரி சண்டதான்."

"நாளைக்கு ஈவினிங் ஷோ. சத்யம் காம்ப்ளெக்ஸ். காதலன். மறக்காம வா."

"ரெண்டுபேர் அசடு வழியுறதப் பாக்க கட்டாயம் வருவேன்."

அடுத்த நாள்.

"டேய் மச்சான் நான் லெட்டுடா ஏற்கனவே. உமாவப் பத்தி ஒனக்குத் தெரியும்ல. ப்ளீஸ் மச்சான் வண்டி வேணும்டா."

"டேய் பக்கத்துலதான் இருக்கேன் வந்துருவேண்டா?"

'என் பைக்க கேக்குறதுக்கே கெஞ்ச வேண்டியிருக்குது!'. இரவல் வாங்கிப்போன பைக் வந்து கிளம்புவதற்குள் லேட் ஆகியிருந்தது. உமா சொன்ன இடத்திற்கு வரும்போது அங்கே...அது... 'இவளா! இந்தக் காவேரியா உமா சொன்ன காவேரி?'

உமா காவேரி புராணம் பாடும்போதெல்லாம்... அவள் கவிதைகளை வாசித்தபோதெல்லாம் எப்படி புரியாமல் போனது என நொந்துகொண்டான் வினோத். தன் தோழியை மீண்டும் கண்டுகோண்டதில் மகிழ்ந்தான். 'உமாவுக்கு செம சர்ப்ரைஸ் இண்ணைக்கு.'

வசந்த் தந்த பூவைக் கையில் ஏந்தியபடி வினோத்தையே பார்த்துக்கொண்டிருந்தாள் காவேரி. வினோத்தா வசந்தா யாரிடம் முதலில் பேசுவது?
"வினோத்... ஏ வினோத்...எப்டி இருக்க ஆளே மாறிட்ட."

எதிரே வரும் வினோத்தை நோக்கி அடியெடுத்து வைத்தாள். கையிலிருந்த பூ ரோட்டில் விழுந்தது. எடுக்க கீழே குனிந்தவள் செருப்பு தடுக்கி ரோட்டில் விழுந்தாள். "காவேரீ..." வசந்த, உமா, வினோத்தின் கூக்குரலின் மத்தியில் தண்ணி லாறி காவேரியை இடித்து தூக்கிப் போட்டது.

ஐ.சி.யுவில் ஒரு வாரம் கழிந்தது. காவேரி சகஜ நிலைக்குத் திரும்பியிருந்தாள்.

டாக்டர் வசந்த், உமா, வினோத்தை அழைத்திருந்தார். அறையில் இரு டாக்டர்களும் நண்பர்கள் மூவரும் உட்கார்ந்திருந்தனர்.
"உங்கள்ல யாராவது காவேரியோட ரிலேட்டிவா?" டாக்டர் கேட்டார்.

"இல்ல. நான் ரூம் மேட். க்ளோஸ் ப்ரண்ட். வினோத் அவளோட ஸ்கூல் ஃபிரெண்ட். வசந்த் அவளோட பாய் ஃப்ரண்ட்." உமா சொன்னாள்.

"ம். பைத வே. இவர் டாக்டர் மாயன். சைக்கியாட்ரிஸ்ட். பொதுவா தலையில அடி பட்டவங்களுக்கு சைகியாட்ரிக டெஸ்ட் செய்வோம்."

"எனிதிங் ராங்்்? அவ நார்மலாத் தெரியுறாளே?" வசந்த் சொன்னான்.

"ஆமா. உடல் ரீதியா ஷீ லுக்ஸ் நார்மல்."

"அப்டீன்னா?"

"ஷீ ஹாஸ் பார்ஷியல்் அம்னீஷியா."

மூவரும் உறைந்து போய் உட்கார்ந்திருந்தனர்.

"பழசு பலதும் அவங்களுக்கு நியாபகமில்ல. அவங்க அப்பா பேரக் கூட ஒரு சில நேரந்தான் நியாபகம் வச்சிருக்காங்க. கொஞ்சம் டிபிக்கல்ட் கேஸ்தான்."

"கடவுளே." உமா கண்கள் நிறைந்திருந்தன.

"அவ நினைவுல இருக்கிற ஒரே ஆள் வினோத்தான்."

"வினோத்தா?" வசந்த் அதிர்ந்துபோனான்.

"யெஸ். பள்ளித் தோழன் வினோத். சின்ன வயசுல அவளோட அப்பாவுக்கடுத்ததா நெருங்கிப் பழகிய முதல் ஆண் வினோத். அது அவளுக்குள்ளால ஆழமான பாதிப்ப ஏற்படுத்தியிருக்கு. வினோத்தோட காதல ஏத்துக்காமப் போனதப் பத்தி ரெம்ப பீல் பண்ணியிருக்கா. அவளோட கவிதகள்ல அவ ஏங்கி அழக்கூடிய நட்பு வினோத்துடையதுதான்." டாக்டர். மாயன் தொடர்ந்தார்்.

"ஆனா பிரச்சன வினோத்த பிரிஞ்சதோ அவனோட நினைவுகளோ இல்ல? இப்ப அவ வினோத்தான் தன் காதனண்ணு நம்பிகிட்டிருக்கா. சொல்லப்போனா வினோத்த பிரிஞ்சதுலேர்ந்தே அவனோட ஒரு கற்பனை உலகத்துல வாழ்ந்துகிட்டிருக்கா. இப்ப அந்த கற்கனைகள் நிஜமாயிடுச்சு. வினோத் இஸ் ஹெர் பாய் ஃப்ரெண்ட். இத அழமா நம்புறா."

"வசந்தோட நல்லா பழகினாளே டாக்டர்." உமா குழப்பத்துடன் கேட்டாள்.

"ம். அது வினோத்துடைய குணங்கள் வசந்த்கிட்ட இருந்ததால இருக்கலாம். அல்லது வசந்த வினோத்தா அவ கற்பனை செய்திருக்கலாம். ஷி இஸ் எ க்ரியேட்டிவ் பெர்சன். சிலருக்கு கற்பனைசக்தி தங்களோட தினசரி பிரச்சனைகளை சமாளிக்கவும், மனத ஸ்திரமா வச்சிருக்கவும் உதவுது."

"உங்க மூணுபேரப் பத்தியும் ஓரளவு எனக்கு தெரிஞ்சதால டாக்டர் மாயன வச்சி பேசலாம்ணு முடிவு செஞ்சேன்."

"இதுக்கு ட்ரீட்மெண்ட்."

"லாங் டெர்ம். ரெம்ப நாள் ஆகலாம். ஆனா அதுவரைக்கும் காவேரியோட கற்பனை உலகத்த கலைக்கக் கூடாது. உண்மைகள அவளால ஜீரணிக்க முடியாமப் போயிடுச்சுண்ணா. இட் மைட் பி ஃபேட்டல். உயிரே கூடப் போகலாம்".

"அப்ப..?"

"அவள வினோத்தால.. வினோத்துடைய காதலால மட்டுந்தான் காப்பாற்ற முடியும். காவேரிக்கு இப்ப இருக்கிற முழுமையான நினைவு அல்லது கனவுண்ணும் சொல்லலாம், வினோத்த பத்தினதுதான்."

உமா வினோத்தின் கையைப் பற்றி அழ ஆரம்பித்தாள். வினோத் அவளை மெலிதாய் அணைத்திருந்தான். வசந்த் கண்களில் கண்ணீர் கசிய ஆரம்பித்திருந்தது.

==================================================>>>>>>>>

நண்பர்களே

இந்த தொடர்கதை மூலம் ஒரு புதிய முயற்சி.
இந்தக் கதை தொடர்கதையாக வலைப்பதிவு சங்கிலி வழியாக எடுத்துச் செல்லப் படும்.

இந்த தொடரின் அத்தியாயங்களை வெவ்வேறு பதிவர்கள் தொடர வேண்டும்.

இதே தலைப்பில் தொடர் எண் இட்டு எழுதப் பட வேண்டும்.

ஒவ்வொருவரும் கதையை எழுதி இந்த குறிப்பை இறுதியில் இட்டு அடுத்து தொடர இன்னொருவரை அழைக்க வேண்டும்.

இந்த வித்தியாசமான முயற்சிக்கு தோள் கொடுக்க வாருங்கள்.

அடுத்ததாக பத்தாவது பகுதியை எழுத சேவியரை அழைக்கிறேன்.

அன்புடன்,
சிறில் அலெக்ஸ்

7க்கும் 9க்கும் நடுவில்

2007-06-21T10:23:00.000-06:00

7 ஏன் பயங்கரமான நம்பர் தெரியுமா?
ஏண்ணா seven ate nine.

இப்ப வலைப்பதிவுல 8 போட்டாத்தான் லைசன்ஸ் குடுப்பாங்களாம். சேவியர் அவர்கள் அன்பாய் அழைத்ததன்பேரின் என்னைப் பற்றி 8 குறிப்புக்கள்.

என்னத்த சொல்ல. பலமுறை சொல்லியாச்சே... சரி ரிப்பீட்டானா மன்னிச்சுருங்க.

1. பிறந்து வளர்ந்தது கன்னியாகுமரி மாவட்டத்தில் அழகிய கடற்கரை கிராமம் முட்டத்தில். முட்டம் போன்ற ஒரு எளிய கிராமத்திலிருந்து வந்து எங்களாலேயும் கலக்க முடியும்ணு காமிக்குறோம்ல. அதான் பெருமையான விஷயம்.

2. ரெம்ப மிஸ் பண்றது எங்க ஊரத்தான். என்னதான் சிக்காகோ சியாட்டல்னு சுத்துனாலும் நம்ம சொந்த ஊர்ல இருந்தக் காலங்கள் மறக்க இயலாதவை. இப்பவும் சினமா எதுலையாச்சும் முட்டம் காண்பிச்சாங்கண்ணா நினைவுகள் 'அடி ஆத்தாடீ'ன்னு பறந்துடும்.

3. திருப்பத்தூர் டான் போஸ்கோ பள்ளிக்கூடத்துல +1 & +2 படிச்சத மறக்க முடியாது. பள்ளியில கிட்டத்தட்ட ஒரு ஹீரோ அந்தஸ்த்து கெடச்சது. அங்க நடந்த எல்லா நிகழ்ச்சிகள்லேயும் நான் மேடையில இருப்பேன். மேக் அப் போட்டுகிட்டோ அல்லது இல்லாமலோ. நான் மேடைக்கு வந்ததும் கூட்டம் தன்னாலே சிரிக்கும். அருமையான ஆசிரியர்கள். ஒரு தோழனப் போல வளர்த்து விட்டாங்க. நான் மீண்டும் போக விரும்பும் ஒரு இடங்களில் ஒன்று என் பள்ளிக்கூடம், டான் போஸ்கோ, திருப்பத்தூர்.

4. பள்ளிக்கூடப் போட்டிகளில் வெற்றிபெற்றிருந்தாலும் 15 வருஷமா ஒண்ணுமே எழுதாம பின்பு வலைப்பதிய ஆரம்பிச்சேன். அதற்கு வழிகாட்டி ஆதரவளித்தவர்களுக்கு நன்றி. ஒரு சிறந்த அனுபவமா, அங்கீகரிப்பா அமைந்துவிட்டது பதிவுகள். இணைய போட்டிகளில் கிடைத்த வெற்றிகள் பெருமைக்குரியவை. தேன்கூடு போட்டிகளில் முதல் பரிசு இரண்டாம் பரிசுன்னு இருமுறை கிடத்தது. தமிழ் சங்கத்தின் கவிதைப்போட்டியில் முதல் பரிசு, அன்புடன் குழுமத்தில் என் பாட்டுக்கு கிடைத்த 2ஆம் பரிசு. சுவையான, ஊக்கமூட்டும் அனுபவங்கள்.

5. கடந்த ஏப்ரல் 22ல் நடந்த வலைப்பதிவர் சந்திப்பு அருமையான அனுபவம். பதிவுலக மக்களை சந்திக்க கிடைத்த அரிய வாய்ப்பு. மக்கள் தொலைக்காட்சி பேட்டி, தினகரன்ல படம்ணு அமர்களமாயிடுச்சு வேற. இன்னும் பெரிய நிலையை நோக்கி நாம (பதிவர்கள்) பயணிக்கணும் மக்களும், ஊடகமும் நம்மைத் தேடி வரவேண்டும். இந்த சந்திப்பில் என்னுடைய எழுத்தை மக்கள் எப்படி உணர்ந்திருக்கிறார்கள் என நேரடியா தெரிய முடிந்தது. பாலபாரதி, வரைவனையான், லக்கிலுக், ரோசாவசந்த், நாமக்கல் சிபி, பொன்ஸ், பாஸ்டன் பாலா, பிரகாஷ், வடுவூர் குமார், பாலராஜன் கீதா, சுகுணா திவாகர், ஓகை, மோகன்தாஸ், கிருபா ஷங்கர், தருமி, ஓசை செல்லா, நவீன், தங்கவேல், ஜி.ரா, கௌதம், இன்னும் பல நண்பர்களையும் சந்திக்க முடிந்ததுல ரெம்ப மகிழ்ச்சி. முதலில் வந்த தொலைபேசி அழைப்புக்களிலேயே ரெம்ப ஆடிப்போயிட்டேன். இணைய நண்பர்கள் இனிய நண்பர்கள்.

6. இன்னொரு பெருமை தரும் விஷயம் சற்றுமுன். இதற்கு நான் முழுமையான காரணம் அல்ல. நண்பர்கள் சும்மா அசுர வேகத்தில் சற்றுமுன்னை வளத்துட்டாங்க. இப்ப பேரச் சொன்னாலே அதிருதுல்ல. :) (thought only spoils the life) சற்றுமுன் விரைவில் இன்னும் பெரிதாக செயல்பட வேண்டிய முயற்சிகளை எடுக்க திட்டம் இருக்கிறது். சென்னை வந்தபோது பாலபாரதியின் ஆபீசுக்கு போயிருந்தேன். (அத ஆபீஸ்னு சொல்லலாம்முங்களா?) அங்க ஒருவர் தீவிரமா சற்றுமுன் வாசித்துட்டிருந்தார். அப்பத்தான் எனக்கு இதன் வெற்றி முதன் முதலாய் புரிந்தது.

விளம்பர இடைவெளி: சற்றுமுன் போட்டிக்கு உங்கள் படைப்புக்களை அனுப்பிவிட்டீர்களா?

இன்னும் ரெண்டு பாயிண்ட் எழுதணுமா? ஹையோ...

7. எனக்கு பிடித்த உணவுன்னா மீன்வகைகள்தான். (வேற என்னவாயிருக்க முடியும்?) நண்டு எறால் மீனுண்ணு ஒரு கட்டு கட்டிட்டிருந்த என்ன டையபட்டீஸ் இருக்குண்ணு கட்டி போட்டுட்டாங்க. இப்பெல்லாம் ரெம்ப யோசிச்சு சாப்பிடவேண்டியிருக்கு. இனிமையானவன்ணா டையபட்டீஸ் உள்ளவண்ணு அர்த்தமா? என்ன இருந்தாலும் உடம்ப வெயிட்ட குறச்சிட்டு அளவா சாப்பிட்டு கொஞ்சம் உடற்பயிற்சி செய்வதுல ஒரு ஆனந்தம் இருக்குது. சும்மா பதிவேண்ணு இருக்காம இப்பெல்லாம் காலையில அரைமணி நேரம் ஜாகிங் சாயங்காலம் டென்னிஸ். ஆபீஸ் சீட்ல உக்காந்து கால ஆட்றதெல்லாம் எக்சர்சைஸ் இல்லையாம்..

8. நான் இப்டி இணையத்துல ஓரளவு தெரியப்பட்ட பதிவர் என்பதை என் மனைவியத் தவிர என் குடும்பத்தில் யாரும் முழுதாய் உணரவில்லை. மக்கள் டிவி பேட்டியைக் கூட என் பெற்றோர் முழுதாய் பார்க்கவில்லை. இது ஒரு சுவாரஸ்யமான தகவல்ணே சொல்லலாம். தோராயமா ஏதோ நான் எழுதுறேன் என்கிற தகவல்தான் அவங்களுக்கு தெரியும். அவங்களும் படிக்க ஆரம்பிச்சுட்டா கூச்சமாப் போயிரும் எனக்கு. :)

அப்படா ஒரு ்வழியா வழியா 8 போட்டுட்டேன். அடுத்து 8 பேரக் கூப்பிட்டு சங்கடத்துல ஆழ்த்தணுமாம்.

1. புளியமரம் தங்கவேல்்
2. விவசாயி இளா
3. நிர்மல்
4. சிவபாலன்
5. சர்வேசன்
6. மணியன்
7. கவிதா(33% இட ஒதுக்கீட்டில்*)
8. அருட்பெருங்கோ

* இட ஒதுக்கீடு அணிலுக்குத்தான் கவிதாவுக்கல்ல :)

விளையாட்டின் விதிகள்:

1. ஆடுபவர் தன்னைப்பற்றிய 8 தகவல்களை எழுத வேண்டும், அதன் கீழ் இந்த விதிகளையும் எழுதவேண்டும்.

2. தொடர்ந்து எட்டுபேரை இந்த விளையாட்டிற்கு அழைக்க வேண்டும்; அவர்களுக்கு இந்த அழைப்பைப் பற்றி அறியத் தரவேண்டும்.

3. தொடர்பவர்(கள்) இதேபோல் எட்டு தகவல்களையும், விதிகளையும் எழுதி வேறு எட்டுபேரை அழைக்க வேண்டும்

செல்வம் - சிறுகதை

2007-06-20T15:37:00.000-06:00

ரெம்ப நாளைக்கப்புறம் ஒரு சிறுகதை எழுதினேன். இந்த வார தமிழோவியத்தில் வந்துள்ளது

செல்வம்.
-------------------------------

'மதுரை 20 கி.மீ'. ஊரை விட்டு வெகுதூரம் வந்துவிட்டதை உணர்ந்தான் செல்வம். காலையில் வாங்கிய அடி இன்னும் முதுகில் வலித்தது. அல்லது வெறும் தோன்றலா தெரியவில்லை. 'மதுரையில எறங்கி ஊருக்குத் திரும்பப் போயிரலாமா' யோசித்தான். சட்டை பாக்கெட்டில் இருந்த காசை எடுத்து கால்சட்டை பாக்கெட்டில் வைத்துவிட்டு பேருந்தின் சன்னலோரம் தலை சாய்த்தான். விழிக்கும்போது தாம்பரம் வந்திருந்தது.

விடியலிலேயே பரபரப்பாகிவிட்ட சென்னையை வேடிக்கைபார்த்துக்கொண்டிருக்கையில் இங்கே காணாமல் கரைந்து போய்விடலாம் எனும் நம்பிக்கை வந்தது. 'நீ எனக்குப் பொறந்தவன்னா இப்டி செஞ்சிருப்பியால?' அப்பாவின் கோபக் குரல் வாகன சத்தத்தில் கரைந்து போனது.

"தம்பி கோயம்பேடு வந்துடுச்சு. தனியாவா வந்த?" பக்கத்து சீட்காரர் தலைவாரிக் கொண்டே கேட்டார்.

"இல்ல. அண்ணாச்சி பின்னால இருக்காவ." பொய் சொல்வதே இனி பாதுகாப்பானது.

"இதுக்கு முன்னால சென்னை வந்திருக்கியா?"

"இல்லண்ணாச்சி இதான் மொதோ தடவ."

சாயங்காலம்வரை கோயம்பேடு பஸ் ஸ்டாண்டிலேயே சுற்றினான். 'மனம் மாற்னா ஊருக்கு பஸ் ஏறிரலாம்'.

மனம் மாறுவதாயில்லை. அப்பாவை நினைக்க நினைக்க இன்னும் தூரமாய் ஓடிப்போகத் தோன்றியது.

"தம்பி. என்னடா காலைலேந்தே இங்க சுத்துற." விழித்துப் பார்த்தான். லத்தியால் தட்டியபடி போலீஸ்காரர் நின்றுகொண்டிருந்தார்.

"சார். இங்கன ஓட்டல்ல வேல பாக்கேன். இன்னைக்க்கு லீவு அதான்."

"திருநெல்வேலியா?"

"நார்கோயில்."

"பஸ்ஸ்டாண்ட்ல சுத்தாத. ரூமுக்கு போய் சேரு."

பஸ்ஸ்டாண்டை விட்டு வெளியே வந்தான். முதலில் வந்த பஸ்ஸில் ஏறினான்.
"பஸ் எங்க போது?"

கண்டக்டர் முறைத்தார். "ஒனக்கு எங்கப் போகணும்?"
"பஸ் ஸ்டாண்ட்"

"எஸ்டேட்டா?"

"ஆமா." அவர் என்ன சொல்லியிருந்தாலும் 'ஆமா' சொல்லியிருப்பான்.

அம்பத்தூர் எஸ்டேட்டை அடையும்போது இருட்டியிருந்தது.

காலையில் பெரிய ஓட்டலில் சாப்பிட்டதில் ஐம்பது ரூபாய் காலியாகியிருந்தது. சின்ன ஹோட்டலில் இரவு சாப்பாடு. 'மதுரை முனியாண்டி விலாஸ்'.

இரவு பயமுறுத்த ஆரம்பித்தது. 'வீடு எத்தனை பாதுகாப்பானது?'

கொஞ்ச தூரம் நடந்துவிட்டு ஹோட்டல் பக்கம் திரும்பி வந்தான். 'வீட்டுக்குப் போனா இன்னும் பயங்கர அடி கிடைக்கும்.' பீரோல இருந்த காசு 3000த்தை எடுத்து வந்திருந்தான். 'இப்ப போனா 2000த்த திரும்பத் தந்துரலாமோ?'

சாலையில் போக்குவரத்து குறைந்திருந்தது. கடைகள் ஒவ்வொன்றாக மூடப்பட்டன. 'மணி ரெம்ப இருக்குமோ?'

முனியாண்டி விலாஸ் மூடப்பட்டது.
"அண்ணே மணி எத்தன?"

"11:30"

ஹோட்டல் வெளியே இருவர் பாய் விரித்துக்கொண்டிருந்தனர்.
"அண்ணாச்சி. இங்க வேல கெடைக்குமா?"

"எந்த ஊருடா தம்பி?"

"நார்கோயில்."

"இங்க என்ன பண்ற?"

"ம்... எனக்கு அப்பா அம்மா இல்லண்ணாச்சி." தான் தனிமனிதன் என்பதில் ஒரு சுகம் தென்பட்டது. "ஊர்ல ஒரு கடையில வேல பாத்தேன். இங்க வந்துர்லாம்னு வந்துட்டேன்."

பொய் சொல்வதுதான் இனி பாதுகாப்பானது.

"என்ன வேல பாத்த?"

"சிப்ஸ் கட இருக்குல்லா? அங்க பார்சல் கட்றது?" சரளமாக தனக்கு பொய் சொல்லவருகிறது என்பதில் தைரியமடைந்தான்.

"பேரென்ன?"

"செல்வம்."

"ஆங்?"

"செல்வமண்ணாச்சி."

"இங்க எடுபிடி வேலதான் கெடைக்கும்."

"போதும் அண்ணாச்சி."

"காலைல மொதலாளிட்ட சொல்லிட்டு சேந்துக்க."

"சரி. இப்ப இங்கன ஒறங்கவா?"

"இப்டி படுத்துக்க." தலைக்கு சுருட்டி வைத்திருந்த லுங்கியை தரையில் விரித்தார்.

அதற்குப் பிறகான உரையாடல்களில் பொய்களால் தனக்கென ஒரு புது அடையாளத்தை உருவாக்கிக்கொண்டான். அந்தப் புது பொய்யான செல்வத்தின் அப்பா சிறு வயதிலேயே இறந்திருந்தார். அப்பாவும் நடராஜன் மாமாவப் போல பனை ஏறும் தொழில் செய்தவர். அம்மா செல்வி அத்தையப் போல தீக்குளித்தாள். பள்ளித்தோழன் மகேசப் போல இவனும் தாத்தா வீட்ல கஷ்டப் பட்டு வளர்ந்திருந்தான். வளனைப் போல நாகர்கோவில் கடையில் வேலைபார்த்திருந்தான். இன்னும் ஊரில் உள்ளவர்களின் கதையெல்லாம் தன் கதையாக்கிக்கொண்டான்.

மறுநாள் முதல் ஹோட்டலில் வேலை. வேலை வாங்கித்தந்த சக்தி அண்ணனிடம் மீதமிருந்த பணத்தை கொடுத்து வைத்தான்.
"டேய் அண்ணாச்சின்னாத அண்ணேன்னு சொல்லு. நான் அண்ணாச்சியில்ல."

"எங்கூர்ல பெரியாள அப்டித்தான் அண்ணாச்... அண்ணே கூப்டுவோம்."

"ஒனக்கு மொதல்ல பேசச் சொல்லித்தரணும்போலியே."

காலை ஐந்துமணிக்கு எழுந்து காய்கறி வெட்டிவிட்டு. ஒரு குளியல். 7 மணி முதல் சமையல்கட்டில் உதவி.

"சக்தி, சின்னப் பசங்கள வேலைக்கு சேக்கக்கூடாது. நீ சொல்றேன்னுதான் சேத்தேன். கிச்சன உட்டு வெளிய அவன் தல காட்டாமப் பாத்துக்க." முதலாளி தெளிவாகச் சொல்லியிருந்தார்.

மாலை 4 முதல் 5 வரை ஓய்வு. மீண்டும் 5 துவங்கி இரவு 11 வரை சமையல் கட்டில். வாரம் ஒருநாள் விடுமுறை. தினம் 11 மணிக்கு காலைஉணவு 4 மணிக்கு மதிய உணவு 11 மணிக்கு இரவு உணவு. உணவு விடுதிகளில் வேலை பார்ப்பவர்கள் ஒழுங்கான நேரத்துக்கு சாப்பிடுவதில்லை என்பதை புரிந்துகொண்டான்.

வேலை கடினமாக இருந்தாலும் வீட்டுப்பாடம் எழுதுவதைவிட எளிதாய் தோன்றியது செல்வத்துக்கு.

ஒரு வாரத்திலேயே வீட்டை முற்றிலும் மறந்திருந்தான். அப்பா சொன்ன வார்த்தைகள் மட்டும் மறக்கவில்லை. "நீ எனக்குப் பொறந்திருந்தேன்னா.."

இருவாரங்களில் சக்தியிடம் பலமுறை அடி வாங்கியிருந்தான். வாச்மேன் சிவா சொன்னார்,"சக்திட்ட அடிவாங்கிட்டியா? இனி வளந்துடுவ. அவனுக்கு புடிச்சாத்தான் அடிப்பான். புடிகலேன்னா பேசக்கூட மாட்டான்."

மூன்று வாரங்களில் புது வாழ்க்கை இயல்பாகியிருந்தது. பக்கத்து 'அண்ணாச்சி' கடை பழக்கமாகிவிட்டது.
"அவருக்கு ஊரு நாமக்கல்லாம். ஏண்ணே அவ்வாள அண்ணாச்சீங்கிய?"

"இங்க மசாலா சாமான் விக்கிறவங்களையெல்லாம் அண்ணாச்சின்னுதான் சொல்றாங்கடா."

தியேட்டருக்கு தனியே போகப் பழகிக்கொண்டான். இரவுக் காட்சிகளில் முன்வரிசைகள் முழுவதும் இவனைப்போன்றவர்களால் நிரம்பியிருந்தது.
"எங்க கடைக்கு வேலைக்கு வாரியால?" திருநெல்வேலிக்கார அண்ணன் கேட்டான்.

"சக்தி அண்ணன் உடாது." பெருமிதமாய் பதிலளித்தான்.

புதுப்புது நண்பர்களும், அவர்களின் கதைகளும் சுவாரஸ்யம் தந்தன. நாட்கள் கடப்பதையே உணரவில்லை செல்வம்.

அன்று வழக்கம்போல சமையல்கட்டில் நின்றுகொண்டிருந்தான். மதிய சாப்பாடு முடிந்துவிட்டிருந்தது.
"டேய்..." சக்தி அழைப்பது கேட்டது. சமையல் கட்டிலிருந்து தலை வெளியே வரக்கூடாது எனும் சட்டத்துக்குட்பட்டு உள்ளிருந்தே குரல் தந்தான்.
"அண்ணே..."

"கல்லாவுக்கு வாடா." சமையல் கட்டிலிருந்து எட்டிப்பார்த்தான். ஹோட்டலில் ஒரே ஒரு கஸ்டமர் உட்கார்ந்திருந்தார். கல்லாவுக்கு வந்தான்.

ஹோட்டல் கதவருகில் ஒருவர் நின்றுகொண்டிருந்தார். கசங்கி அழுக்கான சட்டை, உட்காரும் இடத்தில் வட்டமாய் அழுக்கு படிந்த வேட்டி. கையிடுக்கில் வியர்வைபட்டு தோலுரிந்த தோல்பை. கலைந்து, பல நாளாய் வெட்டப்படாத தலைமுடி. பின்னாலிருந்து செல்வத்தால் அவரை முழுதாய் பார்க்க இயலவில்லை.

"அண்ணாச்சி. இவனா பாருங்க?" சக்தி அவரைப் பார்த்துக் கேட்டான். வந்தவர் திரும்பி செல்வத்தை பார்த்தார்.

செல்வம் அவரை பயத்துடன் பார்த்தான்.

தடுமாறி அடியெடுத்து நெருங்கி வந்து செல்வத்தின் தோளில் கையை வைத்தார். இப்போது அவர் கண்களில் நீர் நிரம்பியிருந்தது செல்வத்துக்கு தெளிவாகத் தெரிந்தது. வேகமாக மூச்சை இழுத்து விட்டுக்கொண்டார். கண்ணீர் வழிந்தோடியது.

"ஆ..ஆ...ஐயோ ஆ"

கையிலிருந்த தோல்பை கீழே விழுந்தது. அவர் தலையில் அடித்துக்கொண்டு அழ ஆரம்பித்தார்.

"ஆ... அம்மா.. ஆ." சத்தமாய் அழுதுகொண்டே மண்தரையென்றும் பாராமல் கீழே அமர்ந்தார், வீழ்ந்தார் என்றே சொல்லலாம்.

செல்வம் அவரை முறைத்து பார்த்துக்கொண்டிருந்தான்.

"அண்ணே ..." சக்தி அவரை அழைத்தான்.

"ஐயோ...ஆண்டவா." தொடர்ந்து தலையில் அடித்துக்கொண்டார்.

"டேய் சக்தி என்ன நடக்குது இங்க? ஆள் யாரு?" வெளியே போயிருந்த கடை முதலாளி திரும்பிவந்தார்.

"சார் இவரு.." சக்தி தயங்கினான். "பையன் ஊர்லேந்து ஓடி வந்துட்டானாம். நம்ம செல்வத்தோட பேரச் சொன்னாரு அதான்.. இங்க..."

"சார் எந்திரிங்க. இங்க பெஞ்சல் உக்காருங்க." முதலாளி அவரை எழுப்பி பெஞ்சில் உட்கார வைத்தார்.

செல்வத்தை காட்டி,"நம்ம பையனா சார்?" என்றார்.

வந்தவர் அழுகையை நிறுத்தவில்லை. கைகளில் இயலாமையால் ஏதேதோ செய்கைகள் செய்தார்.
"டேய் இது யாருடா?" செல்வத்தை பார்த்து கேட்டார் முதலாளி.

செல்வம் வந்தவரையே முறைத்துக்கொண்டிருந்தான்.

"டேய் சார் கேக்குறார்ல? சொல்லு." செல்வம் கையை ஓங்கினான்.

"தம்பி அவன அடிக்காதப்பா". புதியவர் அழுகைக்கு மத்தியில் பேசினார்.

செல்வத்தின் கண்கள் பனித்திருந்தன.

"சார் எனக்கு அப்பவே சந்தேகம். இவன் ஓடிதான் வந்திருப்பாண்ணு. சரி எங்கயாவது போய் என்னதும் ஆயிரக்கூடாதேண்ணுதான் இங்க சேத்தேன். சக்தி சொன்னேனேப்பா மாத்து துணியில்லாம வந்திருக்கான் இவன் ஓடிதான் வந்துருக்கான்னு." முதலாளி சக்தியை முறைத்தார்.

"சார். இவன் என் பையன் இல்ல சார்." விசும்பலோடு சொன்னார் புதியவர். எல்லோரும் அமைதியாயினர். "இவனில்ல. எம் பையன் ஒரு மூணு மாசத்துக்கு முன்னால நான் அடிச்சிட்டேன்னு ஓடி வந்துட்டான். ஐயா. எம் புள்ளையத் தேடி நான் போகாத எடமேயில்ல. மெட்ராஸ்ல இருக்க கடையிலெயெல்லாந் தேடிட்டேன்யா. சுத்தி சுத்தி என் உயிரெல்லாம் போச்சு. ஐயோ எம் புள்ள எங்க கடந்து கஷ்டப்படுதோ? எம்புள்ள உசுரோட இருக்கா இல்லியாண்ணே தெரியலியே. ஐயோ." மீண்டும் குரலெடுத்து அழுதார்.

"ஒரு கொறையும் வச்சதில்ல எம் புள்ளைக்கு. ஒருநா பட்னி கெடந்ததில்லையே. அவன் எப்டி சார் தனியா...? ஐயோ அவன் ஆத்தா புள்ளைய பறிகுடுத்துட்டு சாவக் கெடக்கா. அவன் தங்கச்சி ரெண்டும் அழுதுட்டே இருக்குங்க. ஊரே துக்கத்துல கெடக்குது. ஒருநாளும் இல்லாம அண்ணைக்கு அடிச்சுட்டேனே. பாவி.. பாவி." தலையில் அழுந்த அடித்துக்கொண்டார்.

பெரியவர்கள் யாரும் இப்படி அழுது பார்த்ததில்லை செல்வம். ஹோட்டலின் முன்பாய் கொஞ்சம் கூட்டம் கூடியிருந்தது. இவர் எதற்காக அழுகிறார் என்பதை புரிந்துகொள்ள அதிக நேரம் தேவைப்படவில்லை. பெருந்துக்கங்கள் சந்தோஷங்களைப் போலவே விரைவில் தொற்றிக்கொள்கின்றன.

"எம் பையம்பேரு செல்வன் தம்பி. இந்தப் புள்ள யார் பெத்த புள்ளையோ?" சக்தியை பார்த்து,"தம்பி நீங்க செல்வம்னு சொன்னதும் எம் பையன் பேரத்தான் தப்பா சொல்றீங்கன்னு நெனச்சேன். சாகக் கொடுத்தாலும் போகக் கொடுக்கக்குடாதுன்னு சொல்லுவாங்க. ஐயோ என் புள்ளைய எங்க போயி தேடுவேன்"

"சார் அழாதிங்க. ஒண்ணும் ஆகாது. பையன் வந்துருவான்." முதலாளி ஆறுதலாய் சொன்னார். "சக்தி தண்ணி குடுப்பா. சார் இங்க சாப்பிடுங்க. போலீஸ்ட சொல்லியாச்சா?"

அவர் சாப்பிட்டு முடித்து கிளம்பியபின்தான் செல்வத்தை தேடினான் சக்தி.

செல்வம் கோயம்பேட்டிலிருந்து நாகர்கோவில் செல்லும் பஸ்ஸில் உட்கார்ந்திருந்தான்.

நன்றி: தமிழோவியம்

சிவாஜி - The Bush

2007-06-18T15:24:00.000-06:00

'சிவாஜி' திரட்டி - அறிமுகம்

2007-06-15T17:56:00.000-06:00

In case you missed the earlier post..

சிவாஜி பற்றிய பதிவுகள், விமர்சனங்கள், செய்திகளை ஒரே இடத்தில் படிக்க ஒரு திரட்டி செய்துள்ளேன். கூடவே சிவாஜி புகைப்படங்களும், வீடியோக்களும்.

ரஜினி ரசிகர்களுக்கு சமர்ப்பணம். கீழே க்ளிக்குங்க.

வாஜி வாஜி வாஜி

சிவாஜிக்கென தனி திரட்டி

2007-06-15T09:19:00.000-06:00

சிவாஜி பற்றிய பதிவுகள், விமர்சனங்கள், செய்திகளை ஒரே இடத்தில் படிக்க ஒரு திரட்டி செய்துள்ளேன். கூடவே சிவாஜி புகைப்படங்களும், வீடியோக்களும்.

ரஜினி ரசிகர்களுக்கு சமர்ப்பணம். கீழே க்ளிக்குங்க.

வாஜி வாஜி வாஜி

புதிய முயற்சி

2007-06-14T06:36:00.000-06:00

சில பாப் பாடல்களில் அருமையான கவிதைகள் ஒளிந்திருக்கும். அவ்வப்போது இவற்றை மொழி பெயர்த்துப் பார்ப்பேன். சில, நல்ல தமிழ் கவிதைகளைப் போன்றே இருக்கும். அப்படி மொழி பெயர்த்தக் கவிதை/பாடல் ஒன்று கீழே.

இது எந்தப் பாடல் எனக் கண்டுபிடிக்க சுட்டியை சுட்டுங்க..

இந்த இரவின் காற்றில் அது வருவதை உணர்கிறேன்

இந்த கணத்திற்காக என் வாழ்நாளெல்லாம் காத்திருந்தேன்.

இந்த இரவின் காற்றில் அது வருவதை நீ உணர்கிறாயா?

நீ (நீரில்) 'மூழ்குகிறேன்' எனக் கூறினாலும்

நான் என் கரங்களைத் தரப்போவதில்லை.

உன் முகத்தை முன்பே பார்த்திருக்கிறேன் நண்பனே!

ஆனால் உனக்கு நான் யார் எனத் தெரியுமா தெரியவில்லை.

நான் அங்கிருந்தேன்,

நீ என்ன செய்தாய் என்பதை கண்டேன்,

என்னிரு கண்களால் கண்டேன்.

ஆதலால், உன் புன்னகையை துடைத்துவிடு.

நீ எங்கே சென்றிருந்தாய் என நான் அறிவேன்.

எல்லாமே பொய்யின் மூட்டைகள்.

இந்த இரவின் காற்றில் அது வருவதை உணர்கிறேன்

இந்த கணத்திற்காக என் வாழ்நாளெல்லாம் காத்திருந்தேன்.

எனக்கு நினைவுள்ளது!

எனக்கு நினைவுள்ளது, கவலைப் படாதே.

எப்படி என்னால் மறக்க இயலும்?

முதன்முதலாய், கடைசியாய் நாம் சந்தித்த கணம்.

ஆனால் உன் புன்னகையின் காரணம் எனக்குத் தெரியும்.

இல்லை.. நீ என்னை ஏமாற்ற இயலாது!

அந்தக் காயம் வெளியில் தெரிவதில்லை ஆனால்

வலி இன்னும் வளர்ந்துகொண்டிருக்கிறது

அது உனக்கும் எனக்கும் அன்னியமாயில்லை.

இந்த இரவின் காற்றில் அது வருவதை உணர்கிறேன்

இந்த கணத்திற்காக என் வாழ்நாளெல்லாம் காத்திருந்தேன்.

நன்றி: தமிழோவியம்

'சிவாஜி' பற்றிய பதிவுகள்

2007-06-13T15:33:00.000-06:00

சிவாஜி வாயிலே ஜிலேபி.

மேல உள்ளத க்ளிக்கினா 'சிவாஜி' குறித்த பதிவுகளைப் பார்வையிடலாம். வலப்பக்க பட்டையிலும் அப்டேட் ஆகும்.

இதுல இடப்பக்கம் பாத்தீங்கண்ணா கால வரிசைப்படி பார்க்க வசதி இருக்குது.

சிவாஜி பற்றி பதிவு வந்தா உங்களுக்கு மின்னஞ்சல் மூலம் தெரியப்படுத்துற வசதியும் உண்டு. Explore it.

இதுதான் Google Blogsearchன் மாயம்.

தேடினா! கிடைக்கும்!

பாபா 'சுருக்கம்'னு பின்னூட்டியதால இந்த சேர்க்கை.

இணையம் முழுவதிலும் தேட கூகிளை பயன்படுத்துவதைப்போல பதிவுகளில் தேட Blog search உதவுகிறது. Advance Blogsearchல போனீங்கண்ணா இன்னும் அதிக வசதிகள் இருக்குது.

உதாரணத்துக்கு சிறில் என்கிற பெயர் பதிவுகளில் எங்கேயெல்லாம் பயன்படுத்தப் பட்டிருக்குன்னு ஒரு தேடல் செஞ்சேன். அதுல என்னுடைய பதிவுகளை 'without words' எனும் பெட்டியில் 'theyn cvalex useenthis muttom' என்று உள்ளிட்டேன். இதனால் என் பதிவுகளைத் தவிர்த்து மற்ற பதிவுகளில் சிறில் எனும் பெயர் எங்கெல்லாம் இருக்குதுண்ணு எளிதா கண்டுபிடிக்க முடிந்தது.

இப்படி தேடிக் கிடைப்பவற்றை RSS அல்லது Atom ஓடையாகவும் பெறலாம்.

பாலபாரதிக்கு இது மிகவும் பயனுள்ளதாய் இருக்கலாம்.
:)

உலகெங்கும் பா.க.சவினர் போடும் பதிவுகளை தொகுக்க எளிதாயிருக்கும்.

சுய ஆய்வுக்கான கேள்வி

யார் பெயர் பதிவுகளில் அதிகம் பயன்படுத்தப்பட்டிருக்கிறது எனப் போட்டிவைத்தால் யார் ஜெயிப்பார்கள்?

1. Baby பாரதி
2. 'சமீபத்தில் பிறந்த' டோண்டு
3. 'Snap நிதியரசர்' பாஸ்டன் பாலாஜி
4. 'Sound' செல்லா
5. 'யானைப் பாகி' பொன்ஸ்

பதிவர்களுக்கான புத்தகம் அறிமுகம் - Pure ஜல்லி

2007-06-08T14:46:00.000-06:00

பின்குறிப்பு: இந்த புத்தகத்தை எழுதியவர் பாஸ்டன் பாலா அல்ல பால பாரதியும் அல்ல.

தொடர்ந்து ஜல்லி பதிவுகள்னு கவலைப் படாதீங்க மக்களே! இப்போ இதுதான் முடியுது!

ஒரு ஓடை நதியாகிறது - 2

2007-06-08T11:04:00.000-06:00

ஓடைகளை கூகிள் ரீடரில் சேர்த்து படிப்பது எப்படி எனப் பார்த்தோம்்.

ஓடைகளை ஒழுங்குற சேர்த்து உங்களுக்கென ஒரு தனி திரட்டி செய்துகொள்வது எப்படீன்னு பார்க்கலாம்.

என்னோட பக்கப்பட்டையில் கவனிப்பில் இருப்பவை என ஒரு குறும்பட்டை(Widget) இருக்குது பாருங்க. இதில் நான் பொதுவாக விரும்பிப் படிக்கும் சில பதிவுகளின் ஓடைகளை ஒன்றாக்கியிருக்கிறேன்.

இதை செய்ய கூகிள் ரீடரில் உங்களுக்கு பிடித்த பதிவுகளை ஒரு Folderல் போட்டு வைக்கவேண்டும். கூகிள் ரீடர் Folder ஒரு குறிச்சொல் வகைப்பாடுதான். நிஜமான Folder அல்ல. இதனால் ஒரே ஓடையை பல Folderகளின் கீழ் போட இயலும்.

இப்ப எனக்கு பிடித்த பதிவுகளின் ஓடைகளை Watching எனும் Folderல் போட்டுவைத்திருக்கிறேன். இனி போய் Watching எனும் Folderஐ Public ஆகா மாற்றி அதற்கான ஓடையை பெற இயலும்.

இது குறித்து ரவிஷங்கரின் விரிவான பதிவு இதோ.

சரி. இப்படி உங்களுக்கு பிடித்த பதிவுகளின் ஓடைகளைச் சேர்த்து ஒரு ஓடை உருவாக்கியபின்னர் அடுத்து திரட்டி செய்வதுதான் மிச்சம்.

ஓடைகளை அழகுற ஒருங்கிணைக்க Pageflakes எனும் தளம் இருக்கிறது.

pageflakes.com போய் ஒரு கணக்கை துவங்குங்க. Create a Page எனப் போட்டு ஒரு பக்கத்தை ஏற்படுத்துங்க. அடுத்ததா ADD FEED என்பதை சுட்டி உங்க ஓடைகளை சேர்க்க ஆரம்பிக்கலாம். உங்கள் பக்கத்தை மாற்றி வடிவமைக்க வார்ப்புருக்களும் உள்ளன. வெறும் ஓடைகள் மட்டுமன்றி சின்ன விளையாட்டுக்கள், கருவிகள், பயனுள்ள செயலிகள் என பலவற்றை உங்கள் தளத்தில் சேர்க்க முடிகிறது. இதற்கு ADD FLAKE எனும் சுட்டியை தேர்ந்தெடுங்கள்.

இதில் பல ஓடைகளை ஒன்றாக காண்பிக்க இயலும்.

அடுத்து Share என்பதைச் சுட்டி உங்கள் திரட்டியை வெளியிடுங்கள். உங்கள் திரட்டிக்கென ஒரு உரல்/சுட்டி கொடுக்கப்படும்.

உங்கள் திரட்டியை ஒரு குழுவிற்குள்ளாய் பகிர்ந்து கொள்ளவும் இயலும்.

அவ்வளவுதான். நீங்களும் திரட்டிசெய்துவிட்டீர்கள்.

என்னுடைய Page Flakes திரட்டி இதோ.

இது பாஸ்டன் பாலாவின் திரட்டி

இதை செய்துவிட்டு பின்னூட்டத்தில் காண்பியுங்கள். (ஹோம் வொர்க்).

வேறு கேள்விகள் இருந்தாலும் கேளுங்க.
சமயம் இல்லாததால் இப்படி சுருக்கி வெறும் தகவல்களையே தருகிறேன். மன்னிக்கவும்.

சிவாஜி - விமர்சனம்

2007-06-08T08:44:00.000-06:00

ஷங்கர்னாலே பிரமாண்டம்தான். முழுக்க முழுக்க பிரமாண்டம் தெரிகிறது. துவக்கத்திலேர்ந்து கடைசிவரை காட்சிகள் மிக வேகமாக மாறுகின்றன. AVM லோகோவைத் தவிர வேறெதுவும் மெதுவாகச் செல்வதில்லை. இடையே சில முக்கிய டையலாக்கள், ஜோக்.

'ஏம்மா என்ன கறுப்பா பெத்த'
'வெள்ளையா இருந்தா அழுக்காயிருவேன்னுதான்'்.

பாடல் காட்சிகள் அருமையிலும் அருமை. விவேக் காமெடி கலக்கல். ரஜினி துப்பாக்கிய தூக்கிப் போட்டு அசத்துது உன ஸ்டைல்....்ஸ்டைல் ்டைல்

இதெல்லாம் சிவாஜி டிரெய்லர் பத்திய விமர்சனம்.

கூடவே.. சற்றுமுன் போட்டியில் சில சூப்பர் மாற்றங்கள் செஞ்சிருக்காங்க போய் பாருங்க, பங்கெடுங்க.

லேஸ் கட்டுவது எப்படி?

2007-06-07T14:38:00.001-06:00

'எப்படி?' பதிவுகளப் பாத்து ரெம்பநாளாச்சுல்ல...

clipped from www.damnfunnypictures.com

சிவாஜி - கதை திரைக்கதை - ஆங்கிலத்தில்

2007-06-06T09:24:00.001-06:00

இதுதாங்க சிவாஜியின் கதை, திரைக்கதை. மெயில் கோப்பா வந்தது.

டிரெயிலர் பாத்து இது எழுதியிருக்காங்களா அல்லது 3 பாட்ட இணையத்துல போட்ட கும்பலான்னு தெரியல. தீவிரவாதிகள் எல்லா இடத்திலேயும் இருக்காங்கப்பா.

படிச்சு பயன்பெறுங்க.. தமிழாக்க இப்போது நேரமில்ல.

This document is for one who eager to know about the Sivaji story (இது வேறயா)

Actual story:
Rajini is playing double role in Sivaji movie. One role will be a rich
father a well respected man among the community and other will be a
joyful son of the rich Rajini. Big Rajini was an owner of a college. He
becomes very popular among the local community by doing lot of good
things to the people surrounded.

A group of people were always against Big Rajini and were also doing
lot of activities against Big Rajini which created problems to his
college and to him. (ஸ்டோரி டிஸ்கஷன்ல இருந்தவனா?)This group which could not resist Rajini's
popularity decides to kill Big Rajini and they successfully killed Big
Rajini. After Big Rajini's death son Rajini takes all the responsibility
of his father and continues to run the college the same way like his father
use to run. Son Rajini was also humble and kind with the local
community and did lot good things to them. But few who were very
closely working with him joins hands with his fathers enemy cheats him
and takes all his fathers wealth and leaves the son Rajini with just
one rupee in the street.

Rajini (super star) tosses the one rupee coin and promises to the
people that he would get back all the wealth, fame of his father with
this one rupee. Interval. (படம் ஏற்கனவே பாத்துட்டானா இவன்? இல்ல ஷங்கரோட ஆவியா?)

In the climax super star becomes a millionaire and gets back all his
fathers wealth and fame. Then he takes a revenge on all the people who
were involved in killing his father. After all the revenge super star
gives all the money earned to his people and leaves the place tossing
the one rupee coin.the film ends.

Screenplay: (சுஜாதாவோட ஆளாயிருப்பானோ?)
The small rajini comes from US.the story begins from that.opening song
is ballelaika with nayanthara. The story moves normally with Vivek
jokes.vivek has given an excellent performance.he has been given equal
weightage to rajni in the first half.shriya is characterised as an
innocent girl.then love with shriya.sahana song.then she comes to know
about the other side of rajini with violence.she fets apart.you might
have seen that scene in the trailor.after she bangs the door,sahana sad
version.actualy rajini does all good things to people through violence
and blackmiles like a villain since he doesnt get justice through
rules.the scenes involving these sequences is one of the main
highlight.then he describes the flashback to shreya regarding why he is
doin all these.now big shivaji entrance.

THE FLASHBACK IS FOR 42 MINUTES SHARP.THIS IS THE MAIN HIGHLIGHT OF THE
WHOLE MOVIE.RAJINI WITH MOTTAI GET UP IS THE BIG RAJINI.YOU MIGHT HAVE
SEEN THOSE STILLS WITH MOTTAI RAJINI LIKE A DON. SHANKAR SAID THAT THERE
IS A SURPRISE FOR RAJINI FANS IN THE MOVIE.THE MOTTAI GET UP IS THE
SURPRISE.TAKE MY WORDS,THOSE 42 MINUTES ARE THE BEST EVER IN INDIAN
CINEMA.THALAIAVR MAY POSSIBLY GET EVEN A NATIONAL AWARD FOR THAT(ஏண்டா இந்த கொல வெறி).LOTS OF STYLE,PUNCH DIALOGUES & DEDICATED ACTING IN THAT 42 MINUTES(ரஜினி படத்துல இதெல்லாம் இல்லாமலா.. ரெம்ப கெஸ் வொர்க் பண்ணியிருக்கான்).SIMPLY SAYING;PATTAIYA KELAPRA FLASHBACK.

Since its too special,i cant say more about it.(சொல்றதையெல்லாம் சொல்லிட்டு) see it urself in the theatre(ரஜினியோட ஆளா?).that would be more interesting. Rani Mukherjee IS THE SURPRISE HEROINE in the film.she is big Rajini's pair.then big rajini is killed
as said in the story.then small rajini takes revenge & he preaches about
some ideas to our people & leaves the town.the film ends.

நான் முன்னால போஸ்ட்டர் பார்த்தே படத்தோட கதைய கெஸ்பண்ணி சில நேரம் தர்ம அடி வாங்குற நிலமைக்கு போயிருக்கேன். (ஏன்னா பசங்க பாடத்த ஏற்கனவே பாத்துட்டு சைலண்ட்டா என் கதைய கேப்பானுங்க) இது டிரெய்லர் பாத்து எழுதினதா அல்லது ஜப்பான் விசிறியின் சதியா ...
வெள்ளித் திரையில் காண்போம்.

பாலபாரதிக்கு ஒரு ஓ! ஒரு ஜே! ஒரு நன்றி!

2007-06-04T15:31:00.000-06:00

நண்பர் பாலபாரதி சொன்ன அறிவுரையின்பேரில் Fire Fox உலவியை பயன்படுத்த ஆரம்பித்தேன். அபாரம், அற்புதம். பதிவர்களுக்கான பல கருவிகளையும் இதில் எளிதில் இணைத்துக்கொள்ள முடிகிறது.

அபாரமான RSS Reader! Sage என ஒரு அருமையான செயலியின் துணைகொண்டு எளிதில் RSS ஓடைகளைத் தேடி, வாசிக்க இயல்கிறது.

StumbleUpon! எனும் செயலி வலையில் இருக்கும்ம் சுவாரஸ்யமானவைகளை கண்டுகொள்ள வழ்ழி செய்கிறது. இதில் உங்களுக்கு பிடித்த தலைப்புக்களில் சிறப்பானவை என மற்றவர்கள் சேகரித்து வைத்திருக்கும் தளங்களை சென்று பார்க்க இயல்கிறது. நீங்களும் பரிந்துரைகள் செய்யலாம்.

StumbleUpon! வழியாக கண்டுகொண்டவற்றை சேகரித்து வைக்கவோ, மெயிலில் அனுப்பவோ அல்லது நேரடியாக பதிவில் போடவோ நினைத்தால் Clipmarks எனும் செயலியை பயன்படுத்தலாம். இதன்மூலம் தளங்களிலிருந்து படங்கள், பத்திகள் என எதையும் உங்களால் சேகரித்து பாதுகாக்க இயலும்.

Stumble! மற்றும் Clipmarks உதவியுடன் நான் செயல் படுத்தும் பதிவு இது.

எனவே பாலபாரதிக்கு ஒரு ஓ! ஒரு ஜே! ஒரு நன்றி!

முந்தைய பதிவு!

ஏழ்மையின் அழகியல்

2007-06-04T14:57:00.000-06:00

சிரிக்கும்போதேனும் சில்லறைகள் சிதறலாம்

ஒரு கோப்பையுடன் என் குடியிருப்பு

இள'மயில்'் வறுமை?

தம்மரோ தம்

I have smile need penny. (Relate to first picture)

இணையத்தில் சுட்ட சில படங்கள். கவிதைகள் வரவேர்க்கப்படுகின்றன. நல்ல கவிதைகள் தேனில் சிறப்பு கவனம் பெறும்.

மேலும் சில சுட்ட படங்களை் இந்த பதிவில் பார்க்கலாம்.

மேலுள்ள படங்கள் www.joeyl.com எனும் தளத்திலிருந்து பெறப்பட்டவை

RSS தான் சிறந்தது - 1

2007-05-25T15:15:00.000-06:00

பதிவர்களே. RSS பற்றிய பல பதிவுகளை படித்திருப்பீங்க. இது இன்னுமொரு RSS பதிவு என்றில்லாமல், பதிவுகளை எழுதுபவர்களுக்கும், படிப்பவர்களுக்கும் RSS எப்படி பயனுள்ளதாக அமைகிறது எனப் பார்க்கும் பதிவு.

இந்த சொதப்பல் பில்ட் அப் ஒரு பராபரப்பை உண்டாக்கத்தான். இந்தப் பதிவின் நோக்கம் உங்களுக்கென நீங்களே ஒரு திரட்டியை உருவாக்க என்ன வேண்டும் என்பதைச் சொல்வதே. ஒரு கேள்வி பதில் வடிவத்துல சொல்லட்டுமா?

எனக்கே நான் திரட்டி செய்ய இயலுமா? ஆமாங்க ஆமா.

ஏன் தனி திரட்டி?
எல்லாம் ஒரு பந்தாதான்... மத்த நன்மைகள் உங்களுக்குத் தெரியாதா?

அடிப்படையில என்ன விபரங்கள் தேவை? நீங்க திரட்ட விரும்பும் பதிவுகளின் சுட்டி அல்லது பதிவின் அல்லது தளத்தின் ்RSS சுட்டி.

இதுக்காக RSSல சேரணுமா? அல்லது இது வேற RSSஆ? இது வேற டெக்னிக்கல் ்சமாச்சாரRSS - Real Simple Syndication (மலையாளியா இருந்தா simble) Rich Site Summary எனவும் இதை வழங்குகிறார்கள். RSS தமிழில் செய்தி ஓடை அல்லது வெறுமனே ஓடை(Feed) என மொழிபெயர்கலாம்(பெயர்்த்திருக்கிறார்கள்)்.

எனக்கு RSS பிடிக்காதே?
RSS இல்லைன்னா ஆட்டம்தான். அதாவது Atom. அது இன்னொரு வகையான ஓடை ஆனா பரவலா RSSதான் பயன்படுத்துறாங்க.

உதாரணமா ஒண்ணு சொல்லுங்களேன்... இப்ப என்னோட பதிவுக்கு RSS ஓடை http://theyn.blogspot.com/feeds/posts/default?alt=rss அல்லது http://theyn.blogspot.com/feeds/posts/default மட்டும் பயன்படுத்தலாம். எல்லா Blogger பதிவுகளுக்கும் இந்த சுட்டி பயன்படும். http://theyn.blogspot.com என்பதுக்கு பதில் உங்களுக்கு விருப்பமான பதிவின் பெயரை போட்டுக்கணும்.

Wordpress feed எப்படி இருக்கும்?
http://balabharathi.wordpress.com/feed/ நம்ம அண்ணன் பால பாரதியின் feed இது.

சரி இந்த சுட்டிய வச்சி என்ன செய்யுறது? நிறைய செய்யலாம்.
1. RSS வாசகக்கருவிகள்/செயலிகள் (Readers) பலதும்்ய இருக்குது அதுல சேர்த்து படிக்கலாம்.
2. புதிய ப்ளாகரின் வார்ப்புருவில் ELEMENTஆக சேர்க்கலாம்
3. உங்க வலைப்பக்கத்தில் தெரியச் செய்யலாம்
4. பல தளங்களில் உள்ள செய்திகளை ஒருங்கிணைத்து ஒன்றாக்கலாம்.

இன்னும் நிறைய செய்யலாம்.

வாசக செயலிகள்(Readers) எப்படி பயன்படுத்துவது? ரெம்ப எளிமையா வேணுமின்னா உங்க கூகிள் மெயில் ஐடிய வச்சுகிட்டு்வச்ச்சிகிட்டு கூகிள் ரீடர்ல போயி பயன்படுத்தி பார்க்கலாம். இத எப்படி ப்பயன்படுத்துவதுன்னு இந்தப்்தப் பதிவப் பாத்து தெரிஞ்சுகுங்க.

ரெம்ப எளிமையா வடிவமைச்சிருக்காங்க. போங்க Feedஅ சேருங்க. படியுங்க.

Firefox உலவி வச்சிருக்கீங்கண்ணா Sageணு ஒரு அருமையான Add-in இருக்குது. இத வச்சி நீங்க விசிட் அடிக்கிற தளங்களில் ஏதாச்சும் Feed (ஓடை) இருக்குதான்னு எளிதில் தேட முடியும்.

இலவச RSS readerகள் எக்கச்சக்கமாயிருக்குதுங்க. கூகிளாண்டவர்கிட்ட கேட்டா அள்ளிக் கொடுப்பார். ஆனா நான் இந்த பதிவு வரிசையில கூகிள் ரீடர வச்சித்தான் உதாரணங்கள் தரப்போறேன்.

ரீடர்ல பதிவுகள எளிதா சேக்கிறதுக்கு என்ன செய்யலாம்? ஒரு எளிய வழி என்னண்ணா OPML என்கிற கோப்ப வச்சி எளிதா சேத்துக்கலாம். OPML என்பது ஓடைகளின் தொகுப்பை கொண்ட கோப்பு(File). இதையும் ரீடர்களிலேந்துதான் பெற இயலும். இல்ல ஏற்கனவே இருக்கிற திரட்டிகள் இதப் பகிர்ந்துகிட்டாங்கன்னா எடுத்துக்கலாம. அல்லது உங்க வலையுலக நண்பரிடம் கேக்கலாம்் (நண்பர்கள் OPML பகிர்ந்துக்க விருப்பப்பட்டால் தெரிவிக்கவும்) என்னோட ஓடை தொகுப்புக்கள் வேணுமின்னா மின்னஞ்சல் செய்யவும் (cvalex @ yahoo .காம்). என்னோடது முழுமையானதில்ல ஆனா 200பதிவுகள் கிட்ட இருக்குது.

பதிவ சேத்தாச்சு அப்புறம்?
கூகிள் ரீடர்லேந்தே உங்க பதிவுகள படிக்க ஆரம்பிக்கலாம். ஆனா அதுக்கும் மேலேயும் சில சூப்பர் விஷயங்களெல்லாம்ம் இருக்குது....

அடுத்த பதிவுல பாக்கலாம்....

அடுத்து வரும் கேள்விகள்
எப்படி ஓடைகளை வகைப்படுத்துவது?
ஓடைகளை ஒருங்கிணைப்பது எப்படி?
நாமே RSS ஓடைகளை உருவாக்குவது எப்படி?
என் ஓடைகளை தெளிவா பார்வையிட இயலுமா?
என் தனி திரட்டி செய்வது எப்படி?

மேலதிக விபரங்களுக்கு
1. விக்கிபீடியா - RSSனா இன்னா நைனா?
2. விக்கிபீடியா - ஆட்ம்னா இன்னாமே?
3. கூகிள் வாசிககாகச்சோல்ல எல்ப்(help)
4. கூகிள் ரீடர் எங்க இருக்குது மாம்ஸ்?

்

இளமை புதுமை (அ) வீடு புதுப்பிக்கப்பட்டுள்ளது

2007-05-25T09:19:00.000-06:00

பின் நவீனத்துவ தலைப்பு அல்லது பின் நவீனத்துவ தலைப்பை படித்து என்னதோ ஏதோன்னு நினைச்சீங்கண்ணா மன்னிக்கவும்.

நண்பர் சிந்தாநதியின் பேருதவியோடு அடைப்பலகை அல்லது டெம்ப்ளேட் அல்லது வார்ப்புரு மாற்றியமைக்கப்பட்டுள்லது அல்லது மறுவடிவமைக்கப்பட்டுள்ளது அல்லது (டேய்.. போதும்டா அல்லது).

கிட்டத்தட்ட ஒரு மினி திரட்டிபோல உருவாக்கப்பட்டிருக்கிறது. சற்றுமுன் செய்திகள், திரட்டிLESS - திரட்டிகளில் சேர்க்கப்படாத பதிவுகள் சில, தமிழோவியம் வாராந்திரி, நான் கவனிப்பில் வைத்திருக்கும் பதிவுகள் சில, படித்ததில் பிடித்தவை அப்புறம் மாற்று பரிந்துரைகள் எல்லாம் இங்கேயே தெரியும்படி வச்சிருக்கேன்.

ஒரே ஒரு கவலை.. இது லோட் ஆக நேரம் எடுக்குதான்னு தெரியணும்.

உங்க கருத்தை சொல்லுங்க அல்லது செப்புங்க அல்லது எழுதுங்க ப்ளீஸ்.

உங்களுக்கே நீங்கள் ஒரு மினி திரட்டி செய்துகொள்வது எப்படின்னு விரைவில் ஒரு பதிவப் போட்டு பாடம் எடுக்கிறேன்.

பூவானது மனம்

2007-05-23T14:12:00.000-06:00

எச்சரிக்கை: இது ஒரு சுய தம்பட்டப் பதிவு

அன்புடன் இணையக் குழுமத்தின் கவிதைப் போட்டியில் இசைக்கவிதை என வித்தியாசமான ஒரு பிரிவு இருந்தது. கவிதைக்கு மெட்டமைத்து பாடி அனுப்பவேண்டும். இதுதாண்டா சேலஞ்னு மானசீக குரு இளையராஜாவ நெனச்சுகிட்டே ஒரு பாட்டப் போட்டு அனுப்பினேன். இரண்டாம் பரிசும் வாங்கிட்டேன்.

பாடலுக்கு நம்ம இன்னொரு மானசீக குரு ஏ.ஆர்.ரெஹ்மான நெனச்சிகிட்டே பின்னணி இசை சேர்த்து, மானசீக பாடகர் குரு எஸ்பிபிபோல குரல் உள்ள ஒருத்தர பாட வச்சிருந்தா கொஞ்சம் முன்னேற்றம் தெரிஞ்சிருக்கும். (அட மானசீக குருக்களா.. எங்கிட்ட இருக்கிறது ரெண்டே ரெண்டு கட்ட வெரல்தான் அத கட் பண்ணிரமாட்டீங்களே?)

பாடல் போடணும்னு தோணியதுக்கு காரணம், கையில நேரமிருந்துச்சு, வீட்ல (அப்ப) யாருமே இல்ல, முக்கியமா கம்போஸ் பண்ணி போட்டிக்கு அனுப்புறது சிரமமான வேலை அதனால நிறையபேர் செய்யமாட்டாங்க. அப்ப இண்டர்நேஷனல் லா ஆப் நிகழ்தகவுப்படி வெற்றி வாய்ப்பு அதிகம்.

சரின்னு 2வது மாடி பால்கனிலேந்து யோசிச்சதுல ஒரு கவித வந்துச்சு. தனிமைய ஹீரோ எஞ்ஞாசாய் பண்ணுறப்ப பாடுறமாதிரி ஒரு பாட்டு. நம்ம நிழல்கள் 'இது ஒரு பொன்மாலைப்பொழுது' மாதிரி.

'பூவானது மனம்,
வண்டாயிரம் வரும்,
தேனூறிடும் நிதம்'

முதல்ல மெட்டோட இதத்தான் போட்டேன். அடுத்த சில மணி நேரமா வேறெதுவும் தோணல. இதையே பாடினேன்.

மீண்டும் பால்கனி.

கீழே புல்வெளி. மெலிதாய் காற்று. மரங்கள் அசைய ஆரம்பித்தன. பறவைகள் பேச ஆரம்பித்தன. கவிதை பிறந்தது. (செம பில்ட் அப் மச்சி).

'இயற்கையை பாடவே, இதயமும் பூக்குதே' ஆரம்பிச்சேன்.

'கடவுளின் சாயலா? - இயற்கை கனிமக் கூடலா?' ம்ம்.. சரியில்ல
'கடவுளின் சாயலா? - இயற்கை கவிதைக் கூடலா?' ஓகே.

இன்னும் சில வரிகள்.

என்னுடைய ரெக்கார்டிங் தியேட்டருக்கு லேப் டாப்ப எடுத்துட்டு போய் ரெக்கார்ட் பண்ணினேன். அப்புறம் Flush பண்ணிட்டு வெளிய வந்துட்டேன். ஏன்னா நான் ரெக்கார்ட் பண்ணினது பாத்ரூம்ல வச்சி. அங்கதான் வெளி சத்தம் குறைவா கேக்கும்.

போட்டிக்கு பாடல் போய் இப்ப இரண்டாம் பரிசு பெற்றிருக்குது.

சும்மா சொல்லக்கூடாது போட்டியில மற்றபாடல்களெல்லாம் தூள். அருமையா மெட்டமைத்து, ப்ரொபஷனலா (பாத்ரூம் அல்லாத) ரெக்கார்டிங் செஞ்சு, இசை சேர்த்து கலக்கியிருந்தாங்க.

அன்புடன் போட்டி அறிவிப்புக்கள் ஒவ்வொண்ணா வருது. முதல்ல இயல் கவிதை மாலன் நடுவராயிருந்தார். இரண்டாவது ஒலிக்கவிதை. இதுல என் கவிதை இடம்பெறல. ஆனா குழப்பத்துல நான் வெற்றி பெறலண்ணு நினச்சு அன்புடன் போட்டி ஒருங்கிணைப்பாளர்கள கண்டபடி திட்டிட்டேன்...மானசீகமாத்தான்.

அன்புடன் ஒருங்கிணைப்பாளர்கள் சேதுக்கரசி, கவிஞர் புகாரி, ப்ரியன் ஆகியோருக்கு நன்றியும் பாராட்டும் தெரிவித்துக்கொள்கிறேன். அடுத்த வருடம் இன்னூம் தூள் கிளப்பிடலாம்(அந்த நேரம் நான் வீட்ல தனியா இருந்தா).

ஷங்கரின் சிவாஜிக்கு அடுத்த படமான 'பதிவன்' படத்துக்கு நாந்தான் இசையமைப்பாளர். ('பதிவன்' - The Post.)

இந்த பாட்டுக்கு இந்த பில்ட் அப் தேவையான்னு நீங்களே கேட்டு முடிவு பண்ணுங்க.

வர்ட்டா... 'அவசரமா' ரெக்கார்டிங் இருக்குது. ஹி ஹி ஹி.

poovanathu -comp.w...

Hosted by eSnips

பாடல் கேட்க மேலே சுட்டுங்க

பூவானது

இயற்கையைப் பாடவே
இதயமும் பூக்குதே
காலையில் புல்வெளி
கவலைகள் போக்குதே
மலை தரும் பாடங்கள் என்ன
மனிதனின் சிறுமையைச் சொல்ல
நதிகளின் பாடல்கள் என்ன
நயனமாய் ஆடுவதென்ன

கடவுளின் சாயலா - இயற்கை
கவிதைக் கூடலா
மலர்களும் பேசுமா - மனித
மனதைத் தீண்டுமா

பூவானது மனம்
வண்டாயிரம் வரும்
தேனூறிடும் நிதம் - பூவானது
0
துள்ளித் துள்ளி முயல்களும் சந்தோஷம் கொள்ளுதே
அள்ளி அள்ளி வாழ்க்கையைக் கொண்டாடச் சொல்லுதே
கள்ளிச்செடி வெட்டினால் கண்ணீரைச் சிந்துதே
வன்முறைகள் தேவையில்லை சொல்லாமல் சொல்லுதே
வானத்தில் ஏறிவரும் மேகங்களும்
யாருக்கும் தடையின்றி மழை பொழியும்

கடவுளின் சாயலா - இயற்கை
கவிதை கூடலா
மலர்களும் பேசுமா - மனித
மனதைத் தீண்டுமா
பூவானது மனம்
வண்டாயிரம் வரும்
தேனூறிடும் நிதம் - பூவானது ...

புகாரியின் பாராட்டு

அன்பின் சிறில் அலெக்ஸ்,
கலக்கிட்டீங்க போங்க!
இயற்கையைப் போற்றும் இந்த அருமையான கவிதையையும் எழுதி மெட்டும் போட்டு அழகாய்ப் பாடியும் இருக்கிறீர்களே, அடடா!
பாட்டு ஓய்ந்தபின்னும் கேட்டுக்கிடக்கிறது என் செவி!
அன்புடனின் கவிதைப் போட்டியில் கலந்துகொண்டதற்கு அன்புடனின் நன்றி.
மேலும் பல நல்ல கவிதைகள் படைத்து, இசையமைத்து, பாடலாய்ப் பாடி தமிழ்க் கவிதையுலகைச் சிறக்கச்செய்ய வாழ்த்துக்கள்
அன்புடன் புகாரி

நடுவர் இசைக்கவிஞர் இரமணன் மதிப்பீடு
1 பூவானது
கணப்பொழுதும் இடைவெளியின்றி இயற்கை சொல்லாமல் சொல்லிக் கொண்டேயிருக்கும் பாடங்களைக் கேட்குமாறு இந்தப் பாடல் பணிக்கிறது. சன்னமான சொற்கள்; பொருத்தமான மெட்டு; 'கடவுளின் சாயலா? இயற்கை கவிதைக் கூடலா?' என்பது இந்தப் பாடலின் ஜீவ வரி. இனிய கவிதை இது.
இயற்றியவரே மெட்டமைத்துப் பாடியிருக்கிறார். அவர், பாடகர் இல்லை என்று தோன்றினாலும், உணர்ச்சி, அவர் குரலைக் கேட்கும்படிச் செய்கிறது.

//அவர், பாடகர் இல்லை என்று தோன்றினாலும்,//
:(((

தமிழ்மணம் வாசிப்பில்

2007-05-21T09:18:00.000-06:00

கட்டுரைகள் வாக்கியத் தொகுப்பு. கவிதைகள் வார்த்தைத் தொகுப்பு. வாக்கியங்கள் சிறப்பாய் அமைந்தால் கட்டுரை சிறக்கும். ஒவ்வொரு வார்த்தையும் கவிதைக்குப் பொருள்தரும். அப்படி வார்த்தைகளும் வாக்கியங்களும் சிறந்த சில படைப்புக்களை பகிர்ந்துகொள்வதில் மகிழ்ச்சி.

லிவிங் ஸ்மைல் வித்யா(லிஸ்) பல கட்டுரைகள் எழுதியிருந்தபோதும் இந்தக்கவிதை கன்னத்தில் அறைகிறது. திரும்பிப் பார்க்கையில், நம் தடங்களில் மிதியுண்ட மனிதர்கள் எத்தனைபேர்? கேள்விகள் எழுகின்றன. குறிப்பாக லிஸ் நம் முன்வைக்கும் திருநங்கைகளைப் பற்றி நம் சிந்தனைகள் என்ன? சமூக அங்கீகாரம் ஒருபக்கம் இருக்கட்டும் நான் எப்போது இவர்களை சகாக்களாக ஏற்றுக்கொள்ளப்போகிறேன்? மயிலிறகால் பெருக்கிக்கொண்டே போகும் சில சாதுக்களைப்போல மனதுக்கும் ஒன்றிருந்தால், எள்ளல் பேச்சாலும், விலகியோடும் பார்வைகளாலும் இவர்களை மிதித்திருக்கமாட்டேனோ?

புலம்பெயர்ந்த தமிழரிடையே வற்றிப்போகும் உணர்வுகளைப்பற்றிய கவிதை ஒன்றை அய்யனார்வரைந்துள்ளார். இந்திய, தமிழகச் செய்திகள் என்னிடத்தில் என்ன பாதிப்புக்களை ஏற்படுத்துகின்றன? மீண்டும் ஒரூ சுயசோதனை. இப்போதெல்லாம் இதைப்பற்றிப் பதிவில் என்ன எழுதுவது என்கிற எண்ணம் மேலோங்குகிறது. செய்தியின் தாக்கத்தைவிட இதில் என் கருத்தென்ன என்பது முதலாகிறது. அறிவார்ந்த அலசல் எழுகிறபோது உணர்வுகள் வற்றிப்போகின்றன. உணர்விலிருந்து எழும் சிந்தனைகள் உயிருள்ளவை.

'இசைக்குறிப்புகளின் அடிக்குறிப்பிலேயே
மிருகங்களை பழக்கும் வித்தையறிந்தவள்'.
எதிர்மறைகள் கவிதையை அலங்கரிக்க சிறந்த யுக்தி. ஆனால் அலங்காரத்திற்காக மட்டுமே மிதக்கும்வெளி சுகுணா திவாகர் இந்த வரிகளை வைத்திருக்கவில்லை. 'சொற்களின் தாய்' தலைப்பிலேயே இலக்கிய நயம். கவிதை முழுக்க நிஜங்களை மாயமாக்கும் சொல்விளையாட்டு. சொற்களின் தாய் மொழிதானே?

குறைகுடம் பிரசன்னாவின் கற்பனை மழைக்கம்பிகளில் கவிதை கோர்க்கிறது, தீக்குளத்தில் பற்றுதலைத் தேடுகிறது, புத்தனைப் பரிதாபத்துக்குரியவனாக்குகிறது. காதலெனும் போதை மரத்தினடியிலேயே ஞானம் கிடைக்கையில் போதிமரங்கள் எதற்கு?

வறியவன் ஒருவன் கோவிலுக்குப் போனான். அவனை உள்ளே விட மறுத்தனர் கோவில் நிர்வாகிகள். வெளியில் நின்று கடவுளைக் கேட்டான்,"பார் என்னை வெளியேத் தள்ளிவிட்டனர்." கடவுள் சொன்னார் "என்னையும்தான்!". ஷைலஜாவின் இந்தக் கவிதை சொல்வது இதைத்தானோ?

காதலர் விளையாட்டொன்றை கண்முன்னே காண்பிக்கிறார் தேவ். காட்சிகளின் விவரிப்பில் கட்டில் களத்தில் முத்தப் பேச்சுக்கள் சப்தமாகவே கேட்கின்றன. காதலன், காதலியோடு காற்றும் சேர்ந்துகொள்கிறது. அந்த முத்தச் சத்தம் நிலவொளியில் கரையும் முன் காதல் கலைகிறது. போரின் பிணக்குவியலில் இறந்துகிடப்பது மனிதர்கள் மட்டுமா?

'வெயில் எழுதியது' இது கவிதையா கட்டுரையா? அசரவைக்கும் நடை. வார்த்தைகள், பாலைகளுக்கு நடுவே பூத்த மலர்களைப்போல மின்னுகின்றன. வெயிலின் நிஜங்கள் சுடுகின்றன, குளிர்ருட்டப்பட்ட அறையினுள்ளும்.

சிலந்தி வலைபின்னிய கதை எத்தனைமுறை கேட்டிருப்போம் அதையே இனிக்கும் வார்த்தைகளில் உரக்கச் சொல்லியிருக்கிறார் கவிஞர். சிலந்தியைப் போலவே இன்னுமொருமுறை படிக்கலாம்.

"எதிலும் இருக்க வேண்டும்
இன்னொரு முயற்சியின் வித்து
முயற்சிகளின் மூட்டையில்
கட்டப்பட்ட வெற்றியின் அஸ்திவாரமே,
என்றைக்கும் உறுதியானது!"

திருவிழாக்கள் நம் கலாசார வெளிப்பாடுகளின் உச்சகட்டம் எனலாம். இன்றைக்கும் பல குமுகங்களில் எஞ்சிநிற்கும் கலாசாரக்கூறு கோவில் திருவிழாக்களே. மண்மணம் வீசும் திருவிழாக்கள் கோவில் திருவிழாக்கள். அதுவும் கும்பிடும் சாமி மீதே மண்மணம் வீசுமென்றால்? மது வடியும் ஊர்த் திருவிழா சுந்தரவடிவேலின் கட்டுரை முழுவதும் நினைவுகளின் கொண்டாட்டம். மண்மணம் வீசும் கட்டுரை. கொஞ்சம், மயக்கும் மதுமணமும்.

சமீபத்திய தமிழக அரசியல் நிகழ்வுகளின் விளைவுகளை அலசும் பத்ரியின் கட்டுரை தோன்றுதல்களைத் தவிர்த்து நேரடி ஆதாரங்களைச் சுட்டிக்காட்டுகிறது. இதற்கு முன்னோடியாய் சேவியரின் இந்தக் கட்டுரையும் சிறப்பாயிருந்தது.

கடவுள் நம்பிக்கை - அடிக்கடி கேட்கப்படும் கேள்விகளுக்கு ஒரு குட்டிப்பிசாசு பதிலளித்துள்ளது. இங்கே சிரிப்பான் போட்டுக்கொள்ளலாம். கடவுளின் இருப்பை, தேவையை குறித்த வாதங்களின் துவக்க உரையாக எடுத்துக்கொள்ளலாம் இதை.

இந்தவாரம் முழுக்க டி.வி பாணியில் அரசியல் திங்கள் துவங்கி காவியபுதன் வரை விக்கி வலைச்சரத்தில் தொகுத்திருந்த பதிவுகளும் அவர் தொகுத்திருந்த விதமும் அருமை. பழைய பதிவுகளை அலசுவதாகட்டும் புதியவர்க்ளை அறிமுகம் செய்வதிலாகட்டும் வலைச்சரத்தின் நோக்கத்தை உணர்த்திய பதிவுகள்.

பெரியாரை அவரை எதிர்ப்பவர்கள் மட்டுமல்ல பின்பற்றுபவர்களும் சரியாகப் புரிந்துகொள்ளவில்லையோ என அவ்வப்போது எனக்கு சந்தேகங்கள் எழும். பெரியாரின் காலத்துக்கேற்ற அவரின் நடவடிக்கைகள் இன்றும் தேவையானதா என்பது உப கேள்வி. இவரும் அதைத்தான் கேட்கிறாரோ?

இளவஞ்சியின் இளவயது கிரிக்கெட் போட்டிகள் பற்றிய சுவையானபதிவு, வெர்டிகோ பற்றி ஜெசிலா கிறுக்கிய தகவல்கள், ஆழியூரானின் 'ரவுடி பிரேமா ' சிறுகதை, மதியின் வேர்ட்பிரஸ்பற்றிய தகவல்கள், ஷைலஜாவின் அன்னையர்தினப் பதிவு, நிவேதாவின் இந்தக் கவிதை, ஜோவின் பெரியார் விமர்சனம் என இந்தவார தமிழ்மண வாசம் நிறைவாக இருந்தது.

முக்கியமான ஒரு பதிவ விட்டுட்டேனோ? ஆமா! அதை விட்டுவிட்டோம் :)

அன்புடன்
சிறில் அலெக்ஸ்

இந்த வாரப் பூங்காவில் வந்த கட்டுரை. வாய்ப்பளித்த தமிழ்மணத்துக்கு நன்றி.

இளையராஜா: இசைத்தட்டிலிருந்து குறுந்தட்டுக்கு...

2007-05-17T15:31:00.000-06:00

தல இளையராஜாவ ஒரு இந்திப் படத்துக்கு இசையமைக்க கூப்பிட்டிருக்காங்க. தல புதுசா ஏதாவது போட்டு கலக்கி (திரும்பவும்) தேசிய அளவுல கால்பதிப்பார்னு பாத்தா பழச புதுசா போட்டிருக்காரு.

அமிதாப் பச்சன், தபு நடிச்சிருக்கிற சீனி கம் (சக்கர கம்மின்னு அர்த்தமா?) படத்துக்கு தலதான் ம்யூசிக்.

தன் பாடல்கள யுவன் எவனோ (தட்டச்சுப் பிழையில்லை) ரீ மிக்ஸ் பண்ணி பேருவாங்குறான் நான் பண்ணா என்னண்னு...

சும்மா சொல்லக்கூடாது தூள் பறத்தியிருக்காரு.

விழியிலே மணி விழியிலே மௌனமொழி பேசும்..
குழலூதும் கண்ணனுக்கு
மன்றம் வந்த தென்றலுக்கு

இந்த மூணு பாடல்களும் மறு-கலப்பு(re-mix ஆகா) செஞ்சிருக்காரு.

இந்தி தெரிஞ்சா இன்னும் ரசிக்கலாம். முஜ்சே ஹிந்தி நகி மாலும்.

பாடல்களைக் கேட்க.

1000 பதிவுகள் கண்ட அபூர்வக் குழு

2007-05-10T13:56:00.001-06:00

www.satrumun.com

ஆனா நிக்கோல் ஸ்மித்துக்கும் சற்றுமுன் குழுவுக்கும் சம்பந்தம் உண்டென்றால் நம்ப இயலுமா?

ஆனா நிக்கோல் ஸ்மித்தின் மரணம் CNNன் Breaking News சேவை வழியாக எனக்கு மின்னஞ்சலில் வந்தபோதுதான் சுடச்ச்சுட உடைபடும் செய்திகளைத் தர ஒரு பதிவை உருவாக்கும் எண்ணம் தோன்றியது. எப்போதும் திரட்டிகளையே பார்த்துக்கொண்டிருக்கும் பதிவர்களுக்கு அவை மூலமே செய்திகளை எடுத்துச் செல்வது சிறந்த சேவையாகத் தோன்றியது.

அன்று மாலையே பாஸ்டன் பாலாவுடன் தொலைபேசினேன். அப்புறம் எல்லாம் உங்களுக்குத் தெரிந்த கதைதான்.

சற்றுமுன் குழுவுக்கு கிடைத்த முதல் வெற்றி அந்தக் குழு அமைந்ததுதான். அனுபவம் மிக்க, செய்திகளை படிப்பதிலும் பகிர்வதிலும் ஆர்வம் கொண்ட பதிவர்கள் குழுவின் உறுப்பினர்கலானதுதான் சற்றுமுன்னுக்கு கிடைத்த முதல் வெற்றி. அவர்களுக்கு வாழ்த்துக்களும் பாராட்டும்.

வெறும் சற்றுமுன் வந்த செய்திகளுக்கென்ற தளம் ஒரு செய்தி சேவையாகவே செயல்பட்டு வருகிறது. இந்த உருமாற்றமும் சற்றுமுன்னின் உறுப்பினர்களாலேயே சாத்தியமானது.

இன்று ஆயிரம் பதிவுகளைத் தாண்டி சிறப்பாக செயல்படுகிறதுஎன்பதில் மிக்க மகிழ்ச்சி. தினம் குறைந்தபட்சம் 500 முதல் 600 பக்கங்கள் வரை பார்வையிடப் படுகின்றன(Total hits).

பின்னூட்டங்களே அதிகம் இல்லாமல் இத்தனை பதிவுகளைத் தந்தது எப்படி என சென்னை சந்திப்பின்போது பலரும் கேட்டனர். அது சற்றுமுன் குழுவின் உறுப்பினர்களின் மனப்பாங்கையே காண்பிக்கிறது.

வரும் நாட்களில் இன்னும் சிறப்பாக செயல்பட சற்றுமுன் குழுவை ஊக்குவியுங்கள். செய்திகளைப் படிப்பதோடு நிற்காமல் அவற்றின் மீதான விமர்சனங்களை பின்னூட்டுங்கள். விவாதங்களை உருவாக்கி பயன்படுத்துங்கள் எனக் கேட்டுக்கொள்கிறேன்.

சற்றுமுன் 1000 போட்டி அறிவிப்பை படித்துவிட்டீர்களா?
இதில் பங்களித்து பயன்பெறுங்கள்.

பதிவர்கள் ஒன்றாய் செயல்படுவது அரிதாய் தோன்றலாம் ஆனால் அடுத்த நிலைக்கு நாம் செல்ல வேறு எதுவும் வழி இருப்பதாய் தெரியவில்லை. புதிய முயற்சிகளை செய்துகொண்டே இருப்போம்.

பதிவுகள் பொது ஊடகத்துடன் கலக்கும் நாட்கள் வெகுதொலைவில் இல்லை.

உங்கள் ஆர்வத்திற்கும், ஆதரவுக்கும் நன்றி.

சற்றுமுன் 1000 போட்டி அறிவிப்பு

2007-05-09T08:39:00.000-06:00

சற்றுமுன்னின் சாதனை விவரம் இங்கே...

1. சற்றுமுன் 999

2. ஆயிரம் பதிவுகள் கண்ட அபூர்வக் குழு

சற்றுமுன்... ஆயிரம் பதிவுகளை எட்டுவதை முன்னிட்டு மாபெரும் போட்டியை நடத்துகிறது. இது ஒரு செய்தி விமர்சனக் கட்டுரைப் போட்டி.

போட்டிக்கான செய்திக்கட்டுரைகளின் வகைகள்:-

அரசியல்

சமூகம்

அறிவியல் /நுட்பம்

விளையாட்டு

பொருளாதாரம்/வணிகம்

மேற்கண்டவற்றில் எந்த வகையின் கீழூம் செய்திகளின் அடிப்படையில் பின்னப்பட்ட கட்டுரைகள் போட்டிக்கு ஏற்றுக் கொள்ளப்படும் .

செய்திக்கட்டுரைகளின் விபரம்:-

நடப்புச் செய்திகளையோ அல்லது வரலாற்று முக்கியத்துவம் வாய்ந்த செய்திகளையோ தொகுத்து முடிவுகளை எட்டும் கட்டுரைகளை வரையலாம்.

ஒரு தலைப்பின் கீழ் சில செய்திகளைத் தொகுத்து முடிவுகளைத் தரலாம். எடுத்துக்காட்டுக்கு, 'பெண்ணியம் ' எனும் தலைப்பின் கீழ் செய்திகள் , புள்ளிவிபரங்களைக் கொண்டு கட்டுரை வரையலாம். நானோ நுட்பம் (Nanotechnology) குறித்த செய்திக் கட்டுரை எழுதலாம்.

ஏற்கனவே வெளிவந்த செய்திகளின் அடிப்படையில் எதிர்காலம் பற்றிய கட்டுரைகள் வரையலாம்.

செய்திகளை நையாண்டி செய்யும் கட்டுரைகளும் வரவேற்கப்படுகின்றன.

பரிசுகள் :

மொத்தபரிசுகள்: -

1. மொத்தத்தில் முதல் பரிசு ரூ . 1500/- மதிப்புள்ள புத்தகங்கள்

2. மொத்தத்தில் இரண்டாம் பரிசு ரூ . 1000/- மதிப்புள்ள புத்தகங்கள்.

3. மொத்தத்தில் மூன்றாம் பரிசு ரூ . 500/- மதிப்புள்ள புத்தகங்கள்.

ஒவ்வொரு வகைப்பாட்டின் கீழும் பரிசுகள் :-

இதன் கீழ் மொத்தம் 15 பரிசுகள், ஒவ்வொன்றும், ரூ.500/- மதிப்புள்ள புத்தகங்கள். அதாவது கீழுள்ள ஒவ்வொரு வகைப்பாட்டிற்கும் மூன்று சமமான பரிசுகள்

அரசியல்

சமூகம்

அறிவியல் /நுட்பம்

விளையாட்டு

பொருளாதாரம் /வணிகம்

வித்தியாசமான கட்டுரைக்கான பரிசுகள்:-

வசீகரமான, வித்தியாசமான தலைப்புள்ள கட்டுரைக்கு ரூ. 500/- பரிசு (இது வலைப்பதிவர்களுக்கு மட்டுமான பரிசு)

சிறப்பு பரிசுகள் :-

போட்டிக்கு முதலில் சமர்ப்பிக்கப்பட்டு தகுதி பெறும் கட்டுரைகளுக்கு சிறப்பு பரிசுகள் உண்டு .

பரிசுகளில் உங்களின் விருப்பம்:-

வெற்றி பெற்றவர் விரும்பினால் பரிசுத் தொகையைத் தான் விரும்பும் ( அல்லது சற்றுமுன் தேர்ந்தெடுக்கும்) ஒரு சமூக சேவைக்கு வெற்றி பெற்றவரின் பெயரில் அனுப்பி வைக்கப்படும் .

கட்டுரைகளை அனுப்ப வேண்டிய முகவரி :

பதிவர்கள் தங்கள் பதிவுகளில் பதித்துவிட்டு satrumun@gmail.com ற்கு சுட்டியை மின்னஞ்சல் செய்யலாம் .

அல்லது இந்த பதிவில் பின்னூட்டமாகத் தரலாம்.

எந்தப் பிரிவின் கீழ் கட்டுரை சேர்க்கப்பட வேண்டும் என்பதை ஆசிரியரே குறிப்பிடவேன்டும். இப்படிக் குறிப்பிடப்படாத கட்டுரைகளுக்கு சற்றுமுன் குழுவே பிரிவைத் தேர்ந்தெடுக்கும் .

பதிவர் அல்லாதவர்களும் முடிந்தவரை தமிழ் ஒருங்குறியில் தட்டச்சு செய்து மேலே குறிப்பிடப்பட்டுள்ள முகவரிக்கு மின்னஞ்சல் செய்யலாம். ஒருங்குறியில் எழுத இயலாதவர்கள் மட்டும் பிற எழுத்துருக்களிலும் அனுப்பலாம்.

கட்டுரைகளை அனுப்ப கடைசி நாள் : ஜூன் 10, 2007

சில விதிமுறைகள் :

போட்டிக்கு அனுப்பப்படும் கட்டுரைகளை போட்டியில் சேர்த்துக் கொள்வது சற்றுமுன் குழுவின் முடிவே.

ஏற்கனவே வெளியான படைப்புகள் ஏற்கப் பட மாட்டாது.

மே 8 மற்றும் அதற்குப் பின் எழுதப் பட்ட விமர்சனக் கட்டுரைகளாக இருக்க வேண்டும்.

ஒருவர் எத்தனை படைப்புகள் வேண்டுமானாலும் அனுப்பலாம்.

பரிசு ஒருவருக்கு ஒன்று மட்டுமே வழங்கப் படும்

போட்டியின் விதிகளை மாற்றி அமைக்கவோ புதிய விதிகளை ஏற்படுத்தவோ உள்ள அதிகாரத்தை சற்றுமுன் தக்கவைத்துக் கொள்கிறது.

'சற்றுமுன்...1000' மாபெரும் போட்டி

2007-05-05T06:03:00.000-06:00

'சற்றுமுன்...' தளம் துவங்கி நூறு நாட்களுக்குள்ளாகவே ஆயிரம் பதிவுகளை எட்டப் போகிறது. வலைப்பதிவுகளில் இது பெரும் சாதனையாகவே இருக்கும்.

ஆயிரமாவது பதிவை நினைவுகூறும் விதமாகவும் இணையப் பயனர்களிடையே செய்தி விமர்சனம் குறித்த ஆர்வத்தைத் தூண்டும் விதமாகவும் மாபெரும் போட்டி ஒன்றை ஒருங்கிணைக்கவுள்ளோம்.

மொத்த பரிசுத் தொகை ரூ. 20,000த்துக்கு மேல். 50க்கும் மேற்பட்ட பரிசுகள்.

இது ஒரு செய்தி விமர்சனக் கட்டுரைப் போட்டி. செய்திகளின் அடிப்படையில் பின்னப்பட்ட அரசியல், சமூகம், அறிவியல், வணிகம், விளையாட்டு எனும் வகைப்பாடுகளின் கீழ் கட்டுரைகள் வரையலாம்.

போட்டி குறித்த முழு விவரமும் விரைவில் அறிவிக்கப்படும்.

போட்டி குறித்த உங்கள் கருத்துக்கள் வரவேற்கப்படுகின்றன.

பரிசுகளை வழங்க சற்றுமுன்னுடன் இணைய விரும்புபவர்கள் சற்றுமுன் குழுவைத் தொடர்பு கொள்ளவும்.

வெயில்

2007-04-08T21:24:00.000-06:00

சென்னையில் வெயிலோடு உறவாடி வெயிலோடு விளையாடி வெயிலோடு மல்லுக்கட்டிக்கொண்டிருக்கிறேன். விடுமுறைன்னுதான் பேரு ஆனா ஆஃபீசைவிட பிசியாக ஓடிக்கொண்டிருக்கிறது வாழ்க்கை.

சிலர் என்னைத் தொடர்புகொண்டபோதும் பேச இயலவில்லை. மீண்டும் முயலுங்கள் (பெப்சி உமா மாதிரி ஆயிடுச்சுல்ல?).

எண். 9444846025 - இப்ப அவுட்கோயிங்கும் இருக்குதுங்க்கோ.

சற்றுமுன்:இந்தியா பாக்கிஸ்தான் மீண்டும் உலகக்கோப்பையில்

2007-04-01T00:13:00.000-06:00

கோடி கணக்கில் நஷ்டம் அடைந்ததை அடுத்து ஸ்பான்சர்களின் வேண்டுகோளுக்கிணங்க இந்திய, பாக்கிஸ்தான் அணிகள் மீண்டும் உலகக் கோப்பை ஆட்டங்களில் ஆட உள்ளன. இதற்கென புதிய விதிமுறைகள் மாற்றியமைக்கப்படவுள்ளன.

தொடர்புள்ள செய்தி: இன்று ஏப்ரல் 1.

Hello சென்னை

2007-03-31T08:21:00.000-06:00

ஒருவழியா சென்னை வந்து சேந்துட்டேன். தொலைபேசி எண் 9444846025. இப்போதைக்கு இன்கம்மிங் மடுந்தான் :)

புஷ் Vs. புஷ்

2007-03-27T10:07:00.000-06:00

அமெரிக்க அதிபர் தன்னைத் தானே கிண்டல் செய்து காமெடி பண்ணிய வீடியோ. White house Press Dinnerன் போது நடந்தது.

கிரிக்கமெண்ட்ஸ் = கிரிக்கெட் + கமெண்ட்ஸ்

2007-03-26T13:37:00.000-06:00

உலகக் கோப்பை பற்றிய கசப்பான நினைவுகளுக்கு கொஞ்சம் ஆறுதலாய் போட்டிகள் நடந்துகொண்டிருக்கும்போதே நம் பதிவர்காள் தொடர்ந்து 'சற்றுமுன்னில்' விட்டுக்கொண்டு வந்த பின்னூட்டங்களில் சுவாரஸ்யமானவை சிலவற்றை கீழே தொகுத்துள்ளேன். சற்றுமுன் குழு இதை சிறப்பாக செய்திருந்தது. ஏதோ பதிவர்கள் எல்லாருமே சேர்ந்து மேட்ச் பாத்ததுபோல அமைந்திருந்தது. Over to கிரிக்கமெண்ட்ஸ்.

sksanu said...
191க்கு இந்தியா ஆல் அவுட்!என்னத்தெ சொல்றது.இவங்களையெல்லாம் சக்கரைத் தண்ணியத் தெளிச்சு எறும்புப் புத்திலெ தூக்கிப்போடணும்.

ஜோ / Joe said...
கிரிக்கெட் கடவுள் 26 பந்துகளில் 7 ரன் ,பங்களாதேஷுக்கு எதிரே .ஹும்.பொதுவா இந்தியா செத்த பாம்பை நல்லா அடிப்பாங்க .ஆனா இங்கே பங்களாதேஷ் செத்த பாம்பு இல்லை போலிருக்கு.

தம்பி said...
நம்ம பொழப்புதான் சிரிப்பா சிரிக்குதுன்னா அங்க பாகிஸ்தான் பொழப்பு குய்யோ முறையோ அழுவுது. என்ன நடக்குதுன்னே தெரில

bangalorean said...
வருத்தமான செய்தி : பெங்களூரில் முஸ்லிம்கள் அதிகம் வசிக்கும் பகுதியான சிவாஜிநகர் பக்கம் அதிகமான போக்குவரத்து நெருக்கடி. பங்களாதேஷ் ஒவ்வொரு விக்கெட் எடுக்கும்போதும் பட்டாசு வெடித்துக் கொண்டாடுகிறார்கள். இந்தியாவில் இருக்கிறோமா என்றே சந்தேகம் :(

ஆன்லைன் ஆவிகள் said...
ஆவியிலக வாசிகளின் கணிப்புப் படி 12 ரன்கள் வித்தியாசத்தில் இந்தியா வெற்றி பெறும் என்று நம்பத்தகாத வட்டாரங்கள் தெரிவிக்கின்றன!

தென்றல் said...
பங்களாதேஷ்: 60/1/(11 ஓவர்;5.45RR)/ஆவியிலக வாசிகளின் கணிப்புப் படி 12 ரன்கள் .../ஏங்க... இருக்கிற tension பத்தாது-னு....

சிறில் அலெக்ஸ் said...
Bangladesh 54-1 these guys are playing great. hitting easy boundries. Sixes, yes I said sixes.Pathetic.We will face Pakistan's fate against West Indies, only it is Bangladesh.

icarus prakash said...
தமீம் நாலும் ஆறுமாக விளாசுகிறார். CRR : 5.5. சான்ஸே இல்லை... எல்லாரும் டீவியை ஆஃப் பண்ணிட்டுப் போய் படுங்க,.

தம்பி said...
Patel to Iqbal, THATS OUT!! Caught!!

icarus prakash said...
இருந்தாலும் டவுட்டுதான்..... அடுத்த அஞ்சு ஓவருக்குள்ளே இன்னும் ரெண்டு மூணு விக்கெட் எடுத்தா சான்ஸ் இருக்கு

icarus prakash said...
ச்சேஎ... கேவலமான டிராப்..., தோனி கொஞ்சம் ஒழுங்கா விளையாடுப்பா

cricket said...
prakash: what do you think abt paki innings

icarus prakash said...
i was shocked , to say the least

cricket said...
impossible : victory is far away. current runrate is about 5+ runs a over and bangladesh looks very possitive

cricket said...
gonna sleep now. there is no point in watching the match. waste of time

தம்பி said...
//பங்களாதேஷ் இந்தியாவிற்கு நல்லதொரு சுண்ணாம்பு தடவி வீட்டிற்கு அனுப்ப பார்க்கறாங்க...//யோவ் அனானி யாரு யாருக்கு சுண்ணாம்பு தடவ போறாங்கன்னு பொருத்திருந்து பாருமய்யா!

Anonymous said...
// தம்பி யோவ் அனானி யாரு யாருக்கு சுண்ணாம்பு தடவ போறாங்கன்னு பொருத்திருந்து பாருமய்யா!//உண்மைய சொன்னா ஏன் கோபப்படுறீங்கனு புரியல...

bangalorean said...
Holy crap :( i stay near muslims area. lots of crackers :( when ever 4 was hit by bangladesh ashamed

தம்பி said...
நாளைக்கு தினத்தந்தி நியூஸ்.பயந்து பம்மிய இந்தியாபாய்ந்து குதறிய பங்களாதேஷ்

Vicky said...
// kadavuLE ipadiye pochunna chance irukku
Dravid: இன்னுமா இவங்க நம்மள நம்பறாங்க
Zaheer: அது அவங்க தலைவிதி தல

சிறில் அலெக்ஸ் said...
Another good boundry..Who is the underdog hereoh make it two.Bangladesh Sure to win.:)India is the new Bangladesh.

Radha Sriram said...
how cruel can you get??! (no smiley!)

Anonymous said...
saga pora nerathula sankara sankara ... oru wicket pochchu

சிறில் அலெக்ஸ் said...
17 from 46 balls. 5 wickets down.Is there hope?

Anonymous said...
ungalukku paiththiyama ? hopes ?? :))

Anonymous said...
tai kannadi potta kunda ippo santhoshama??? :(

(மேலுள்ள கமெண்ட் எனக்கு - :))

"வற்றாயிருப்பு" சுந்தர் said...
இந்த வாணவேடிக்கையை பங்களாதேஷ்கிட்ட காட்டிருந்தா எவ்ளோ நல்லா இருந்திருக்கும்!யுவா விக்கெட் விழுந்த அடுத்த பந்துல டெண்டுல்கள் ஒரு 4. அப்றம் 1. 396 ஆயிடுச்சு. 400 உறுதி.

சிறில் அலெக்ஸ் said...
இன்றைக்கு மழை வரப் போவுதுங்க.இந்தியா சூப்பர் 8 போறது ரெம்ப சந்தேகம்.. என்னை நீங்க சபிச்சாலும் பரவாயில்ல.ஒரு பெட்டிங் வச்சுக்கலாமா?:)

மணிகண்டன் said...
ரெண்டு முறை LBW ஆகி, மூன்றாவதாக பேட் செய்ய கிடைத்த வாய்ப்பில் கேட்ச் கொடுத்து அவுட்டானார் ஜெயசூரியா. நல்லாயிருங்க அம்பையர்ஸ்.

சிவபாலன் said...
சிறில்என்ன இப்படி டென்சன் ஏத்திறீங்க.. நம்ம ஆளுங்க இன்னை தோத்துட்டா .. அவ்வளவுதான்.. :)

மணிகண்டன் said...
எனக்கென்னவோ அப்பையர்களையும் சேர்த்து இலங்கைக்கு 13 பேர் ஆடறாங்களோன்னு தோனுது.அம்பையர் ஹார்ப்பர் டவுன் டவுன்!

சிறில் அலெக்ஸ் said...
அங்க பெவிலியன்ல நம்ம க்ரெக் சாப்பல் கழுத்த தடவிகிட்டு உக்காந்துகிட்டிருக்காராம்.:))

மணிகண்டன் said...
//சிபா,என்ன கேள்வி இது. பங்களாதேஷ் கிட்ட அந்த அடி அடிச்சிட்டு அடுத்த மேட்சல இப்படி யாராவது தடவுவாங்களா? ஆனாலும் நீங்க ரொம்ப அப்பாவிங்க சி.பா //
சந்தோஷ்,
நீங்க சொல்றது படி பார்த்தா ஒரு அணி தடவிகிட்டே தான் இருக்கனும், இல்லை அடிச்சிகிட்டே தான் இருக்கனும். எந்த டீமும் ஒரு நாள் ஆடின மாதிரி இன்னொரு நாளும் ஆட முடியாது. அப்படி ஆடினா அவங்க வின்னிங் % 100 இருக்கனும். ஆஸ்திரேலியாவொட வின்னிங் % கூட கிட்டத்தட்ட 63% கிட்ட தான். இன்னைக்கு மேட்ச் ஃபிக்ஸ் ஆயிடுச்சு, இந்தியா ஜெயிக்கும்னு தெரிஞ்சா எதுக்கு உக்காந்து மேட்சை பார்க்கறீங்க? (உங்களைன்னு சொல்லலை பொதுவா ஃபிக்ஸிங்னு சொல்ற எல்லாருக்கும் சொல்றேன்)

சிறில் அலெக்ஸ் said...
//இன்னைக்கு மேட்ச் ஃபிக்ஸ் ஆயிடுச்சு, இந்தியா ஜெயிக்கும்னு தெரிஞ்சா எதுக்கு உக்காந்து மேட்சை பார்க்கறீங்க? //க்ரெக் சசப்பலின் நிலமை என்னவாகும்ணு தெரியவேண்டாமா?க்ரிக்கெட்ட பொறுத்தவரைக்கும் நீங்க தீவிர பக்தர் நான் நாத்திகன் ஆயிட்டேன்.:)

VSK said...
Dravid's gamble with Ganguly paid off!!Sanggakara out caugt Patel bowled BT[Bengal Tiger]:))

சிறில் அலெக்ஸ் said...
//Dravid's gamble with Ganguly paid off!!//some one agrees it is all Gamble.:)

Boston Bala said...
---இந்தியாவிற்க்கு முதல் மாட்ச் அவுஸ்திரேலியாவோ, தென்னாபிரிக்காவோதான். ---இந்த மேட்சையே பிக்ஸ் செய்யறப்போ, அடுத்த ஆட்டத்தையும் 'வாங்கிடலாமே' ;))

Anonymous said...
எப்படியும் இலங்கையைத் தோற்கடித்து இலங்கைக்கு அனுப்பி வைக்கவும்.தமிழனைக் கொல்லும் நாடு வெற்றியடையக் கூடாது.ஒரு இலங்கைத் தமிழன்

VSK said...
இங்கே இருக்கறவங்க[பின்னூட்டம் போடறவங்க] எல்லாரும் இது மேட்ச் ஃபிக்ஸிங்னு முடிவு பண்ணிகிட்டு பின்னூட்டம் போடற மாதிரி இருக்கு.இது நல்லால்லே!சொல்லிட்டேன்!இந்தியா மேலியும் கொஞ்சம் நம்பிக்கை வையுங்கப்பா!தெறம இல்லாமியா இத்தினி நாளு தாக்கு பிடிக்கறாங்க!:))

Boston Bala said...
---தெறம இல்லாமியா இத்தினி நாளு தாக்கு பிடிக்கறாங்க!---அதானே.. நானும் இதையேத்தான் சொல்றேன் :Pஎன்ன திறமை என்பதில்தான் இரு அணியினரும் வேறுபடறாங்க ;)

சந்தோஷ் aka Santhosh said...
//Depending on spinners at the 47th over??What the hell is Dravid thinking?bad.... very baaaad!//டென்ஷன் ஆகாதிங்க SK. அவங்களும் எம்முட்டு நேரம் தான் நல்லா விளையாடாத மாதிரி நடிக்க முடியும் சொல்லிங்க. அவங்களை அடிங்கடா அடிங்கடான்னு சொல்லி நம்ம ஆளுங்க பவுலிங் போட்டா அவங்க என்ன பண்ணுவாங்க சொல்லுங்க.

Boston Bala said...
---Depending on spinners at the 47th over??What the hell is Dravid thinking?---அதே... அதே! அகர்கர் எதற்கு இருக்கிறார்?அவர்தானே ரன் தானம் தரவேண்டும் ;)

மணிகண்டன் said...
Good competitive score. chances are 50-50. For match fixers 100-0 in favour of India :)

தமிழ்பித்தன் said...
//இம்முட்டு அடிச்சா அப்புறம் இந்தியா எப்படி ஜெயிக்கிறது. ஒரு வேளை அவ்வுளவு அடிச்சா bermuda bowlers வந்து பவுலிங்க் போடுவாங்களோ?//நானும் இதைத்தான் நினைத்தேன் அவர் கேட்டுட்டார் ஆனாலும் பொறுத்திருந்து பார்ப்போம் இலங்கையரின் பந்தா அல்லது இந்தியரின் பட்டா என்று?

அவந்திகா said...
:-)))..காலையில இருந்து 3 தடவை trial toss போட்டு பார்த்து வின் பண்ணேன்so கண்டிப்பா நாம தான் ஜெயிக்கிறோம்

icarus prakash said...
அப்படிப் பார்த்தா டாஸ் கூட நாமதான் கெலிச்சோம்... சூப்பர் எட்டுக்கு நேராப் போய்டலாமா? :-)

மணிகண்டன் said...
Looks like good solid start by India..keep up the good work India!

மணிகண்டன் said...
கமெண்ட் போட்ட நேரம் சரியில்லன்னு நினைக்கிறேன்..உத்தப்பா அவுட்.

Boston Bala said...
ஏன் இந்தியா கெலிக்கும்1. வெள்ளிக்கிழமை மங்களகரமான நாள். ராகு காலத்திலோ எம கண்டத்திலோ துர்கா சன்னதியில் கூட்டம் அள்ளும். அவ்வளவு கடாட்சமும் இந்தியா மேல் படுவதால்...2. சேவாக் 5000 ஓட்டங்களைத் தாண்டுவதால்...3. இந்த வருடம் இளவேனிற் பருவம் பிறந்த பிறகு இந்தியா தோற்கவே இல்லை என்பதால்...

Boston Bala said...
---நம்ம அணியை கொஞ்ச நேரம் விளையாட விடுங்க..---சித்து சொன்னது: 'விக்கெட் என்பது வீட்டுக்கரசியைப் போல; எப்போது எப்படி திரும்பும் என்று சொல்லவே முடியாது'

சந்தோஷ் aka Santhosh said...
ஆட்டம் அங்க சூடு குறையுது. பாபா இங்க பட்டையை கிளப்புறாரு. :)).

சிறில் அலெக்ஸ் said...
மேட்ச் ஃபிக்சிங் சரியா செய்யல..:)

சந்தோஷ் aka Santhosh said...
//மேட்ச் ஃபிக்சிங் சரியா செய்யல..:)//அலெக்ஸ் அவங்களும் எம்முட்டுடோ டிரை பண்றாங்க பவுலிங்கை சுமாரா போட முடியலை அவங்களுக்கு நல்லா போட்டே பழக்கமாயிடிச்சி.

சிவபாலன் said...
சாப்பலின் கழுத்து காலி.. டிராவிட்டின் கடைசி போட்டி..கேப்டனாக..அட போங்கப்பா..இன்ன நோ கமன்ட்ஸ்.. இந்தியா ஜெயித்தா வருவேன்..

சிறில் அலெக்ஸ் said...
சற்றுமுன்(போலி)செய்தி: சேப்பல் ஓட்டம். விமானத்தின் இறக்கையை பிடித்துக்கொண்டு பறந்தார்.

சிறில் அலெக்ஸ் said...
குங்குமம் இந்த வாரம்: சேப்பலின் கழுத்து தப்புமா? கேட்கிறார் மேட்ச் ஃபிக்ஸ் செய்பவர்.சச்சினுக்கு முட்டை பிடிக்கும். ஸ்கோர் கீப்பர் சுவாஇயான பேட்டி.பெர்முடாவிடம் ஜெயித்தது எப்படி? கணிக்கிறார் ஜோதிடத்திலகம் சுந்தரம்

-L-L-D-a-s-u said...
கை அரிக்குது .. அடுத்து எங்கே பின் ஊட்டம் இடுறது ..மணிகண்டா, போஸ்ட மாத்து

சந்தோஷ் aka Santhosh said...
Commentator "Terrific batsman Shewag".shewag "இப்படி ஏத்தி விட்டு உடம்பை ரணகளம் ஆக்குறதே இவனுங்களுக்கு வேலையாப்போச்சி"காணாமல் போனவர்கள் பற்றிய அறிவிப்பு:1. மணிகண்டன்.2. SK3.Icarus prakash

ரவிசங்கர் said...
44 comments..பட்டைய கிளப்பும் போல இருக்கே சற்றுமுன் updates ! live commentary மாதிரி மக்கள் பின்னூட்டத்தில் பூந்து விளையாடுகிறார்கள் !!

-L-L-D-a-s-u said...
குரங்கு ராதாவுக்கு தூக்க மாத்திரை கொடுக்க ஐ.சி.சி பரிந்துரை

சிறில் அலெக்ஸ் said...
டி. ராஜேந்தர் திடீர் பேட்டி
என்னடா ஆடுறான் கிரிக்கெட்டு
சட சடன்னு விழுது விக்கெட்டு.
தூக்கி அடிச்சாத்தான் சிக்சரு
என்ன செய்யுறான் மேட்ச் ஃபிக்சரு?
சச்சின் எடுத்து வந்தார் பெரிய மட்டை
ஸ்கோர் போர்ட்டப் பாத்தா முட்டை

தங்கச்சி அழாதம்மா..அடுத்த உலகக்கோப்பைல எல்லா லீக் மேச்சும் பெர்முடாகூட ஆடுறமாதிரி செஞ்சுரலாம்.

பெர்முடா(ஸ்) கிழிஞ்சுச்சுன்னா தச்சு போட்டுக்கலாம்.. இந்தியா கிழிஞ்சுதுன்னா?

மணிகண்டன் said...
எப்பா யாராவது ஷேவாக்குக்கு பேட்டை கீழே வச்சுகிட்டே ஓட கத்துக்குடுங்கப்பா

மணிகண்டன் said...
//how can we watch this match live? //why do you want to watch this match live?

சிறில் அலெக்ஸ் said...
//மக்களே மனசை தளர விடாதிங்க. நமக்கு இன்னும் ஒரு சான்ஸ் இருக்கு. bermuda வந்து பங்களாதேஷை தோற்கடிச்சா நமக்கு கொஞ்சம் சான்ஸ் இருக்கும். //சந்தோஷ்.. என்னது இது.. நம்பிக்கை நாயகமா நீங்க..சைட் பெட்டிங் இந்தியா 200 தாண்டாது..

சிறில் அலெக்ஸ் said...
//Amit is not flustered. "There is hope. No more wickets till we reach 200 and all will be good.Have faith. India will win.from cricinfo //Amit is a match fixer from Mumbaifrom satrumun(fake) news.

சிறில் அலெக்ஸ் said...
கவுண்டமணி: டேய் என்னடா டி.வி முன்னால உக்காந்துகிட்டு அழுதுட்டிருக்கீங்க. காந்தி செத்து பல வருசம் ஆவுதேடா?வடிவேலு: அண்ணே வேணாம் சிரிச்சுருவேன்.. வேணாம்.

சந்தோஷ் aka Santhosh said...
தோனி "ஏற்கனவே விட்டை ஒடச்சிட்டாங்க இப்ப என்ன உடைக்கப்போறாங்களோ தெரியலையே?"அப்படிங்கிற கவலையோட போறாரு.

சிறில் அலெக்ஸ் said...
சற்றுமுன்(Faking news) தோனி வீடு காலி செய்யப்பட்டது.. காலின்னா 'காலி'

சந்தோஷ் aka Santhosh said...
இந்த கமெண்டேட்டருங்க அடிக்கிற காமெடிக்கு ஒரு அளவே இல்ல. போன drinks breakல போயி டிராவிட்டே துணியெல்லாம் pack பண்ணி எடுத்து வெச்சிட்டாரு. இந்த commentators ஜெயிச்சிடுவாங்கன்னு இன்னும் செல்லிட்டு இருக்காங்க.

சந்தோஷ் aka Santhosh said...
எனக்கு தெரிஞ்சி உத்தப்பாவோட பேரை மாத்தினா சரியாப்போயிடும்மு நினைக்கிறேன். எல்லாரும் அவரோட பேரை ஊத்தப்பா ஊத்தப்பான்னு சொல்றாங்க அதனால அவரு விளையாடுற மேட்சு எல்லாம் ஊத்திகிதோ? பேரை மாத்து பேரை மாத்து.

அவந்திகா said...
''அறுக்க மாட்டாதவன் இடுப்புல அம்பத்தெட்டு அருவாளாம்'''இது என்னமோ அம்மா சொல்லீட்டு சிரிச்சாங்க..எழுதி வாங்கீட்டு வந்து டைப் பன்ணி இருக்கேன்..உங்களுக்கு புரிஞ்சா சிரிங்கஇப்ப இதுக்கு meaning கேட்டா அடிக்க வந்துடுவாங்க

சந்தோஷ் aka Santhosh said...
//நாமக்கட்டி விலை குறையும்//-- தினமலர் செய்தி.இதுக்கும் மேட்சுக்கு எந்த சம்மந்தமும் இல்ல சாமி.

சிறில் அலெக்ஸ் said...
சற்றுமுன்(Faking news) சச்சினின் டூத் ப்ரஷ் காணவில்லை. வீட்டுக்கு பொருட்களை அடுக்கி வைக்கும்போதூ தேடினார். 'ஊத்த'ப்பாவை சந்தேகிக்கிறார்கள்.

அவந்திகா said...
Anna even if India looses..SATRUMUN has won...everyday it strikes a centuryCONGRAAAAAAAATS SATRUMUN..:--)))....

சிறில் அலெக்ஸ் said...
பஞ்ச் லைன்ஸ்:
ரஜினி: நான் ஒரு ரன் எடுத்தா நூறு ரன் எடுத்தது மாதிரி.
கமல்: அவன நிறுத்தச் சொல்லு.. சும்மா விக்கட் எடுத்துகிட்டே இருக்கானே அவன நிறூத்தச் சொல்லு.
விஜயகாந்த்: தெருவுல வெளயாடிட்டு டீமுக்கு வர்றவனுக்குத்தான் தெரியும் சும்மா ரெக்கமெண்டேசன்ல வந்தவனுக்கெல்லாம் இப்படிதான்.
சத்யராஜ்: அட கிரிக்கட்டையே புரிஞ்சிக்கமாட்டீங்குறீங்களே.. அவுட்டு அவுட்டு(தகடு தகடு ஸ்டைல்ல).
வடிவேலு: இத்தன விக்கட் விழுந்தும் நின்னு 4 அடிக்கிறாரே இவரு எவ்வளோ நல்லவருடா.:))

கவிதா said...
Boost is the secret of our Energy !!!

Anonymous said...
இந்திய புக்கிகள் யாரக் கொல்லுவாங்க ?

சற்றுமுன்னின் முயற்சியில் பங்கெடுத்த பதிவர்களுக்கும் அனானிகளுக்கும் நன்றி . இந்த முயற்சியை துவக்கியவர் சற்றுமுன் உறுப்பினர் பதிவர் சிந்தாநதி. பாராட்டுக்கள்.

அப்டியே போய் நம்ம மனிகண்டன் விரக்தில ஒரு பதிவு போட்டு கலாஞ்சிருக்காரு படியுங்க.
அப்படி என்ன தாண்டா பேசுவீங்க?

.

கவி தந்த விதை -5: உன்னைப் பார்த்த பின்பு

2007-03-22T08:55:00.000-06:00

உன்னைப் பார்த்தபின்பு...

உன்னைப் பார்த்தபின்பு,
அத்தைப் பெண்கள் ராட்சஷியாயினர்.
முத்தச் சத்தம் மந்திரமானது
அப்பா திட்ட சிரிப்பு வந்தது
அம்மாவின் கோலம் கிறுக்கலானது
அண்ணியும் அண்ணனும் அன்னியராயினர்.
நண்பனின் கேலி வாழ்த்தாய்ப் போனது
நண்பிகளெல்லாம் தங்கைகளாயினர்.
அறத்துப்பாலும் 'இன்பம்' தந்தது
திறந்த விழிகளில் கனவுகள் தோன்றின
காக்கைச் சத்தம் பாடலானது
காகித மலர்களும் தேனைச் சொறிந்தன
கட்டில், மெத்தை கல்லறையானது
கனவும் நினைவும் ஒன்றாய்ப் போயின
கவிதைப் புத்தகம் நிரம்பி வழிந்தது
ஆயிரம் பென்சில்கள் உயிரை இழந்தன
குளியலறையில் சீட்டியடிக்கிறேன்
விடியும் பொழுதுதான் உறங்கப் போகிறேன்

அலையும் விழிகள் உனையேத் தேடும்
கலையும், பாட்டும் அற்பமாய்த் தோன்றும்
நிலவும் சிறுக்கும், இரவை வெறுக்கும்
உயிரை உனது உருவம் உறுத்தும்.

விதைத்தவர்: வைரமுத்து
வளர்த்தவர்: சிறில் அலெக்ஸ்

ஒலிFM ல் ஷைலஜா அவர்கள் கடந்த காதலர் தினமன்று வாசித்து வழங்கிய கவிதை.

நான் ரெம்ப நெஇர்ட்(weird)

2007-03-19T21:19:00.000-06:00

தலைப்ப பாத்தாலே தெரியலியா நான் ரெம்ப weirdனு(தமிழ்ல என்ன?)

நம்ம அணில்-குட்டி-கவிதா (எப்டி வேணா படிச்சுக்குங்க) என்னோட 5 weird குணங்கள எழுதச் சொல்லியிருக்காங்க. Weirdக்கா பஞ்சம் செஞ்சுருவோம்.

1. எத எடுத்தாலும் ஏதாவது வித்யாசமா செய்யணும்னு நினைக்கிறது. சாதாரண விஷயங்களில்கூடா ஏதேனும் அறிவியலையோ அல்லது தத்துவங்களையோ அப்ளை பண்ணலாமான்னு பாப்பேன். வேடிக்க என்னண்னா பல நேரங்கள்ல வொர்க் அவுட் ஆயிருக்குது. Weird.

2. ஜோக் ஒண்ணு தோணுச்சுன்னா, யாரு, எந்த இடம், என்ன நடக்குதுன்னு எதுவுமே பாக்காம சொல்லிவிடுவது. இதுவும் பல நேரங்கள்ள ஒர்க் அவுட் ஆயிருக்குது சில நேரங்கள்ல என்ன ஒர்க்லேந்து அவுட் பண்ற லெவலுக்கு போயிருக்குது. Weird.

3. என்னப் பத்தி யாராவது பெருமையா பேசுனா தலகால் புரியாமப் போயி ஆனந்தக் கண்ணீர் வருமளவுக்குப் போயிரும். குறிப்பா, பேசும்போது என் ஜோக்க யாராவது ரசிச்சு விழுந்து விழுந்து சிரிச்சாங்கன்னு வையுங்க... (அதுக்கப்புறம் கடி பின்னிருவேன்). Weird.

4. அறிமுகமில்லாத நபர்களிடம் எளிதில் பழகுறது. (weird also means that which is not common) என் நெருங்கிய நண்பர்களுகூட கேப்பாங்க 'எப்படீடான்னு'. ஒரு சின்ன ஸ்மைல்தான் முதலீடு. வாட்ச்மேன், ட்ரைவர், பால்காரர், இன்னும் யாராயிருந்தாலும் முடிந்தவரை நட்பு பாராட்டுவேன்.

5. மேல சொன்ன பாயிண்ட்டுக்கு தொடர்ச்சியா ஒரு பாயிண்ட்...புது எடத்துக்குப் போனா பழைய நண்பர்களை எளிதில் மறந்துடுவேன். ஆனா பாத்தா அடையாளம் கண்டு பிடிச்சுருவேன். ஆனா முயற்சி எடுத்து நட்ப தக்கவச்சிக்க முயல மாட்டேன். (சில நெருங்ங்ங்ங்கிய நண்பர்கள் இதற்கு விலக்கு) எல்லாரும் அப்படித்தானோ? I find it weird.

இண்டர்வீயுவுல கேப்பாங்க Tell me about your weeknessனு பல வருஷமா தப்பிச்சு வந்துட்டேன் இப்ப சொல்லிட்டேன். அடுத்து weired Mimiக்கு நான் அழைப்பது..

1. அரவிந்தன் நீலகண்டன்
2. ஜி.ரா
3. சர்வேசன்
4. மணிகண்டன்
5. நிர்மலா